ជីវិតកម្សាន្ដ

Georgina ទម្លាយអារម្មណ៍ពិត ចំពេលមានពាក្យចចាមអារ៉ាមថា នាងបែកគ្នាជាមួយ Ronaldo

បានផុស

៣ years មុន

នៅ

ថ្ងៃសុក្រ ២៨ មេសា ២០២៣

ដោយ

មិត្តស្រីរបស់ Cristiano Ronaldo គឺ Georgina Rodriguez បានឆ្លើយតបទៅនឹងព័ត៌មានដែលថា នាងបែកគ្នាជាមួយប្រធានក្រុមព័រទុយហ្គាល់ ដោយទម្លាយអារម្មណ៍ពិតលើបណ្ដាញសង្គម Instagram ផ្ទាល់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាម៉ូដែលរូបនេះ បានវាយបកទៅកាន់អ្នកដែលព្យាយាមផ្សព្វផ្សាយរបាយការណ៍អំពីនាង ដោយសរសេរក្នុងInstagram ថា “ការច្រណែនបង្កើតពាក្យចចាមអារ៉ាម។ អ្នកនិយាយដើមគេផ្សាយ”។

ត្បិតថា Rodriguez មិនបានចេញមុខទម្លាយការពិតថានាងបែកគ្នាដូចពាក្យចចាមអារ៉ាមក្ដី ប៉ុន្តែតាមរយៈសំណេរដែលនាងបង្ហាញ ហាក់ដូចជាការឆ្លើយតបទៅកាន់របាយការណ៍ថ្មីៗអំពីការបែកគ្នាជាមួយ Ronaldo ប៉ុន្តែនាងមិនទាន់បានបដិសេធដោយផ្ទាល់នូវការអះអាងទាំងនោះនៅទេ ខណៈ Ronaldo ក៏មិនបានបើកចំហលើបញ្ហានេះដែរ។

ទោះយ៉ាងណាក៏ដោយ មានការអះអាងថា ភាពមិនស៊ីចង្វាក់របស់កីឡាករព័រទុយហ្គាល់និងមិត្តស្រីកំពុងចាប់ផ្តើមលេចឡើងនៅក្នុងទំនាក់ទំនងរបស់ពួកគេ ស្របពេលដែលពិធីករកម្មវិធីទូរទស្សន៍ព័រទុយហ្គាល់ Leo Caeiro ថ្មីៗនេះបាននិយាយថា ស្នេហារវាង Ronaldo និង Rodriguez ទំនងជាប្រេះឆាហើយ។

សូមបញ្ចាក់ដែរថា Georgina Rodriguez និង Cristiano Ronaldo ជួបគ្នានៅប្រទេសអេស្ប៉ាញ និងបានរួមរស់ជាមួយគ្នាតាំងពីឆ្នាំ២០១៦។ គិតមកទល់ពេលនេះ ចំណងស្នេហារបស់ពួកគេមានអស់រយៈពេល ៧ ឆ្នាំ និងមានកូនចំនួន៥នាក់ក្នុងបន្ទុក ហើយជាពិសេសអ្នកគាំទ្រទូទាំងពិភពលោកតែងឃើញគូស្នេហ៍មួយគូនេះ ចែករំលែកទិដ្ឋភាពជីវិតដ៏ប្រណិតរបស់ពួកគេនៅលើបណ្ដាញសង្គមមិនដែលអាក់ខាននោះទេ៕