ក្រោយស្ថិតក្នុងបញ្ជីខ្មៅរបស់ចិន ដោយសារនយោបាយ តួត្រចៀកកាំនឹងវិលមកអាជីពសម្ដែងឆាប់ៗ

កាលពីពេលថ្មីៗនេះ វេទិកាអនឡាញរបស់ចិនកំពុងតែមានការភ្ញាក់ផ្អើលជាមួយនឹងព័ត៌មានថា តារាសម្ដែងឆ្នើម​ Zhao Wei អាចនឹងលេចមុខសារជាថ្មីម្ដងទៀត បន្ទាប់ពីត្រូវបានហាមឃាត់អស់រយៈពេល ៣ ឆ្នាំ។ រឿងរ៉ាបនេះបានកើតឡើងនៅពេលដែលអ្នកគាំទ្របានជួបប្រទះនូវរូបភាពជាបន្តបន្ទាប់ ហើយតួនាទីរបស់នាងត្រូវបានស្តារឡើងវិញនៅលើវេទិកាភាពយន្តជាច្រើនផងដែរ។

ប្រភព​ខ្លះ​ក៏​បាន​និយាយ​ដែរ​ថា តួព្រះនាងត្រចៀកកាំដ៏​ល្បី​នៅ​ប្រទេស​ចិន​ នឹងលេចមុខឡើង​វិញ​នៅ​ខែ​មិថុនា​ខាង​មុខ។ ទោះជាយ៉ាងណាក៏ដោយ ព័ត៌មានថ្មីអំពីរូបនាងគឺសម្រាប់ជាឯកសារយោងតែប៉ុណ្ណោះ ហើយមិនទាន់ត្រូវបានបញ្ជាក់ដោយភ្នាក់ងារ ឬអង្គភាពសារព័ត៌មានល្បីឈ្មោះណាមួយនូវឡើយទេ។

ដូច្នោះហើយ កាលពីថ្ងៃទី១៨ ខែមីនា អ្នកគាំទ្រជាច្រើនរបស់នាង Zhao Wei​ បានរកឃើញថា ស្នាដៃមួយចំនួនរបស់នាងបានលេចចេញជាថ្មីនៅលើគេហទំព័រ Bilibili។ នេះគឺជាវេទិកាភាពយន្តដ៏សំខាន់មួយរបស់ប្រទេសចិន ដែលមានអ្នកប្រើប្រាស់យ៉ាងច្រើន។

ថ្វីបើយ៉ាងនេះក្ដី កាលពី៣ឆ្នាំមុន ភាពយន្តរបស់ Zhao Wei ស្ទើរតែបាត់មុខពីវេទិកានេះ។ បើ​មាន​មែន តួនាទី​របស់​នាង​ក៏​ស្រពិចស្រពិល​ដែរ ធ្វើ​ឲ្យប្រាកដ​ថា​មិន​បញ្ចេញ​មុខ។ មនុស្ស​ជា​ច្រើន​ជឿ​ថា​នេះ​ជា​សញ្ញា​វិជ្ជមាន​ដែល​បង្ហាញ​ថា Zhao Wei​ ជិត​ត្រូវ​គេហាម​ឃាត់។ ប៉ុន្តែ អ្នក​ខ្លះ​ទៀត​គិត​ថា នៅ​មិន​ទាន់​អាច​សន្និដ្ឋាន​បាន​ទេ ព្រោះ​នៅ​លើ​កម្មវិធី​ចាក់​បញ្ចាំង​ផ្សេង​ទៀត​នាង​មិន​ទាន់​លេច​មុខ​ទៀត​ទេ។

លើសពីនេះ អ្នកលេងអ៊ីនធឺណិតក៏បានរកឃើញថា រូបភាព និងឈ្មោះរបស់តារាសម្ដែងរូបនេះ ត្រូវបានបញ្ចូលទៅក្នុងគេហទំព័រព័ត៌មានអេឡិចត្រូនិក ជាពិសេស Douban។ ប្រភពមិនផ្លូវការមួយក៏បានលេចលឺពាក្យចចាមអារ៉ាមថា Zhao Wei​ នឹងបង្ហាញខ្លួន និងជួបជាមួយមហាជនម្តងទៀតនៅខែមិថុនាឆ្នាំនេះ។ ជុំវិញ​ព័ត៌មាន​ពាក់ព័ន្ធ​នឹង​នាង និង​ក្រុមហ៊ុន​គ្រប់​គ្រង​របស់​នាង​នៅ​មិន​ទាន់​មាន​ការ​ឆ្លើយ​តប​ជា​ផ្លូវ​ការ​នៅ​ឡើយ​ទេ។

ក្នុង​ផ្នែក​បញ្ចេញ​មតិ ទស្សនិកជន​បាន​យក​ចិត្ត​ទុក​ដាក់​ចំពោះ​ព័ត៌មាន​ថ្មី​ៗ​អំពី Zhao Wei មនុស្ស​ជា​ច្រើន​មាន​ក្តី​សង្ឃឹម​ខ្ពស់​ចំពោះ​ការ​វិល​ត្រឡប់​មក​វិញ។ ម៉្យាងវិញទៀត មហាជនមិនអាចឆ្ងល់ពីមូលហេតុពិតដែល Zhao Wei ត្រូវគេបំបិតនាងកាលពី៣ឆ្នាំមុន។ ពួកគេទន្ទឹងរង់ចាំស្តាប់ការចែករំលែករបស់នាង អំពីការពិតនៅពីក្រោយរឿងក្ដីដ៏រសើបមួយនោះ។

សូមរម្លឹកដែឬថា ចំពោះមូលហេតុដែលតារាសម្ដែងស្រីចិនឬតួត្រចៀកកាំត្រូវស្ថិតក្នុងបញ្ជីខ្មៅ កាលពីថ្ងៃខែសីហា ឆ្នាំ ២០២១ វីដេអូភាពយន្ត ពានរង្វាន់ និងព័ត៌មានអំពី ​Zhao Wei ត្រូវបានលុបចោលក្នុងពេលដំណាលគ្នាពីវេទិកា។ ទស្សនិកជន​គ្រាន់​តែ​ដឹង​ថានាងត្រូវគេដាក់បម្រាម ប៉ុន្តែ​ហេតុផល​នៅ​មិន​ច្បាស់​លាស់សម្រាប់អ្នកគាំទ្រទេ។ ពាក្យចចាមអារ៉ាមជាច្រើនបានផ្ទុះឡើង នាងក៏ត្រូវបានចោទប្រកាន់ពីបទប៉ះពាល់នយោបាយ និងសេដ្ឋកិច្ច។ ប៉ុន្តែមិនមានអ្វីច្បាស់លាស់អំពីការបាត់ខ្លួនរបស់នាងពីប្រទេសចិននោះទេ៕

អត្ថបទ៖ សាង ស្រីល័ក្ខ

ចុចអាន៖អ្នកគាំទ្រភ្ញាក់ព្រឺត ក្រោយឃើញសភាព តួឈិនឡុង​​ ប្រែជាសក់ស្កូវចាស់ជាងមុន