សុខភាព

ស្ត្រេស និងបញ្ហាថប់បារម្ភ អាចបង្កជាអាការឈឺក្រពះ

បានផុស

៥ years មុន

នៅ

ថ្ងៃអង្គារ ១៧ សីហា ២០២១

ដោយ

Sonya

នៅពេលដែលយើងស្រ្តេស វាអាចបង្កជាអាការឈឺក្រពះ ដែលនេះមកពីខួរក្បាល និងពោះវៀនមានទំនាក់ទំនងគ្នា។ ពិតណាស់ ស្រ្តេស និងបញ្ហាថប់បារម្ភសុទ្ធតែអាចប៉ះពាល់ដល់ប្រព័ន្ធរំលាយអាហារ ហើយប្រសិនបើយើងមិនអើពើ វាក៏អាចអភិវឌ្ឍជាបញ្ហាប្រព័ន្ធរំលាយអាហារដទៃទៀតផងដែរ។

មូលហេតុស្រ្តេស ឬការថប់បារម្ភប៉ះពាល់ដល់ក្រពះ

Stress Asian young man sitting alone on bed. He crying with tear and cover face by both hands. Feeling mood and blue. Casual wear at home. Bad relationship or bankrupt problem and

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែង បញ្ហាក្រពះជារោគសញ្ញាទូទៅបំផុតដែលបណ្ដាលមកពីស្រ្តេស និងការថប់បារម្ភ។ ក្រុមអ្នកស្រាវជ្រាវបានកំណត់អត្តសញ្ញាណនៃទំនាក់ទំនងរវាងពោះវៀន និងខួរក្បាល ដែលនេះកើតឡើងដោយសារតែពោះវៀនពោរពេញទៅដោយសរសៃប្រសាទដូចទៅនឹងខួរក្បាល។ ដូច្នេះហើយ នៅពេលដែលយើងព្រួយបារម្ភ វាអាចមានឥទ្ធិពលលើប្រព័ន្ធរំលាយអាហារ ដោយកាត់បន្ថយការផលិតអង់ទីក័រ និងពពួកបាក់តេរីការពារភ្នាសពោះវៀន ។

រោគសញ្ញានៃបញ្ហាពោះវៀនដែលទាក់ទងនឹងស្រ្តស

Migraine and Stomach Ache - See How the Two Are Related - StoryV Travel & Lifestyle

ឈឺពោះ បន្ទាប់ពីញ៉ាំអាហាររួច
ចុកពោះ ឬហើមពោះ
ទល់លាមក ឬរាករូស
ពិបាករំលាយអាហារ
បាត់បង់ចំណង់អាហារ
ឃ្លានខុសពីធម្មតា
ក្រហាយទ្រូង
ចង្អោរ ឬហ្គាស

នៅពេលដែលយើងប្រឈមនឹងរោគសញ្ញាណាមួយក្នុងចំណោមរោគសញ្ញាទាំងនេះ វាអាចជាប្រភពនៃការថប់បារម្ភ ឬស្រ្តេសដែលប៉ះពាល់ដល់ការរស់នៅរបស់យើង។ ហេតុនេះហើយ ការចាត់វិធានការក្នុងការគ្រប់គ្រងស្រ្តេស ជារឿងដែលយើងមិនគួររំលងឡើយ។