ព័ត៌មានជាតិ
អាជ្ញាធរខេត្តកោះកុង ផ្តល់តម្លៃលើសមិទ្ធផលពិព័រណ៍ស្នាដៃសិស្សានុ-សិស្ស ហើយជំរុញឲ្យពួកគេប្រឹងប្រែងបន្តទៀត
អភិបាលរងខេត្តកោះកុង ចាត់ទុករាល់សមិទ្ធផលពិព័រណ៍ស្នាដៃសិស្សានុ-សិស្ស ដែលតាំងបង្ហាញលើកដំបូងថា ជាធនធានមនុស្ស ដែលសង្គមជាតិចង់បានពុំអាចខ្វះបាន ដោយជំរុញលើកទឹកចិត្តដល់ពួកគេប្រឹងប្រែងពង្រឹង និងពង្រីកបន្ត។
ក្នុងពិធីពិព័រណ៍ស្នាដៃសិស្សាក្រោមប្រធានបទ ថ្នាក់រៀនមួយ ស្នាដៃមួយ និងមានស្តង់ពិព័រណ៍ចំនួន២២ស្តង់ លោកស្រី ឈី វ៉ា អភិបាលរងខត្តកោះកុង បានសម្តែងការគាំទ្រយ៉ាងខ្លាំង ចំពោះផលិតផលស្នាដៃរបស់ក្រុមសិស្សានុ-សិស្សមកពីវិទ្យាល័យចំណេះទូទៅ និងបច្ចេកទេសតេជោសែនកោះកុង វិទ្យាល័យប៉ាក់ខ្លង និងវិទ្យាល័យចាំយាម។
លោកស្រីអភិបាលរងខេត្ត យល់ថា ការបង្កើតឲ្យកម្មវិធីពិព័រណ៍ដាក់តាំងបង្ហាញស្នាដៃក្មួយៗ ដែលសិស្សានុសិស្សនៅពេលនេះ ដើម្បីបង្ហាញឲ្យកាន់តែប្រត្យក្សនូវសមត្ថភាពពិតប្រាដករបស់ពួកគេ ដែលទទួលបានចំណេះដឹងពីគ្រឹះស្ថានសិក្សា លោកគ្រូ អ្នកគ្រូ និងជ្រួតជ្រាបកាន់តែច្បាស់ពីសារៈសំខាន់នៃចំណេះវិជ្ជា។
លោកស្រី ឈី វ៉ា អះអាងដែរថា ការផ្លាស់ប្តូរអ្នកសិក្សាប្រកបដោយសក្តានុពល ចំណេះជំនាញ សមត្ថភាព សីលធម៌ និងគុណធម៌ ធានាបានថា ពួកគេមានភារកិច្ច និងកាតព្វកិច្ចទទួលខុសត្រូវចំពោះខ្លួនឯង គ្រួសារ សហគមន៍ សង្គមជាតិ និងពិភពលោកផងដែរ។ លោកស្រី ក៏បានអំពាវនាវដល់សប្បុរសជន ភ្ញៀវកិត្តិយសទាំងអស់ មេត្តាចូលរួមឧបត្ថម្ភគាំទ្រស្នាដៃក្មួយៗសិស្សានុសិស្ស ព្រមទាំងជំរុញឲ្យមានកម្មវិធីបែបនេះ សម្រាប់ឆ្នាំបន្តបន្ទាប់ខាងមុខទៀត។
ម៉្យាងវិញទៀត លោកស្រីជឿមុតមាំថា គ្រូបង្រៀននឹងទទួលបានការជឿទុកចិត្ត ក៏ដូចជាការទទួលស្គាល់ជា «អ្នកផលិតចំណេះដឹង អ្នកកសាងសមត្ថភាពធនធានមនុស្សពិតប្រាកដ នៅកម្រិតសាលារៀន និងជាដៃគូកែលម្អគោលនយោបាយអភិវឌ្ឍន៍សេដ្ឋកិច្ចជាតិ មិនអាចខ្វះបាន»។
ដោយឡែកលោក ផូ ប៊ុនធឿន នាយកវិទ្យាល័យចំណេះទូទៅ និងបច្ចេកទេសតេជោសែនកោះកុង ថ្លែងបញ្ជាក់ថា ក្រោយរាជរដ្ឋាភិបាលបើកទ្វារប្រទេស និងសាលារៀនឲ្យដំណើរការឡើងវិញ បន្ទាប់ពីបញ្ហាជំងឺកូវីដ-១៩ ធូរស្រាល គណៈគ្រប់គ្រងសាលារៀន និងលោកគ្រូអ្នកគ្រូ បានផ្តោតការយកចិត្តទុកដាក់ខ្ពស់ លើបង្រៀនបណ្តុះបណ្តាលគ្រប់មុខវិជ្ជា បូករួមនឹងជំនាញបច្ចេកទេសផងដែរ។
លោក ប៊ុនធឿន អះអាងថា សាលារៀនលើកទឹកចិត្តដល់សិស្សានុ-សិស្សគ្រប់បែបយ៉ាង ដើម្បីពួកគេទទួលបានចំណេះដឹងពិតប្រាកដ ឬអាចកែច្នៃវត្ថុ ដែលគេចោលមកធ្វើជាផលិតផលប្រើប្រាស់ប្រចាំថ្ងៃប្រកបដោយសមធម៌ បរិយាបន្ន និងគុណភាព ដើម្បីឈានទៅសម្រេចបានអនាគតដ៏ប្រសើររបស់កុមារ និងយុវជនកម្ពុជា៕
អត្តបទ៖ សិរីវឌ្ឍនៈ
-
ជីវិតកម្សាន្ដ៣ ថ្ងៃ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ព័ត៌មានជាតិ៥ ថ្ងៃ ago
ប្រធានសមាគមសិល្បករខ្មែរ អ្នកឧកញ៉ា ម៉ៅ ចំណាន អញ្ជើញសួរសុខទុក្ខភរិយាអធិរាជសំឡេងមាស
-
ព័ត៌មានជាតិ៧ ថ្ងៃ ago
សម្ដេចតេជោ បញ្ជាឱ្យសមត្ថកិច្ចកម្ពុជា ចាប់ដៃវៀតណាមវែកមុខអ្នកចូលជេរសម្ដេច ព្រោះរឿងព្រែកជីកហ្វូណន
-
ព័ត៌មានជាតិ៥ ថ្ងៃ ago
ស្ពានឆ្លងទន្លេពីដីឥដ្ឋ ភ្ជាប់ទៅផ្លូវល្បឿនលឿនភ្នំពេញបាវិត បន្តវឌ្ឍនភាពតាមការគ្រោងទុក
-
ព័ត៌មានជាតិ២ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
សេដ្ឋកិច្ច៧ ថ្ងៃ ago
គម្រោងអភិវឌ្ឍន៍លំនៅឋានបែបជប៉ុនដំបូងគេនៅកម្ពុជា ចាប់ផ្ដើមហើយក្នុងតំបន់ទីក្រុងរណប អ៉ឹង ស៊ីធី (ING CITY)
-
ជីវិតកម្សាន្ដ៣ ថ្ងៃ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ៥ ថ្ងៃ ago
មរណភាពប្រធានាធិបតីអ៊ីរ៉ង់ ជះឥទ្ធិពលអាក្រក់២យ៉ាង ដល់ពិភពលោក