IU ថើបថ្ពាល់ Mai Davika ជាអំណោយ ខណៈអ្នកទាំងពីរមានថ្ងៃកំណើតក្នុងថ្ងៃតែមួយ

បន្ទាប់ពីបានធ្វើដំណើរទៅចូលរួមកម្មវិធីបង្ហាញម៉ូដ GUCCI Cruise 2024 នៅវិមាន Gyeongbokgung ទីក្រុងសេអ៊ូលតារាស្រី Davika បានជួបជាមួយ​ IU និងបង្ហោះឃ្លិប​ដែល​តារា​កូរ៉េ​ខាងត្បូង​ថើប​នាងជាកាដូថ្ងៃកំណើតដែលកើតក្នុងថ្ងៃតែមួយ។

តាមរយៈឃ្លិបដែលតារាសម្ដែងនិងម៉ូដែល Mai Davika បង្ហោះលើបណ្ដាញសង្គម IG ដោយ​នាងបាននិយាយ​​ពាក្យថា “Happy Birthday” មុននឹង​បញ្ចេញ​មុខ និងបង្ហាញថ្ពាល់ទៅ​កាន់ភាគីម្ខាង​ទៀត ខណៈ IU ថើបតបវិញដោយ​ក្តីរីករាយផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគា្ននោះដែរ Mai ក៏បានសរសេរ caption ថា “Twins 16 May love you @dlwlrma I hope you like my birthday gift wishing you all the best “​ ដែលមានន័យថា មានថ្ងៃកំណើតក្នុងថ្ងៃតែមួយ ខ្ញុំសង្ឃឹមថាអ្នកនឹងពេញចិត្តនៅកាដូខួបកំណើតរបស់ខ្ញុំ សូំជូនពរអ្នកឲ្យ​មានសុខភាពល្អ”។

យ៉ាងណាមិញសម្រាប់អ្នកគាំទ្រទាំងតារាថៃ Mai Davika និងតារា​កូរ៉េខាងត្បូង IU សុទ្ធតែដឹងថាអ្នកទាំង​ពីរ​មាន​ថ្ងៃ​ខួប​កំណើត​ក្នុង​ថ្ងៃ​តែ​មួយ​គឺ​ថ្ងៃ​ទី ១៦ ខែ​ឧសភា ដោយ Mai មាន​អាយុ ៣១ ឆ្នាំ ខណៈ IU ឈាន​ចូល ៣០ ឆ្នាំ (រាប់​តាមឆ្នាំអន្តរជាតិ)៕

ប្រែសម្រួល៖ សាង ស្រីល័ក្ខ

ចុចអាន៖មិត្តប្រុស Mai Davika បង្ហោះរូបផ្អែមល្ហែមជូនពរថ្ងៃកំណើតមិត្តស្រី