ច្បាស់ការហើយ! Solo Tour Concert លើកទី៣ ឱក សុគន្ធកញ្ញា នឹងរៀបចំធ្វើនៅខេត្តកំពង់ចាម ខែនេះ

ក្រោយជោគជ័យយ៉ាងធំធេងសម្រាប់ព្រឹត្តិការណ៍ប្រគំតន្ត្រី The Q Rise of The Queen Solo Concert លើកទី១ កាលពីខែកញ្ញា និង Solo Tour Concert លើកទី២ លើទឹកដីខេត្តបាត់ដំបង អំឡុងខែវិច្ឆិកាកន្លងផុតទៅថ្មីៗ តារចម្រៀងជួរមុខផលិតកម្មរស្មីហង្សមាសរូបនេះ គ្រោងរៀបចំលើកទី៣ នៅខេត្តកំពង់ចាម ២៨ធ្នូ ខាងមុខនេះ។

បើតាមផេកផ្លូវការរបស់ផលិតកម្ម ហង្ស មាស បញ្ជាក់ថា ព្រឹត្តការណ៍ប្រគំតន្ត្រីដែលត្រៀមរៀបចំធ្វើនៅថ្ងៃទី២៨ ខាងមុខនេះ ក្នុងបរិវេណកីឡដ្ឋានខេត្ត ទីរួមខេត្តកំពង់ចាម ដែលនឹងផ្តល់ជូននូវបទពិសោធថ្មីនៃការទស្សនាតន្ត្រីបែប Outdoor ដំបូងបង្អស់ជាមួយការបង្កើតទីកន្លែងទស្សនាតន្ត្រីខ្នាតធំ Pop-Up Arena នៅកម្ពុជា។

ដោយឡែក ចំពោះសំបុត្រទស្សនានៅពេលនេះ គឺមិនទាន់ប្រកាសដាក់លក់នៅឡើយទេ ខណៈសំបុត្រទស្សនាបែងចែកជា ៣ជម្រើសផងដែរសម្រាប់បណ្តាអ្នកគាំទ្រ តារាចម្រៀងស្រីល្បីឈ្មោះរូបនេះ។

គួរជម្រាបថា បើទោះបីជា Solo Concert របស់តារាចម្រៀងជួរមុខនេះ ធ្វើផ្ទួនៗគ្នាអំឡុងប៉ុន្មានខែនេះក៏ដោយ ប៉ុន្តែអ្នកគាំទ្ររបស់អ្នកនាង នៅតែសម្តែងក្តីរំភើប និងស្នើឱ្យបន្តដំណើរនៃព្រឹត្តិការណ៍របស់អ្នកនាង តាមបណ្តាខេត្តរបស់ខ្លួនទៀតផង៕