V សមាជិក BTS ត្រូវមហាជនរិះគន់ឥតសំចៃ ពេលត្រឡប់ពីបារាំងវិញ

តារាប្រុសរូបសង្ហា V ដែលជាសមាជិកក្រុមចម្រៀងកូរ៉េ BTS រងពាក្យរិះគន់គ្មានសំចៃ ក្រោយបង្ហាញទង្វើមិនសមរម្យជាមួយអ្នកគាំទ្រ ពេលត្រឡប់ទៅប្រទេសកូរ៉េវិញ កាលពីប៉ុន្មានថ្ងៃមុននេះ។

មិនមែនតារាគ្រប់រូបសុទ្ធតែអាចសម្ដែងអាកប្បកិរិយាល្អចំពោះអ្នកគាំទ្រ រាល់ពេលដែលពួកគេជួបនោះទេ។ ជាញឹកញាប់ តារាល្បីៗមួយចំនួន ហត់នឿយនឹងសម្ដែងធ្វើជារួសរាយរាក់ទាក់ចំពោះហ្វេន ពួកគេក៏បញ្ចេញកាយវិការឆ្គាំឆ្គង ដោយអចេតនា ធ្វើឱ្យហ្វេនអាក់អន់ស្រពន់ចិត្ត។

ជាក់ស្ដែង ថ្មីៗនេះ V សមាជិក BTS ក្រោយបង្ហាញខ្លួននៅក្នុងព្រឹត្តិការណ៍ដ៏ពេញនិយមមួយក្នុងប្រទេសបារាំង ហើយពេលត្រឡប់ទៅស្រុកកំណើតវិញ លោកបានបង្ហាញកាយវិការមិនស្វាគមន៍អ្នកគាំទ្រ និងអ្នកសារព័ត៌មាននោះទេ ដោយបានដើរចេញពីហ្វូងមនុស្ស​យ៉ាងសោះអង្គើយ។

មហាជនកត់សម្គាល់ឃើញថា លោកមិនត្រឹមតែដើរចេញដោយស្ងៀមស្ងាត់ប៉ុណ្ណោះទេ ប៉ុន្តែ V ក៏មិនខ្វាយខ្វល់ជាមួយអ្នកគាំទ្រ និងអ្នកសារព័ត៌មានដែលកំពុងរង់ចាំលោកផងដែរ។ ដោយសារតែកាយវិការមួយនេះ ធ្វើឲ្យមហាជនជាច្រើនអាក់អន់ចិត្ត ហើយយល់ថា V មានអាកប្បកិរិយាមិនល្អចំពោះហ្វេនដែលតែងតែស្រឡាញ់គាំទ្រដល់រូបលោក។

បន្ទាប់ផ្ទុះការរិះគន់ V បានចេញមុខមកសុំទោសអ្នកគាំទ្រជាសាធារណៈនៅលើផេកផ្ទាល់ខ្លួនរបស់លោក ប៉ុន្តែមនុស្សជាច្រើននៅតែសម្ដែងការមិនពេញចិត្តចំពោះទង្វើរបស់លោកនាពេលនោះ៕

ប្រែសម្រួល៖ សន្យា

ចុចអាន៖ ប្រព័ន្ធផ្សព្វផ្សាយធំៗទម្លាយថា Lisa យកឈ្នះបេះដូងអ្នកគាំទ្រទូទាំងពិភពលោក ព្រោះមូលហេតុមួយគត់

ចុចអាន៖ បង្ហាញមុខតារាសម្ដែង ធ្លាប់ដើរតួជាអធិរាជស្រី “អ៊ូ ម៉ីនាង” ទាំង ៥ជំនាន់