ជីវិតកម្សាន្ដ

ព្រោះរឿងនេះ អ្នកនាង កែវ កល្យាន ប្រកាសឈប់ឲ្យកូនស្រីថតរឿង ស្រលាញ់ភេទដូចគ្នា !

បានផុស

៤ years មុន

នៅ

ថ្ងៃសៅរ៍ ១៨ កញ្ញា ២០២១

ដោយ

អតីតតារាសម្ដែងស្រីទសវត្សរ៍ ៨០ និង ៩០ អ្នកនាង កែវ កល្យាណ បានប្រកាសជាសាធារណថា ខ្លួនសម្រេចចិត្តរួចហើយ ដោយឈប់ឲ្យកូនស្រីសំណព្វចិត្តឈ្មោះ កែវ ឡាវីញ ថតសម្ដែងភាពយន្ត ប្រភេទស្រីស្រលាញស្រីដូចគ្នាហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសដោយបើកចំហរបស់តារាជើងចាស់ អ្នកនាង កែវ កល្យាណ នេះកើតឡើងបន្ទាប់ពីកើតមានរឿងចម្រូងចម្រាសអំឡុងពេលដែលកូនស្រីរបស់ខ្លួន កញ្ញា កែវ ឡាវីញ បានបង្ហាញវត្តមានសម្ដែងក្នុងខ្សែភាពយន្តរឿងភាគរបស់ស្ថានីយទូរទស្សន៍ ដោយតម្រូវដើរតួជាតួអង្គស្រលាញ់ភេទដូចគ្នា។

បន្ទាប់ពីកើតមានរឿងរ៉ាវមិនសប្បាយចិត្តនេះឡើង អ្នកនាង កែវ កល្យាណ បានថ្លែងបញ្ជាក់ឲ្យដឹងថា អ្នកនាងបានសម្រេចច្បាស់ថាឈប់ឲ្យកូនស្រីថតទៀតហើយ។ បកស្រាយចម្ងល់មហាជន អ្នកនាង កែវ កល្យាណ បានលើកឡើងថា ខ្ញុំឈប់ឲ្យថតហើយ ព្រោះឆ្អែតពេក។

អ្នកនាង កែវ កល្យាណបានរៀបរាប់ថា”ខ្ញុំថាឲ្យកូនបន្តតំណែង និងនាំគ្នាលើកស្ទួយវិស័យសិល្ប:ខ្មែរឲ្យរីកចម្រើន បើមិនបានស្មើរអ្នកជិតខាង ក៏បានប្រហែលគេដែរ ព្រោះខ្ញុំឈឺចាប់ បើចាញ់កុនថៃឬប្រទេសជិតខាង។ ប៉ុន្តែផ្ទុយទៅវិញ មិនបានចូលរួមគាំទ្រឬលើកស្ទួយ បែរជាកាន់តែជាន់ពន្លិចខ្មែរគ្នា”។

តារាសម្តែង កែវ កល្យាណ បានបន្តថា អ្នកនាងមានសមត្ថភាពចិញ្ចឹមកូនបានល្អណាស់ ហើយមកពីស្រលាញ់សិល្ប:ទើបឲ្យថត តែមិនអីទេ បើកូនទំនេរឆ្លៀតបានក៏បន្តយូៗមួយរឿង។ ប៉ុន្តែអាប្រភេទរឿង ស្រលាញ់ភេទដូចគ្នា ឈប់ឲ្យថតហើយ ថតបានតែដៃគូជាមួយបុរសវិញ។ នាងបន្ថែមថា នាងមិនដែលរើសអើងលើភេទដូចគ្នានោះទេ៕

អត្ថបទ៖ចាន់រ៉ា

Related Topics:តារាសម្ដែងខ្មែរ