ព័ត៌មានអន្ដរជាតិ
លោក ប្រាយុទ្ធ បញ្ជាក់ថា ប្រជាជនថៃ ពាក់កណ្តាលនឹងទទួលបានវ៉ាក់សាំងកូវីដដោយឥតគិតថ្លៃ
លោកនាយករដ្ឋមន្រ្តី ប្រាយុទ្ធ ចាន់អូចា បានបញ្ជាក់ជាថ្មីថា ពាក់កណ្តាលនៃប្រជាជនរបស់ប្រទេសថៃ នឹងទទួលបានការចាក់វ៉ាក់សាំងកូវីដដោយឥតគិតថ្លៃនៅឆ្នាំនេះ។
នៅពេលប្រទេសថៃ ត្រៀមបើកយុទ្ធនាការចាក់វ៉ាក់សាំងកូវីដជាលើកដំបូងនៅខែក្រោយ លោកឧត្តមសេនីយ៍ ប្រាយុទ្ធ បានផ្តល់ព័ត៌មានលម្អិតអំពីការចាក់វ៉ាក់សាំងនៅលើទំព័រ Facebook របស់លោក។ លោកក៏បានប្រកាសផងដែរអំពីផែនការរយៈពេលវែង ដើម្បីធានាថា ប្រជាជនថៃនឹងទទួលបានវ៉ាក់សាំងដែលមានតម្លៃសមរម្យនិងផលិតក្នុងស្រុក។
លោកនិយាយថា ប្រទេសនេះនឹងទទួលបានវ៉ាក់សាំងចំនួន ២០០,០០០ដូសដំបូងដែលផលិតដោយក្រុមហ៊ុនឱសថចិន Sinovac នៅខែកុម្ភៈហើយពួកគេត្រូវបានបម្រុងទុកសម្រាប់បុគ្គលិកពេទ្យជួរមុខនិងមនុស្សចាស់ដែលមានហានិភ័យខ្ពស់។
វ៉ាក់សាំងចំនួន៨០០,០០០និងមួយលានដូសទៀត នឹងមកដល់នៅចុងខែមីនានិងមេសា។ កាលពីមុន រដ្ឋាភិបាលបានកុម្ម៉ង់ទិញចំនួន២៦លានដូសពីក្រុមហ៊ុនអង់គ្លេស-ស៊ុយអែត AstraZeneca ហើយថ្មីៗនេះបានស្វែងរកថ្នាំបង្ការចំនួន៣៥លានដូសទៀត។
លោកបានធានាថា អាជ្ញាធរនិងវិស័យសុខាភិបាលសាធារណៈ បានរៀបចំសម្រាប់ការស្រាវជ្រាវនិងផលិតកម្មវ៉ាក់សាំងកូវីដក្នុងស្រុក។ លោកឧត្តមសេនីយ៍ ប្រាយុទ្ធ បាននិយាយថា ក្រុមហ៊ុនផលិតឱសថក្នុងស្រុក Siam Bioscience បានទទួលសម្បទានពីសាកលវិទ្យាល័យ Oxford និងក្រុមហ៊ុន AstraZeneca ដើម្បីផលិតវ៉ាក់សាំង។ ក្រុមហ៊ុននេះ គ្រោងនឹងផលិតវ៉ាក់សាំងចំនួន២០០លានដូស ជារៀងរាល់ឆ្នាំ។
ទន្ទឹមនឹងនេះ រដ្ឋមន្រ្តីក្រសួងសុខាភិបាលលោក Anutin Charnvirakul បាននិយាយថា រដ្ឋាភិបាលនឹងមិនហាមឃាត់វិស័យឯកជនពីការនាំចូលវ៉ាក់សាំងឡើយ៕
ប្រែសម្រួលដោយ៖ Vann Vann
ប្រភព៖ Bangkok Post
ចុចអាន៖ ក្រោយមានអ្នកឆ្លងកូវីដច្រើនឡើងៗ នាយករដ្ឋមន្រ្តីថៃជំរុញឲ្យប្រជាជនកុំចេញទៅណា
ចុចអាន៖ នាយករដ្ឋមន្ត្រីខ្មែរ អរគុណ លោក ប្រាយុទ្ធ ចាន់អូចា ដែលយកចិត្តទុកដាក់ថែទាំដល់ពលករខ្មែរ
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៩ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ