សុខភាព

ទម្លាប់សកម្មច្រើន មិននៅមួយកន្លែង ជួយពន្យាភាពចាស់ ឬខ្សោយនៅវ័យ ៦០ប្លាយ

បានផុស

៤ years មុន

នៅ

ថ្ងៃពុធ ២០ តុលា ២០២១

ដោយ

Sonya

ទម្លាប់ហាត់ប្រាណជារឿយៗ ញ៉ាំអាហារល្អសម្រាប់សុខភាព កាន់តែយកចិត្តទុកដាក់លើរឿងទាំងនេះបន្តិច នឹងជួយបង្ការពីភាពឆាប់ចុះខ្សោយ ឬជរា នៅវ័យចាស់ អាយុខ្ទង់៦០ប្លាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអះអាងនេះ បន្ទាប់ពីក្រុមអ្នកវិទ្យាសាស្រ្តបាន តាមដានកំណត់ហេតុសុខភាពប្រចាំថ្ងៃរបស់ អ្នកចូលរួមស្ម័គ្រចិត្ត ប្រមាណជិត៩ពាន់នាក់ ដែលមានអាយុជាមធ្យម៥០ ដែលធ្វើឡើងក្នុងរយៈពេល១២ឆ្នាំ។ អាយុជារឿងមួយដែលនាំឱ្យរាងកាយ ឆាប់ឈានដល់ភាពខ្សោយ មិនរឹងមាំ តែយ៉ាងណា លទ្ធផលតាមដាន រកឃើញថា អ្នកចូលរួមដែលបាន ធ្វើលំហាត់ប្រាណ មានរបបអាហារល្អ មានហានិភ័យភាពខ្សោយវ័យជរា ត្រឹមតែ២២% ដោយឡែក អ្នកចូលរួមដែល អសកម្ម ពុំសូវហាត់ប្រាណ មិនមានរបបអាហារល្អ ជួបបញ្ហាខ្សោយរាងកាយ រហូតដល់៧៩% នៅអាយុត្រឹម៦៧ និងចុះខ្សោយខ្លាំង នៅត្រឹមវ័យ៧០ឆ្នាំ។

បញ្ហាកើតឡើង លើអ្នកស្ម័គ្រចិត្តចូលរួម មានដូចជា មិនអាចធ្វើការងារស្រាលៗបាន សូម្បីតែការ លាងសម្អាតរបស់របរប្រើប្រាស់ ឬការស្លៀកពាក់ដោយខ្លួនឯង។ ហេតុផលដូចនេះ ក្រុមអ្នកវិទ្យាសាស្រ្តនៃសាកលវិទ្យាល័យ De Montfort ក្រុង Leicester នៃប្រទេសអង់គ្លេស បានលើកទឹកចិត្តឱ្យ មនុស្សវ័យចំណាស់ បង្កើតទម្លាប់ល្អ ដោយការហាត់ប្រាណ និងយកចិត្តទុកដាក់លើរបបអាហារ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ មនុស្សចាស់ ចាក់វ៉ាក់សាំង Sinovac ដូសជំរុញ មានប្រសិទ្ធភាពដូចបុគ្គលវ័យក្មេងទេ?

ចុចអាន៖ អាហារ ៥ ក្រុមនេះជាថ្នាំបំប៉នរាងកាយមនុស្សចាស់ ដើម្បីបង្កើនការការពារប្រឆាំងនឹងកូវីដ

Related Topics:មនុស្សចាស់