KPT+

អ្នកលេងហ្គេមគួរតាមដាន! WHO ចាត់ទុកការញៀនហ្គេមជាវិបត្តិត្រូវដោះស្រាយ

បានផុស

៤ years មុន

នៅ

ថ្ងៃព្រហស្បតិ៍ ២ ធ្នូ ២០២១

ដោយ

Sonya

ហ្គេមជាការកម្សាន្ត ហើយមិនថាអ្នកលេងហ្គេម ឬមិនលេង នៅតែដឹងថាចំណាយពេលលើវាជ្រុលពេក នឹងប៉ះពាល់ការសិក្សា ការងារ ឬរហូតពេលខ្លះលែងខ្វល់ពីអ្នកក្បែរខ្លួន។ បញ្ហានេះ អង្គការសុខភាពពិភពលោក (WHO) កាលពីថ្ងៃទី ២៥ ខែឧសភា ២០១៩ កំពុងឈានដល់ការពិចារណារសម្រេចចាត់ចូលការលេងហ្គេមជាវិបត្តិត្រូវដោះស្រាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមវិបសាយ WHO ថា កិច្ចពិភាក្សាសម្រេចផ្លូវការរៀបចំដោយសន្និបាតអង្គការនេះ នាទីក្រុង ហ្សឺណែវប្រទេសស្វីស ដោយមានការចូលរួមពីបណ្តាអ្នកជំនាញសុខភាព មន្ត្រីប្រតិភូនៃបណ្តាប្រទេសសមាជិក WHO ព្រមទាំងតំណាងធំៗនៃបណ្តាក្រុមហ៊ុនឧស្សាហកម្មហ្គេមមកចូលរួមផង។

មកទល់ពេលនេះ កិច្ចពិភាក្សាកំពុងស្ថិតនៅដំណាក់កាលពិភាក្សាសម្រេច តែយ៉ាងណាគួររំឭកដែរថា កាលពីឆ្នាំ២០១៨កន្លងទៅ WHO បានចាត់ទុកថាការលេងហ្គេមគឺជាវិបត្តិរួចទៅហើយ នាឱកាសសន្និសីទអន្តរជាតិលើកទី១១ សើរើពិនិត្យចំណាត់ថ្នាក់ជំងឺធ្វើឡើងជាប្រចាំឆ្នាំ ប៉ុន្តែនាអំឡុងពេលនោះដោយមានការសំណូមពររបស់លោក Stanely Pierre-Louis ដែលជាតំណាងឲ្យសមាគមឧស្សាហកម្មហ្គេម ឲ្យមានការពិភាក្សាពិនិត្យសម្រេចពីអ្នកជំនាញសុខភាព ជាបន្តបន្ទាប់ ទើបការពិភាក្សាបានបន្តធ្វើនាឆ្នាំ២០១៩នេះ។

Asian Gay Couple Playing Vdo Game With Happiness Young Asia Friends Gamer Playing Game With Excitement At Sofa In Home Living Room Lgbtqi Friendship Lifestyles High-Res Stock Video Footage - Getty Images

តាមអ្នកជំនាញសុខភាពរបស់ WHO បានអះអាង សកម្មភាពលេងហ្គេមដែលក្លាយជាទម្លាប់ នឹងបង្កជាវិបត្តិ ដោយសារការលេងធ្វើឲ្យមនុស្សផ្តោតអារម្មណ៍ខ្លាំងទៅលើហ្គេម ដោយឡែកចំណាប់អារម្មណ៍លើសកម្មភាពប្រចាំថ្ងៃនឹងធ្លាក់ចុះ ក្នុងនោះរួមមាន ការសិក្សា ការចូលរួមជាមួយគ្រួសារ ការងារ រួមទាំងផលអវិជ្ជមានលើអាកប្បកិរិយាអ្នកលេងហ្គេម ផងដែរ ក្នុងករណីមានទម្លាប់នៃការលេងហ្គេមបន្តជាប់រហូតក្នុងរយៈពេល១ឆ្នាំ ដែលចាត់ទុកថាជាការញៀនហ្គេម Video Game Addiction (VGA)។

Young Asian gay couple play games at home. by Tirachard on Envato Elements

តាមការឲ្យដឹងពីមន្ត្រី WHO បើសន្និបាតអង្គការសុខភាពពិភពលោកសម្រេចជាផ្លូវការទទួលស្គាល់ថាការញៀនហ្គេមជាវិបត្តិ នោះបណ្តាប្រទេសជាសមាជិកនៃ WHO នឹងចាត់វិធានការថ្មី ដើម្បីបង្ការដែលនឹងអាចចាប់ផ្តើមនាឆ្នាំ២០២២។ ស្របពេលជាមួយដំណាក់ការសម្រេចខាងលើនេះ ក្រុមហ៊ុនឧស្សាហកម្មហ្គេមរបស់ជប៉ុនមួយ គឺក្រុមហ៊ុន Sony ក៏បានប្រកាសអំពីវិធានការភ្លាមៗរបស់ខ្លួនតែម្តងលើបញ្ហានេះ ដោយការកំណត់ Setting លើផលិតផលហ្គេមថ្មី ក្នុងកម្រិតមួយដែលអាចគ្រប់គ្រងលើអ្នកលេងហ្គេមបាន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ហ្គេមឌីជីថលមានប្រយោជន៍ធំៗបី តែធ្វើម៉េចកុំបណ្ដោយដល់ថ្នាក់ញៀន

ចុចអាន៖ ប្រយ័ត្ន! អត់កម្លាំងនឹងការងារ វក់ជាមួយហ្គេម គឺជាជំងឺ

Related Topics:អង្គការសុខភាពពិភពលោក (WHO)លេងហ្គេម