ជីវិតកម្សាន្ដ

ភាពយន្តដែលអាចរកបានចំណូលខ្ពស់នាដើមឆ្នាំ២០២១ត្រៀមបង្ហាញវត្តមាននៅក្នុងរោងកុនឆាប់ៗនេះ

បានផុស

៥ years មុន

នៅ

ថ្ងៃអង្គារ ៩ កុម្ភៈ ២០២១

ដោយ

ពិតជាប្លែកអារម្មណ៍និងបង្កសំណើចសើចចុកពោះទៀតហើយជាមួយភាពយន្តបែបកំប្លែងរឿង នាងរាម វីរនារីជិះក្របីដែលត្រៀមនឹងចាក់បញ្ចាំងនៅតាមបណ្តារោងកុននានាទូទាំងប្រទេសកម្ពុជា។

ស្នាដៃរឿងថ្មីនេះគឺបន្ទាប់ពីជោគជ័យនៃរឿង ម៉ូតូឌុបបះសក់ BIKEMAN ទាំង២វគ្គរបស់ផលិតករដ៏ឆ្នើមនៃរឿងនេះក៏បានបង្ហាញស្នាដៃថ្មីមួយទៀតដោយប្ដូរខ្លឹមសាររឿងឲ្យរឹតតែកំប្លុកកំប្លែងលើសមុនតាមរយៈប្ដូរតួជិះម៉ូតូមកជិះក្របីម្ដងវិញដោយច្នៃចេញជាអត្ថរសដ៏អស្ចារ្យដែលអ្នកទស្សនាស្មានមិន ដល់បូករួមនឹងសមត្ថភាពសម្ដែងតារាលំដាប់ជួរមុខ BELLA RANEEទៀតផង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះការផលិតការដឹកនាំ រួមទាំងការសម្ដែងដ៏ប៉ិនប្រសប់របស់តួសម្ដែងគ្រប់រូបក្នុងរឿងនេះបានពាំ នាំមកនូវទាំងគុណភាព សំណើច សើចក្អាកក្អាយបំបាត់អស់ទុក្ខកង្វល់របស់ទស្សនិកជនជាពិសេសភាពក្រមិចក្រមើមដែលជាចរិតលក្ខណៈថ្មីដែលកញ្ញា BELLA សម្ដែងក៏ពិតជាសមឥតខ្ចោះដែលជាភាពទាក់ទាញដ៏ខ្លាំងសម្រាប់អ្នកគាំទ្រផ្ទាល់របស់នាង។ ដូច្នេះហើយទើបធ្វើឲ្យភាពយន្ដមួយនេះរកចំណូលបានខ្ពស់រហូត២០០លានបាត (ប្រមាណជិត៧លានដុល្លារ)ក្នុងរយៈពេល២សប្ដាហ៍នៃការដាក់បញ្ចាំងតាមរោងភាពយន្ដក្នុងប្រទេសថៃ ហើយក៏ជាភាពយន្ដដំបូងដែលរកបានចំណូលដ៏លើសលប់បន្ទាប់ពីស្ថានភាពដ៏តឹងតែងនៃការរាតត្បាតពីវីរុសកូវីដ១៩។

សមិទ្ធិផលថ្មីនេះក៏មិនចាញ់ភាពយន្ដចាស់ដែរ គឺថាត្រូវបានទស្សនិកជនថៃនាំគ្នាទៅទស្សនាភ្លូកទឹកភ្លូកដីណែនពេញរោងភាពយន្ដទូទាំងប្រទេសចាប់តាំងពីថ្ងៃចេញបញ្ចាំងដំបូង។ កាន់តែពិសេសទៅ ទៀតនោះ ភាពយន្ដមួយនេះក៏នឹងធ្វើការចាក់បញ្ចាំងនៅរោងភាពយន្ដនានាក្នុងប្រទេសកម្ពុជាផងដែរចាប់បីថ្ងៃ១២ ខែកុម្ភៈ ឆ្នាំ២០២១នេះតទៅ៕

អត្ថបទ ៖ ចាន់រ៉ា