​ ​ភ្ញៀវទេសចរស្រីៗ​ត្រូវ​សុំច្បាប់ពាក់​ស្បែកជើង​កែង ពេល​​កម្សាន្ត​ទីក្រុង​​ឆ្នេរសមុទ្រ​នៅរដ្ឋ​កាលីហ្វ័រញ៉ា

ទីក្រុង​ឆ្នេរ​​​​​សមុទ្រ​​ Carmel-by-the-Sea នៅលើឧបទ្វីប Monterey នៃរដ្ឋកាលីហ្វ័រញ៉ា មានភាពល្បីល្បាញដោយសារតម្រូវឲ្យភ្ញៀវទេសចរត្រូវតែមានលិខិតអនុញ្ញាតជាផ្លូវការបញ្ជាក់​ពី​​​ការ​អនុញ្ញត​«ពាក់ស្បែកជើងកែងខ្ពស់ជាងពីរអ៊ីញ» ដើម្បីដើរដោយស្របច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអនុញ្ញាតឲ្យពាក់ស្បែកជើងកែងខ្ពស់ដ៏ល្បីនៅក្នុងទីក្រុង Carmel-by-the-Sea ស្តាប់ទៅដូចជារឿងកំប្លែង ប៉ុន្តែវាជា​ច្បាប់ដែលតម្រូវឲ្យ​​ភ្ញៀវទេសចរ​ស្រីៗដែលមកកម្សាន្តត្រូវតែគោរពច្បាប់មួយនេះដាច់ខាត។ ប្រសិនបើស្បែកកែងជើងរបស់ពួកគេ មានកម្ពស់លើសពី ២អ៊ីញ​នោះ​ និងមានផ្ទៃទ្រនាប់តិចជាងមួយអ៊ីញការ៉េ ​ហើយ​ វាជាការខុសច្បាប់ ក្នុងការពាក់វានៅទីសាធារណៈ ដោយមិនបានទទួលការអនុញ្ញាតពីសាលាក្រុងជាមុន​ទេ​នោះ។

ការអនុញ្ញាតនេះបានចេញដោយមិនគិតថ្លៃសេវាពីភ្ញៀវ​ទេសចរឡើយ និងត្រូវ​បាន​ចុះ​ហត្ថលេខា​ដោយ​ស្មៀន​ក្រុង​ម្នាក់​ដែល​បំពេញ​កាតព្វកិច្ច។ អ្នកទស្សនាជាច្រើនទទួលបានវា ដោយគ្រាន់តែជាវត្ថុអនុស្សាវរីយ៍ ទោះបីជាពួកគេមិនមានគម្រោងដើរពាកស្បែកជើងកែងក៏ដោយ។

ទោះជាយ៉ាងណាក៏ដោយ ច្បាប់ក្នុងការពាក់ស្បែកជើងខ្ពស់នៅទីសាធារណៈនៅតាមដងផ្លូវនៃទីក្រុង Carmel-by-the-Sea ត្រូវបានអនុម័តចាប់តាំងពីឆ្នាំ ១៩៦៣ តាមសំណើរបស់មេធាវីទីក្រុង។ វា​ជា​រឿង​ចម្លែក​ផ្លូវ​ច្បាប់​កាល​ពី​ពេល​នោះ​ដែរ ប៉ុន្តែ​វា​មាន​គោល​បំណង​ជាក់​លាក់​ដែល​នៅ​មាន​សុពលភាព​រហូត​ដល់​សព្វ​ថ្ងៃ។ ជាពិសេសការធ្វើច្បាប់នេះឡើងមក គឺដើម្បីភ្ញៀវទេចរតែប៉ុណ្ណោះ។ នៅពេលពេលដែលដើមឈើដុះលូតលាស់ ឫសរបស់វាក៏រុញច្រានចិញ្ចើមផ្លូវបេតុង និងបង្កគ្រោះថ្នាក់ដល់ការរអិល។ ចិញ្ចើមផ្លូវមិនស្មើគ្នា និងស្បែកជើងកែងចោតតូចចង្អៀត អាចបង្កបញ្ហាដលអ្នកមកកម្សាន្តនៅទីក្រុងមួយនេះ។

ជាក់ស្តែង មេធាវីសាលាក្រុងបានចាត់ទុកថា ហានិភ័យនៃការហានិភ័យនៃការរអិលមានកម្រិតខ្ពស់ ទើបលោកស្នើឲ្យអនុវត្តលិខិតអនុញ្ញាត ដើម្បីការពារប្រជាពលរដ្ឋពីការប្តឹងក្រុង ក្នុងករណីគ្រោះថ្នាក់។ ប៉ូលិសមិនដែលអនុវត្តច្បាប់មិនធម្មតានេះទេ ប៉ុន្តែប្រសិនបើអ្នកដួលពេលពាក់ស្បែកជើងកែងជើងខ្ពស់ជាងពីរអ៊ីញដែលមានផ្ទៃទ្រនាប់តិចជាងមួយអ៊ីញការ៉េ អ្នកក៏មិនអាចប្តឹងសាលាក្រុងដែរ។

គួរឲ្យចាប់អារម្មណ៍ រហូតដល់ប៉ុន្មានឆ្នាំមុន Carmel-by-the-Sea ក៏មានច្បាប់ហាមប្រាមការទទួលទានការ៉េមក្នុងដែនកំណត់ទីប្រជុំជន ដោយសារតែបារម្ភពីចិញ្ចើមផ្លូវស្អិត។ ជាក់ស្តែង ទីក្រុង​មាន​ការ​ព្រួយ​បារម្ភ​ជា​យូរ​មក​ហើយ​ក្នុង​ការ​ទទួល​បាន​ការ​ប្តឹង​ដោយ​ហេតុផល​ចម្លែកៗ​បំផុត៕

អត្ថបទ៖ សាង ស្រីល័ក្ខ

ចុចអាន៖​​​ស្រ្តីហៃទី ដាក់ថ្នាំសម្លាប់ក្រុមក្មេងទំនើង ៤០នាក់ ជាការសងសឹកឲ្យគ្រួសារ