ព័ត៌មានជាតិ
រដ្ឋមន្ត្រីក្រសួងអប់រំ៖ បរិបទក្រោយកូវីដ ទាមទារកាន់តែខ្លាំងឡើងនូវធនធានមនុស្ស
លោកបណ្ឌិតសភាចារ្យ ហង់ជួន ណារ៉ុន រដ្ឋមន្រ្តី ក្រសួងអប់រំ យុវជន និងកីឡា មានប្រសាសន៍ថា ដំណាក់កាលថ្មីនៃការអភិវឌ្ឍ ប្រទេសជាតិត្រូវការធនធានមនុស្សដែលមានជំនាញ ពិសេសនៅ បរិបទក្រោយកូវីដនេះ ដែលទាមទារកាន់តែខ្លាំងឡើងនូវធនធានមនុស្សដែលមានជំនាញ ដើម្បីចូលរួមអភិវឌ្ឍជាតិ។
លោករដ្ឋមន្ត្រីមានប្រសាសន៍បញ្ជាក់ថា៖ “ប្រសិនជាមិនមានជំនាញច្បាស់លាស់ គឺយើងអត់អាចទៅ អភិវឌ្ឍប្រទេស ឬអាចទាក់ទាញអ្នកវិនិយោគទេ ដោយសារក្នុងបរិបទក្រោយកូវីដ គឺប៉ះពាល់សេដ្ឋកិច្ច ដែលមានតែធនធានមនុស្សនេះឯងដែលជាដំណោះស្រាយ ជាគន្លឹះនៃការអភិវឌ្ឍ”។
ជាមួយគ្នានេះ លោកបណ្ឌិតសភាចារ្យ ហង់ជួន ណារ៉ុន មានក្ដីសង្ឃឹមថា ដំណើរការប្រឡងសញ្ញាបត្រទុតិយភូមិ សម័យប្រឡងថ្ងៃទី ២៧ ខែធ្នូ ខាងមុខនេះ នឹងទទួលបានជោគជ័យ ដូចកាលដំណើរការប្រឡងសញ្ញាបត្រមធ្យមសិក្សាបឋមភូមិកន្លងទៅ ថ្មីៗនេះ ព្រមទាំងនឹងមិនមានការឆ្លង ឬផ្ទុះជំងឺកូវីដ-១៩ ដោយសារក្រសួងអប់រំបានរៀបចំច្បាប់ លិខិតបទដ្ឋានគតិយុទ្ធ ពិសេសស្ដង់ដារប្រតិបត្តិពាក់ព័ន្ធការការពារជំងឺកូវីដ ទន្ទឹមពេលបេក្ខជន និងគ្រូក៏បានចាក់វ៉ាក់សាំងកូវីដ-១៩ លើកទី៣រួចរាល់។
លោករដ្ឋមន្រ្តី ក្រសួងអប់រំ យុវជន និងកីឡា បានជូនពរបេក្ខជនប្រឡងសញ្ញាបត្រទុតិយភូមិ ខាងមុខនេះ ទទួលបានជោគជ័យ ដើម្បីធានាបាននិរន្តរភាពនៃការកែទម្រង់វិស័យអប់់រំ ដើម្បីកសាងធនធានមនុស្សមានគុណភាព ចូលរួមអភិវឌ្ឍប្រទេសជាតិក្រោមការដឹកនាំសម្ដេចតេជោនាយករដ្ឋមន្ត្រី ដែលលោកបានត្រួសត្រាយផ្លូវរៀបចំឱ្យមានសន្តិភាព មានការអភិវឌ្ឍសេដ្ឋកិច្ច ហើយមានការប្រែប្រួលមុខមាត់ខ្លាំងក្លា។
គួរបញ្ជាក់ថា សម្រាប់ការប្រឡងសញ្ញាបត្រទុតិភូមិនៅ ឆ្នាំ ២០២១នេះ នៅ ទូទាំងប្រទេសមានបេក្ខជនដាក់ពាក្យប្រឡងចំនួន ១១៥ ១៤៩ នាក់។ ក្នុងនោះបេក្ខនារី ៦០ ៦៨២ នាក់, បេក្ខជនស្វៃរិន ៤៣៣៤នាក់ (នារី ១៧៦២នាក់), បេក្ខជនបំពេញវិជ្ជា ៣ ៤៦១នាក់ (នារី ១០៥៣នាក់), បេក្ខជនស្វៃរិន-បំពេញវិជ្ជា ២ ០៤៣នាក់ (នារី ៤៦៨នាក់) ចែកជា ២០៤ មណ្ឌល ស្មើនឹង ៤ ៦៥២ បន្ទប់៕
អត្ថបទ៖ ច័ន្ទ វីរៈ
-
ព័ត៌មានជាតិ៦ ម៉ោង ago
មន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
-
ព័ត៌មានអន្ដរជាតិ៤ ថ្ងៃ ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត
-
ព័ត៌មានជាតិ៥ ថ្ងៃ ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
សន្តិសុខសង្គម៣ ថ្ងៃ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
សេចក្ដីជូនដំណឹង៧ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
កីឡា៤ ថ្ងៃ ago
អបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
កីឡា៦ ថ្ងៃ ago
ស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ៣ ថ្ងៃ ago
ក្រុមហ៊ុនជប៉ុន MIRARTH Green Tech នឹងសម្ពោធរោងចក្រកែច្នៃគ្រាប់ស្វាយចន្ទីនៅខេត្តកំពង់ធំ នាថ្ងៃស្អែក