ព័ត៌មានអន្ដរជាតិ
មនុស្ស២០០នាក់ស្លាប់ក្នុងការវាយប្រហារប្រដាប់អាវុធនៅប៊ូគីណា ហ្វាសូ
ក្រុមប្រដាប់អាវុធ Jama’at Nusrat al-Islam wal-Muslimin (JNIM) ដែលមានទំនាក់ទំនងជាមួយក្រុមអាល់កៃដា បានអះអាងទទួលខុសត្រូវចំពោះការវាយប្រហារដែលបានសម្លាប់មនុស្សរហូតដល់ ២០០នាក់និងរបួសយ៉ាងហោចណាស់ ១៤០នាក់នៅកណ្តាលប្រទេស ប៊ូគីណា ហ្វាសូ។
ការវាយប្រហារនេះបានកើតឡើងកាលពីថ្ងៃសៅរ៍ នៅក្នុងតំបន់ Barsalogho ចម្ងាយប្រហែល៤០គីឡូម៉ែត្រ ភាគខាងជើងនៃទីក្រុង Kaya ជាកន្លែងដែលកងកម្លាំងការពាររដ្ឋធានី Ouagadougou។ ក្រុមអ្នកប្រយុទ្ធបានបើកការបាញ់ប្រហារទៅលើក្រុមមនុស្សដែលកំពុងជីករណ្ដៅធ្វើជាលេណដ្ឋានដើម្បីការពារសន្តិសុខ។ ទាហានជាច្រើននាក់បានរត់គេចខ្លួន បន្ទាប់ពីការវាយប្រហារ ហើយអ្នកវាយប្រហារបានយកអាវុធ និងរថយន្តសង្គ្រោះរបស់យោធា។
ការសន្និដ្ឋានបានឲ្យដឹងថា កងទ័ពប៊ូគីណា ហ្វាសូ ដូចជាបានដឹងថា មានការវាយប្រហារប្រុងនឹងកើតឡើង ហើយបានអំពាវនាវដល់ប្រជាជនឱ្យជីកលេណដ្ឋាន ដែលនេះបង្ហាញពីការមិនយកចិត្តដាក់ និងភាពអសមត្ថភាពរបស់កងកម្លាំងរបស់ប្រទេស ប៊ូ គីណា ហ្វាសូ ដែលបានបាត់បង់ការគ្រប់គ្រងពាក់កណ្តាលនៃទឹកដីរបស់ពួកគេទៅឱ្យក្រុមប្រដាប់អាវុធមានទំនាក់ទំនងជាមួយអាល់កៃដា ។
ប្រទេស ប៊ូ គីណា ហ្វាសូ បានផ្តាច់ទំនាក់ទំនងរបស់ខ្លួនជាមួយបណ្តាប្រទេសលោកខាងលិច ដូចជា ប្រទេសបារាំង ដែលបានចូលរួមជួយកងកម្លាំងសន្តិសុខរបស់ប្រទេសនេះ ក្នុងការដោះស្រាយក្រុមប្រដាប់អាវុធ។ ថ្មីៗនេះ រដ្ឋាភិបាលបាននឹងកំពុងអំពាវនាវឱ្យមានជំនួយពីយុទ្ធជនស៊ីឈ្នួលរុស្ស៊ី ដើម្បីគាំទ្រខ្លួនជាយុទ្ធសាស្ត្រ ប៉ុន្តែក៏ជួយទប់ស្កាត់ការវាយប្រហារផងដែរ។
ទោះបីជាមានជំនួយក៏ដោយ វាហាក់បីដូចជាការវាយប្រហារទាំងនោះកាន់តែខិតទៅជិតរដ្ឋធានី ខណៈមេដឹកនាំយោធារបស់ប្រទេសដែលបានឡើងកាន់អំណាចក្នុងរដ្ឋប្រហារនៅឆ្នាំ២០២២ ក៏ត្រូវប្រឈមមុខនឹងការប៉ុនប៉ងធ្វើរដ្ឋប្រហារជាច្រើនលើក ដោយសារតែការមិនសប្បាយចិត្តរបស់ប្រជាជនជាមួយនឹងវិធីសាស្រ្តដែលយោធាបានប្រើប្រយុទ្ធជាមួយក្រុមប្រដាប់អាវុធ។
ក្នុងរយៈពេលជាងមួយទសវត្សរ៍នេះ ក្រុមប្រដាប់អាវុធបានសម្លាប់មនុស្សរាប់ពាន់នាក់និងបានជម្លៀសមនុស្សជាងពីរលាននាក់នៅក្នុងប្រទេសប៊ូគីណា ហ្វាសូ។ ប្រទេសនេះបានឈរនៅកំពូលក្នុងបញ្ជីក្រុមប្រឹក្សាជនភៀសខ្លួនន័រវេស (NRC) នាពេលថ្មីៗនេះ ដោយសារតែវិបត្តិជនភៀសខ្លួនដែលមិនត្រូវវបានយកចិត្តទុកដាក់សោះក្នុងពិភពលោក។ហើយបើយោងតាម NRC បានឱ្យដឹងថា អំពើហិង្សាបានសម្លាប់មនុស្សជាង ៨៤០០នាក់កាលពីឆ្នាំមុនជាចំនួនកើនឡើងទ្វេដងនៃចំនួនអ្នកស្លាប់កាលពីឆ្នាំ២០២២៕
អត្ថបទ៖ ប៊ុន សុភាព
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
សន្តិសុខសង្គម៧ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ