ជីវិតកម្សាន្ដ

Justin ស្រាប់តែ Unfollow ភរិយានិងប៉ាក្មេក ខណៈគេសង្ស័យថា ចំណងអាពាហ៍ពិពាហ៍រង្គោះរង្គើ

បានផុស

១ year មុន

នៅ

ថ្ងៃពុធ ២២ មករា ២០២៥

ដោយ

អ្នកគាំទ្រទូទាំងពិភពលោកកំពុងតែមានការងឿយឆ្ងល់ជាខ្លាំងចំពោះព័ត៌មានដែលថា Justin Bieber ស្រាប់តែ Unfollow ភរិយា Hailey Bieber នៅលើ Instagram។ ប្រការនេះ បង្កឲ្យមានការសង្ស័យ និងច្របូកច្របល់ អ្នកខ្លះសង្ស័យថា គូស្នេហ៍មួយគូតារាចម្រៀងកំពុងមានបញ្ហាអាពាហ៍ពិពាហ៍ហើយ។

អ្វីដែលគួរឲ្យកត់សម្គាល់គឺកាលពីមួយថ្ងៃមុន តារាប្រុសវ័យ ៣១ឆ្នាំ ទទួលបានការសរសើរពីភរិយាយ៉ាងពេញទំហឹង។ ជាពិសេសថែមទៀត នៅលើ Instagram តារាចម្រៀងប្រុសរូបនេះក៏បានបង្ហោះរូបថតភរិយា ជាមួយនឹងសារស្នេហាថា «នារីដ៏អស្ចារ្យបំផុតដែលខ្ញុំធ្លាប់ស្គាល់ ហើយនឹងស្គាល់ជារៀងរហូតតទៅ»។

យ៉ាងណាក៏ដោយ នោះជាទង្វើចុងក្រោយរបស់លោកដែលនិយាយអំពីប្រពន្ធ មុនពេលសម្រេច unfollow នាង។ ប៉ុន្តែនៅក្នុងជីវិតពិត គូស្នេហ៍មួយគូនេះ កំពុងធ្វើដំណើរកម្សាន្តនៅទីក្រុង Aspen រដ្ឋ Colorado ហើយត្រូវបានគេមើលឃើញថា មានភាពស្និទ្ធស្នាលនឹងគ្នា។ សកម្មភាពផ្ទុយគ្នាទាំងនេះ ធ្វើឲ្យអ្នកលេងអ៊ីនធឺណិតកាន់តែយល់ច្រលំចំពោះការសម្រេចចិត្តរបស់តារាចម្រៀងវ័យ ៣១ ឆ្នាំរូបនេះទៅវិញ។

មិនតែប៉ុណ្ណោះ កាលពីថ្ងៃទី ១៦ ខែមករា Justin ស្រាប់តែឈប់តាមដានឪពុកក្មេកគឺតារាសម្តែង Stephen Baldwin នៅលើ Instagram ។ ម្យ៉ាងវិញទៀត Stephen ក៏ត្រូវគេរកឃើញថា លែងធ្វើតាម Justin ទៀតហើយ ផ្ទុយទៅវិញ គាត់គ្រាន់តែតាមដានកូនស្រីរបស់គាត់ Hailey និងគណនីអ្នកគាំទ្រមួយចំនួនប៉ុណ្ណោះ។ នេះធ្វើឲ្យទ្រឹស្តីដែលថា Justin និងភរិយាបែកគ្នាកាន់តែមន្ទិលសង្ស័យលើសមុនទៀត។

លើសពីនេះ Page Six បានរាយការណ៍ថា Justin ថ្មីៗនេះបាន unfollow មនុស្សផ្សេងទៀតជិតស្និទ្ធនឹងគាត់ដូចជា Usher ដែលបានណែនាំគាត់នៅពេលគាត់ចាប់ផ្តើមអាជីពដំបូងគឺអតីតអ្នកគ្រប់គ្រង Scooter Braun និង Ryan Good ។

ទន្ទឹមនឹងនោះ តារាប្រុសក៏ផ្ទុកនូវស្លាកស្នាមដាមជាប់ឈ្មោះជាមួយតារារ៉បេ P Diddy ។ ការផ្លាស់ប្តូរមួយរំពេចរបស់ Justin ដើម្បីងាកមករកក្រុមគ្រួសារ និងមិត្តភក្តិរបស់គាត់ បានធ្វើឲ្យមនុស្សព្រួយបារម្ភថា គាត់មានស្មារតីមិនស្ថិតស្ថេរដូចមុន។ យ៉ាងណា នៅចំពោះមុខការសង្ស័យចម្រុះពីសាធារណជន លោកបែរមិនបានឆ្លើយតបបញ្ចាក់ឲ្យគេឯងបានដឹងឡើយ។

គួរបញ្ចាក់ថា គូស្នេហ៍ Justin បានរៀបការនៅឆ្នាំ ២០១៨ បន្ទាប់ពីមានទំនាក់ទំនងស្នេហាជាមួយគ្នាជាច្រើនឆ្នាំ។ នៅខែសីហា ឆ្នាំ ២០២៤ តារាចម្រៀង និងតារាម៉ូដែលបានស្វាគមន៍កូនដំបូងរបស់ពួកគេ ដែលជាទារកម្នាក់មានឈ្មោះថា Jack Blues ៕