សុខភាព

រោគសញ្ញា ៤ យ៉ាង បង្ហាញពីភាពតានតឹងក្នុងក្រពះ និងវិធីព្យាបាល

បានផុស

១ year មុន

នៅ

ថ្ងៃពុធ ១៦ វិច្ឆិកា ២០២២

ដោយ

មនុស្សជាច្រើនប្រហែលជាធ្លាប់ឮពីរោគសញ្ញាស្ត្រេស ឬភាពតានតឹងក្នុងក្រពះ ដែលគេគិតថាឈឺពោះ ក្រហាយក្រពះបណ្ដាលមកពីស្ត្រេសកកកុញជាដើម។

ខាងក្រោមនេះ គឺជាវិធីដោះស្រាយប្រសិនបើអ្នកមានរោគសញ្ញាបង្ហាញថា មានភាពតានតឹងក្នុងក្រពះ។

តើភាពតានតឹងក្រពះកើតឡើងយ៉ាងដូចម្តេច? នៅពេលដែលរាងកាយមានភាពតានតឹង វាប៉ះពាល់ដល់ការសម្ងាត់នៃអរម៉ូនផ្សេងៗ រួមទាំងក្រពះដែលបញ្ចេញជាតិអាស៊ីដច្រើនជាងធម្មតា ធ្វើឲ្យរលាកក្រពះ និងការរំលាយអាហារយឺតផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាពតានតឹងក្នុងក្រពះ មានរោគសញ្ញា៤គឺ ៖

១ ការឈឺចាប់ ឬឈឺជុំវិញអណ្ដាត ជាធម្មតាមុន ឬក្រោយពេលបរិភោគ

២ ហើមពោះ ពិបាករំលាយអាហារ មានអារម្មណ៍ឆ្អែតលឿន

៣ ខ្យល់ក្នុងក្រពះច្រើនពេក ក្រហាយទ្រូងញឹកញាប់

៤ ចង្អោរឬក្អួតជាដើម។

វិធីព្យាបាលភាពតានតឹងក្រពះ

ស្ត្រេសប៉ះពាល់ដល់ដំណើរការធម្មតានៃក្រពះពោះវៀន ម្យ៉ាងវិញទៀត ជំងឺក្រពះពោះវៀន ក៏អាចជះឥទ្ធិពលអវិជ្ជមានដល់ចិត្តផងដែរ។ ដូច្នេះដំណោះស្រាយត្រូវតែបំបែកវដ្តនេះដោយ៖

-នៅពេលអ្នកមានអារម្មណ៍តានតឹង ចូរធ្វើសកម្មភាពផ្សេងទៀត ដែលជាការសម្រាក ដូចជាការស្តាប់តន្ត្រី ការគូររូប ការធ្វើលំហាត់ប្រាណ ការអាន ឬសមាធិ។

-ញ៉ាំអាហារឲ្យទាន់ពេលវេលា និងបំពេញអាហារទាំង៣ មុខឲ្យបានគ្រប់គ្រាន់។

-ធ្វើលំហាត់ប្រាណឲ្យបានទៀងទាត់។

-ចៀសវាងការផឹកស្រា និងជក់បារី។

-ការពារភាពតានតឹងដោយធ្វើការផ្លាស់ប្តូរអាកប្បកិរិយា ដូចជាការធ្វើឲ្យមានតុល្យភាពនៃកាលវិភាគការងាររបស់អ្នក។ សម្រាក និងធ្វើលំហាត់ប្រាណឲ្យបានគ្រប់គ្រាន់។

-អ្នកគួរតែពិគ្រោះជាមួយវេជ្ជបណ្ឌិត ប្រសិនបើអ្នកមានលាមកមានឈាម ស្រកទម្ងន់ ក្អួតញឹកញាប់ និងរោគសញ្ញាធ្ងន់ធ្ងរ ដែលជាការរំខានដល់គុណភាពនៃជីវិត ឬមិនអាចគ្រប់គ្រងភាពតានតឹងនោះបាន៕

ប្រែសម្រួល៖ សាង ស្រីល័ក្ខ

ចុចអាន៖ទឹករ៉ែធម្មជាតិមានគុណសម្បត្តិខុសពីទឹកធម្មតាបែបណាខ្លះ?