ព័ត៌មានអន្ដរជាតិ

វ៉ាក់សាំងដូសដំបូង បានកាត់បន្ថយហានិភ័យជំងឺធ្លាក់ទឹកចិត្ត និងបង្កើនសុខភាពផ្លូវចិត្តឲ្យប្រសើរ

បានផុស

៥ years មុន

នៅ

ថ្ងៃអង្គារ ១៤ កញ្ញា ២០២១

ដោយ

អ្នកស្រាវជ្រាវបានរាយការណ៍នៅក្នុងសារព័ត៌មាន PLOS ONE ថា មនុស្សពេញវ័យអាមេរិក ដែលចាក់វ៉ាក់សាំងនៅចន្លោះខែ ធ្នូ ឆ្នាំ ២០២០ ដល់ខែ មីនា ឆ្នាំ ២០២១ បានកាត់បន្ថយហានិភ័យនៃការធ្លាក់ទឹកចិត្ត និងថយចុះនៃជំងឺធ្លាក់ទឹកចិត្ត ១៥ ភាគរយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

“អ្នកដែលបានចាក់វ៉ាក់សាំងដូសដំបូង បានកាត់បន្ថយភាពតប់ប្រមល់ផ្លូវចិត្ត ដែលបង្ហាញថា ការបន្ថយហានិភ័យសុខភាព និងភាពតានតឹង” ។ នេះបើយោងតាមអ្នកស្រាវជ្រាវនាំមុខ លោក Francisco Perez-Arce អ្នកសេដ្ឋកិច្ចនៅទីក្រុងវ៉ាស៊ីនតោនឌីស៊ី ជាមួយមជ្ឈមណ្ឌលស្រាវជ្រាវសេដ្ឋកិច្ចនិងសង្គម នៃសាកលវិទ្យាល័យកាលីហ្វ័រញ៉ាខាងត្បូង។

សម្រាប់ការសិក្សានេះលោក Perez-Arce និងសហការីរបស់លោក បានស្ទង់មតិអ្នកចូលរួមក្នុងកម្មវិធីស្វែងយល់ពីអាមេរិក ដែលមានមនុស្សពេញវ័យជាង ៨០០០ នាក់នៅទូទាំងប្រទេសចាប់ផ្ដើមទទួលវ៉ាក់សាំងនៅខែ ធ្នូ និងបំពេញកម្រងសំណួរចំនួន ៤ ចំណុច អំពីកម្រិតនៃការថប់បារម្ភ និងជំងឺធ្លាក់ទឹកចិត្តរបស់ពួកគេ។

អ្នកស្រាវជ្រាវបានរកឃើញថា មនុស្សដែលមិនចាក់វ៉ាក់សាំងនៅខែ មីនា ទំនងជាមានកម្រិតនៃការថប់បារម្ភនិងជំងឺធ្លាក់ទឹកចិត្តខ្ពស់ជាង អ្នកដែលទទួលបានការចាក់វ៉ាក់សាំងនៅដូសដំបូង។ លទ្ធផលបានបង្ហាញថា តាមពិតកម្រិតចាប់ផ្ដើមខុសគ្នា ដោយមនុស្សដែលមិនចាក់វ៉ាក់សាំង ទទួលបានការថប់បារម្ភនិងអ្នកដែលមានយ៉ាងហោចណាស់មួយដូស មានអារម្មណ៍ធូរស្រាលជាងមុន។

ដូច្នេះមានភស្តុតាងបង្ហាញថា វ៉ាក់សាំងដូសដំបូង មិនថាជាវ៉ាក់សាំងប្រភេទអី សុទ្ធតែអាចជួយកាត់បន្ថយភាពតប់ប្រមល់ ការថប់បារម្ភ ធ្លាក់ទឹកចិត្ត និងបង្កើនសុខភាពផ្លូវចិត្តឲ្យកាន់តែប្រសើរ៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖ដុកទ័រ បង្ហាញពីរោគសញ្ញាកូវីដធ្លាក់ចូលក្នុងសួត ហើយអាចធ្ងន់ធ្ងរ

ចុចអាន៖វីរុសបំប្លែងខ្លួនមួយប្រភេទទៀតកំពុងរាលដាល និងអុកឡុកលើកដំបូងនៅ ជប៉ុន

Related Topics:សុខភាពផ្លូវចិត្ត