Connect with us

សេចក្ដីជូនដំណឹង

ឧកញ៉ា ឡេង ​និមល ​តំណាង​អ្នកឧកញ៉ា ឡេង ណាវ៉ាត្រា ដឹក​នាំ​ប្រតិភូ​យុវជន​បូជា​ការពារយុត្តិធម៌ គោរព​វិញ្ញាណក្ខន្ធ​សព​ព្រឹន្ទបាលឯក សួន រ៉ោន​ ពលីជីវិត​ដោយ​ហេតុការណ៍​ប៉ះ​ទង្គិច​គ្នារ​វាង​កងទ័ព​កម្ពុជា-ថៃ នៅ​ព្រំ​ដែន​តំបន់​មុំ​បី​

បានផុស

នៅ

ខេត្តព្រះវិហារ ៖ លោក​ឧកញ៉ា ឡេង និមល តំណាង​អ្នក​ឧកញ៉ា ឡេង ណាវ៉ាត្រា ប្រធាន​យុវជន​បូជា​ការពារ​យុត្តិធម៌ នារសៀលថ្ងៃទី២៩ ខែ​ឧសភា​នេះ បាន​ដឹក​នាំ​ប្រតិភូ​ក្រុម​យុវជនបូជាការពារ​យុត្តិធម៌ ​ចូល​រួម​គោរពវិញ្ញាណក្ខន្ធ និង​ចូល​រួម​រំលែក​ទុក្ខក្រុមគ្រួសារនៃសព ព្រឹន្ទបាលឯក សួន រ៉ោន ចំពោះ​មរណភាព​របស់​ព្រឹន្ទបាលឯក សួន រ៉ោន ដោយ​ហេតុការណ៍ប៉ះ​ទង្គិចគ្នា​រវាង​ កងទ័ព​កម្ពុជា-ថៃ នៅ​ព្រំដែន​តំបន់មុំបី ស្ថិតក្នុងខេត្តព្រះវិហារ នាព្រឹកថ្ងៃទី២៨ ខែឧសភា ឆ្នាំ២០២៥ ស្ថិត​នៅ​តំបន់​មុំបី ស្ថិតក្នុងស្រុកជាំក្សាន្ត ខេត្តព្រះវិហារ។

នៅក្នុងឱកាស​ដ៏​ក្រៀមក្រំនេះ លោកឧកញ៉ា ឡេង និមល បាន​សម្តែង​នូវការសោក​ស្តាយយ៉ាង​ក្រៃ​លែង​ចំពោះការបាត់បង់វីរៈបុរសដ៏អង់អាចក្លាហាន ដែលបានលះបង់អស់ពីកម្លាំងកាយ​ចិត្ត​បញ្ញា​ស្មារតី ​និង​ធ្វើ​ពលិកម្មគ្រប់បែបយ៉ាងដើម្បីបុព្វហេតុ ជាតិ សាសនា ព្រះមហាក្សត្រ ជាពិសេស លោក​បាន រួមចំណែកយ៉ាងសកម្ម នៅក្នុងកិច្ចការការពារអធិបតេយ្យភាព បូរណភាពទឹកដី ដើម្បី​សេចក្តី​សុខក្សេមក្សាន្ត របស់ប្រជាជនកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧកញ៉ា ឡេង និមល អនុប្រធានយុុវជនបូជាការពារយុត្តិធម៌ ក៏បានពាំនាំ​នូវ​ការ​ផ្តាំផ្ញើ​សាក​សួរ​សុខទុក្ខ និងការចូលរួមរំលែកទុក្ខដ៏ជ្រាលជ្រៅបំផុតពីសំណាក់អ្នកឧកញ៉ា ឡេង ណាវ៉ាត្រា ជូន​ចំពោះ​ក្រុមគ្រួសារសព។

ជាមួយគ្នានេះ លោកឧកញ៉ា បានចូលរួមបច្ច័យ និងអង្ករ ដើម្បីជួយសម្រាលទុក្ខលំបាក​របស់​ក្រុម​គ្រួសារ​សព​ក្នុងគ្រាដ៏សោកសៅនេះផងដែរ៕​

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម