ព័ត៌មានជាតិ
ស្ពានឈើ ២ កន្លែង ក្នុងភូមិកាឡឹម របស់ជនជាតិដើមភាគតិច រងការបាក់ស្រុត មិនអាចដឹកដំណាំកសិផលលក់លើទីផ្សារ
នៅរដូវវស្សា ភ្លៀងធ្លាក់បណ្តាលឲ្យស្ពានឈើ ២ កន្លែង ក្នុងភូមិកាឡឹម បាក់ស្រុត មិនអាចដឹកជញ្ជូនដំណាំកសិផលពីផ្ទះទៅចម្ការ ឬ ដឹកទៅលក់នៅលើទីផ្សារបាននោះទេ ដោយសារភ្លៀងខ្លាំងមានទឹកពេញអូរ ហូរខ្លាំង ជាហេតុធ្វើឲ្យជនជាតិដើមភាគតិចមិនអាចបើកគោយន្តដឹកដំណាំឆ្លងកាត់បាន។
ស្ពានឈើ ២ កន្លែង បាក់ស្រុតនេះ ស្ថិតនៅភូមិកាឡឹម ឃុំកាចូន ស្រុកវើនសៃ ខេត្តរតនគិរី។ ស្ពានឈើនេះ ជនជាតិដើមភាគតិច ឆ្លងកាត់ជាង ១ ពាន់គ្រួសារ។ ការសាងសង់ស្ពាននេះ ជាថវិការបស់ឃុំ ហើយក្រុមហ៊ុនជាអ្នកទទួលម៉ៅការដេញថ្លៃបានត្រឹម ១ ឆ្នាំកន្លះ ដោយត្រូវទឹកហូរនាំដីក្រោមស្ពាន បណ្តាលឲ្យផ្អៀងមួយចំហៀង។ ចំពោះការបាក់ស្រុតស្ពានពាក់កណ្ដាលនេះដែរ មិនទាន់ត្រូវបានអ្នកម៉ៅការសាងសង់ស្ពាននេះមកទទួលជួសជុលនៅឡើយទេ។
លោក សាក់ ខាំលឿន មេភូមិ បានឲ្យដឹងថា ស្ពានក្នុងភូមិរបស់លោកមាន ២ កន្លែង គឺ ស្ពានដែលជនជាតិដើមភាគតិចពិបាកធ្វើដំណើរដោយរងការខូចខាតដោយសារទឹកភ្លៀង និងស្ពានអូរកាឡឹម។ បច្ចុប្បន្ន លោក បានស្នើសុំឃុំឲ្យជួយជួសជុល ប៉ុន្តែនៅមិនទាន់ធ្វើនៅឡើយ។ ក្នុងនោះ លោក ក៏បានបិទមិនឲ្យគោយន្តឆ្លងកាត់នោះទេ ពីព្រោះខ្លាចបាក់ស្ពាន អនុញ្ញាតឲ្យតែម៉ូតូ និងថ្មើរជើងធ្វើដំណើរ ទម្រាំរួចខែវស្សា ទឹកស្រក បានកៀរគរគ្នាធ្វើ។
ក្នុងនាមលោកជាមេភូមិតំណាងឲ្យជនជាតិដើមភាគតិចដែលធ្វើដំណើរស្ពាននេះ បានសំណូមពរដល់រាជរដ្ឋាភិបាល និងរដ្ឋបាលឃុំ សូមមេត្តាជួយជ្រោមជ្រែងកសាងស្ពាននេះ ដើម្បីឲ្យជនជាតិដើមភាគតិច នៅមុនរដូវប្រមូលផលកសិកម្ម អាចដឹកទៅលក់នៅលើទីផ្សារ។
ដោយឡែក លោក ខាំ កាប៊ីន មេឃុំកាចូន បានប្រាប់ដែរថា ជនជាតិដើមភាគតិចរស់នៅភូមិខាងលើថា ក្រុមហ៊ុនបានដេញថ្លៃគម្រោងធ្វើស្ពាននេះ តាមកិច្ចកុងត្រាក្រុមហ៊ុនថែទាំតែរយៈពេល ៦ ខែប៉ុណ្ណោះ ចំណែកឃុំមិនទាន់មានកញ្ចប់ថវិកាធ្វើស្ពាននេះនៅឡើយ។ ទោះបីជាយ៉ាងណាក៏ដោយ លោកបានគិតគូរធ្វើសំណើជួសជុល និងធ្វើស្ពាននេះជាថ្មីម្តងទៀត រង់ចាំជួយពីខាងសប្បុរសដែរ ពីព្រោះថវិកានៅមានកម្រិត ដោយមានគម្រោងធ្វើផ្លូវលំផ្សេងទៀតអស់ថវិកាច្រើន។ លោកថា ខែវស្សានេះ ភ្លៀងធ្លាក់ញឹកញាប់ មានទឹកហូរខ្លាំង មិនអាចជួសជុលបាននោះទេ។
គួរជម្រាបថា ចំពោះស្ពានឈើនៅតាមអូរនានាខ្លះរងការខូចបាក់ស្រុត ត្រូវថែទាំជួសជុលពីសំណាក់ប្រជាពលរដ្ឋជារៀងរាល់ឆ្នាំ៕
អត្ថបទ ៖ ចាប
ស្ពានឈើ ២ កន្លែង ក្នុងភូមិកាឡឹម របស់ជនជាតិដើមភាគតិច រងការបាក់ស្រុត មិនអាចដឹកដំណាំកសិផលលក់លើទីផ្សារ
ក្រុមហ៊ុន Total Energies របស់បារាំងបង្ហាញជំហរពង្រីកការវិនិយោគប្រេង និងឧស្ម័ន នៅកម្ពុជា
Paris Hilton ទិញផ្ទះមួយតម្លៃ ៦៣ លានដុល្លារ ពីមហាសេដ្ឋីចិន ក្រោយផ្ទះចាស់នៅ LA ឆេះខ្ទេចខ្ទី
តម្លៃប្រេងអន្តរជាតិកើនឡើងថ្ងៃចន្ទនេះ ដោយការវាយប្រហារអ៊ីរ៉ង់របស់អាមេរិក
សហព័ន្ធកីឡាយូដូ រំពឹងខ្ពស់ឈ្នះមេដាយជូនមាតុភូមិក្នុងព្រឹត្តិការណ៍កីឡាសកលវិទ្យាល័យពិភពលោក
អ៊ីរ៉ង់ ប្រកាសថា អាមេរិក ចាប់ផ្តើមសង្គ្រាមដ៏គ្រោះថ្នាក់ហើយ!
អាមេរិក ព្រមានឲ្យកងទ័ពត្រៀមទទួលការសងសឹករបស់អ៊ីរ៉ង់ ខណៈអ៊ីស្រាអែល កំពុងប្រុងជើងការខ្ពស់
ត្រាំ គំរាមអ៊ីរ៉ង់ ថា បើហ៊ានសងសឹកអាមេរិក នឹងត្រូវខ្លាំងជាងនេះទៀត
PTT៖ ការផ្អាកនាំចូលប្រេងថៃរបស់កម្ពុជា មិនប៉ះពាល់ធ្ងន់ធ្ងរដល់ចំណូលក្រុមហ៊ុនទេ
ត្រាំ គំរាមវាយអ៊ីរ៉ង់ កាន់តែខ្លាំង បើមិនព្រមចុះកិច្ចព្រមព្រៀងសន្តិភាព ឆាប់ៗ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ ថា ប៉ាគីស្ថាន ចេញមុខធានាទម្លាក់គ្រាប់បែកនុយក្លេអ៊ែរ លើអ៊ីស្រាអែល ក្នុងលក្ខខណ្ឌមួយ
-
ព័ត៌មានអន្ដរជាតិ៤ ថ្ងៃ agoរដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ
-
សន្តិសុខសង្គម៤ ថ្ងៃ agoក្រោយពីភ្លើងឆេះហាង ពេជ្រ ចរណៃ ត្រូវជួសជុលសងម្ចាស់ដើមវិញខ្ទង់ ៥០ ទៅ៦០ម៉ឺនដុល្លារ
-
ព័ត៌មានអន្ដរជាតិ៤ ថ្ងៃ agoផែថងថាន រក្សាភាពស្ងប់ស្ងាត់ និង គ្មានការលាលែងពីអំណាច រហូតពេលនេះ
-
ព័ត៌មានអន្ដរជាតិ១ សប្តាហ៍ agoអ្នកស្លាប់និងរបួសនៅអ៊ីស្រាអែលកើនឡើងយ៉ាងគំហុក ខណៈអ៊ីរ៉ង់បាញ់ស្រោចមីស៊ីល
-
ព័ត៌មានអន្ដរជាតិ៥ ថ្ងៃ agoយន្តហោះចម្បាំងអាមេរិក ចាកចេញពីមូលដ្ឋាននៅអង់គ្លេសហើយ ដើម្បីទៅជួយអ៊ីស្រាអែល ប្រយុទ្ធជាមួយអ៊ីរ៉ង់
-
ព័ត៌មានអន្ដរជាតិ៤ ថ្ងៃ agoក្រោយធ្លាយសារសំឡេង ផែថងថាន ប្រឈមរឿងសំខាន់៣ លំបាករើខ្លួនរួច
-
ព័ត៌មានអន្ដរជាតិ៤ ថ្ងៃ agoគណបក្ស Bhumjaithai ដកខ្លួនចេញពីរដ្ឋាភិបាលចម្រុះដឹកនាំដោយបក្សភឿថៃ