ព័ត៌មានជាតិ
ស្ត្រីអាយុ ៤១ ឆ្នាំ ឆ្លងជំងឺផ្ដាសាយបក្សីធ្ងន់ធ្ងរ កំពុងស្ថិតក្រោមការថែទាំ យកចិត្តទុកដាក់ពីគ្រូពេទ្យ
ស្ត្រីអាយុ ៤១ ឆ្នាំ រស់នៅភូមិល្បើក ឃុំដូនកែវ ស្រុកពួក ខេត្តសៀមរាប ដែលបានឆ្លងជំងឺផ្តាសាយបក្សី កាលពីថ្ងៃទី ២៣ ខែមិថុនា ឆ្នាំ ២០២៥ ហើយមានសភាពជំងឺធ្ងន់ធ្ងរ នៅតែស្ថិតនៅក្រោមការថែទាំយ៉ាងយកចិត្តទុកដាក់ពីសំណាក់ក្រុមគ្រូពេទ្យ។
លោកសាស្ត្រាចារ្យ គុយ វ៉ាន់នី រដ្ឋលេខាធិការ និងជាប្រធានក្រុមអ្នកនាំពាក្យក្រសួងសុខាភិបាល បានមានប្រសាសន៍កាលពីរសៀលថ្ងៃទី ២៥ មិថុនា ថា បច្ចុប្បន្ន អ្នកជំងឺនៅតែស្ថិតក្រោមការមើលថែទាំយ៉ាងយកចិត្តទុកដាក់ជាទីបំផុតពីសំណាក់ក្រុមគ្រូពេទ្យ។
បើតាមក្រសួងសុខាភិបាល អ្នកជំងឺមានរោគសញ្ញា គ្រុនក្ដៅ ក្អកហត់ និងពិបាកដកដង្ហើម បន្ទាប់ពីបានកាន់ និងប៉ះពាល់មាន់ឈឺ និងងាប់ រួចយកមកធ្វើម្ហូបទទួលទាន ៥ ថ្ងៃមុនថ្ងៃដែលអ្នកជំងឺចាប់ផ្ដើមឈឺ។
ក្រសួងសុខាភិបាល តែងតែក្រើនរំលឹកម្តងហើយម្តងទៀត ដល់ប្រជាពលរដ្ឋទាំងអស់ សូមយកចិត្តទុកដាក់ប្រុងប្រយ័ត្នលើជំងឺផ្តាសាយបក្សីជានិច្ច ពីព្រោះជំងឺផ្តាសាយបក្សី H5N1 នៅតែបន្តគំរាមកំហែងដល់សុខភាពប្រជាពលរដ្ឋ ហើយក៏សូមជម្រាបដល់ពលរដ្ឋ ប្រសិនបើមានអាការក្តៅខ្លួន ក្អក ហូរសំបោរ ឬ ពិបាកដកដង្ហើម និងមានប្រវត្តិធ្លាប់បានប៉ះពាល់ជាមួយមាន់ទាឈឺ ឬងាប់ ក្នុងអំឡុង ១៤ ថ្ងៃមុនថ្ងៃចាប់ផ្តើម មានរោគសញ្ញា សូមកុំទៅជួបជុំ ឬទីប្រជុំជនដែលមានមនុស្សច្រើន និងត្រូវស្វែងរកការពិគ្រោះយោបល់ និងការពិនិត្យព្យាបាលនៅមណ្ឌលសុខភាព ឬមន្ទីរពេទ្យ ដែលនៅជិតជាបន្ទាន់ ចៀសវាងការពន្យារពេល ធ្វើឱ្យប្រឈមនឹងហានិភ័យខ្ពស់ នៃការស្លាប់ជាយថាហេតុ។
យោងតាមរបាយការណ៍ប្រចាំខែរបស់ក្រសួងសុខាភិបាល បានឱ្យដឹងថា រយៈពេលជិត ៦ ខែនេះ កម្ពុជា មានអ្នកស្លាប់ចំនួន ៥ នាក់ និងឈឺ ២ នាក់ ដោយសារជំងឺផ្តាសាយបក្សី។
អ្នកស្លាប់ចំនួន ៥ នាក់ ក្នុងនោះ មានកុមារអាយុក្រោម ១២ ឆ្នាំ ចំនួន ៣ នាក់ និង ២ នាក់ ជាមនុស្សពេញវ័យរួមមាន បុរសអាយុ ២៨ ឆ្នាំ រស់នៅភូមិទី ២២ ឃុំចំការអណ្តូង ស្រុកចំការ ខេត្តកំពង់ចាម បានស្លាប់នៅថ្ងៃទី ៩ ខែមករា ឆ្នាំ ២០២៥។ កុមារាអាយុ ២ ឆ្នាំ ៧ ខែ រស់នៅភូមិតាង៉ក់ ឃុំរំចេក ស្រុកព្រះស្តេច ខេត្តព្រៃវែង បានស្លាប់នៅថ្ងៃទី ២៥ ខែកុម្ភៈ ឆ្នាំ ២០២៥។ កុមារាអាយុ ៣ ឆ្នាំ ៦ ខែ រស់នៅភូមិព្រែកតាអាំ ឃុំបូសលាវ ស្រុកចិត្របុរី ខេត្តក្រចេះ បានស្លាប់នៅថ្ងៃទី ២២ ខែមីនា ឆ្នាំ ២០២៥។ កុមារាអាយុ ១១ ឆ្នាំ រស់នៅភូមិស្រីសំពោង ឃុំខ្ញុំក្រាំង ស្រុកសំរោងទង ខេត្តកំពង់ស្ពឺ បានស្លាប់នៅថ្ងៃទី ១២ ខែមិថុនា ឆ្នាំ ២០២៥ និងបុរសអាយុ ៥២ ឆ្នាំ រស់នៅភូមិប្រសាទ ឃុំពោធិ៍រាជ ស្រុកស្វាយជ្រុំ ខេត្តស្វាយរៀង បានស្លាប់នៅថ្ងៃទី ២០ ខែមិថុនា ឆ្នាំ ២០២៥។
ចំណែកអ្នកឈឺ ២ នាក់ទៀត រួមមាន ស្ត្រីអាយុ ៦៥ ឆ្នាំ រស់នៅភូមិក្រាំងអំពិល ឃុំកាំងយាប ស្រុកព្រៃកប្បាស ខេត្តតាកែវ ត្រូវបានរកឃើញថា មានជំងឺផ្តាសាយបក្សីនៅថ្ងៃទី ១២ ខែមិថុនា ឆ្នាំ ២០២៥ និងស្ត្រីអាយុ ៤១ ឆ្នាំ រស់នៅភូមិល្បើក ឃុំដូនកែវ ស្រុកពួក ខេត្តសៀមរាប ដែលបានឆ្លងជំងឺផ្តាសាយបក្សីនៅថ្ងៃទី ២៣ ខែមិថុនា ឆ្នាំ ២០២៥៕
អត្ថបទ ៖ សំអឿន
ស្ត្រីអាយុ ៤១ ឆ្នាំ ឆ្លងជំងឺផ្ដាសាយបក្សីធ្ងន់ធ្ងរ កំពុងស្ថិតក្រោមការថែទាំ យកចិត្តទុកដាក់ពីគ្រូពេទ្យ
“ម្ហូបចាណាង”ជាម្ហូបពេញនិយមហូបជុំគ្នារបស់ជនជាតិដើមភាគតិចពេលដាំស្រូវជុំគ្នា នាខែវស្សា
ត្រាំ ផ្ដាំ ពូទីន ថា«ត្រូវបញ្ចប់សង្គ្រាម» ខណៈត្រៀមរកឲ្យខែលការពារថែមទៀតទៅអ៊ុយក្រែន
តំបន់ជនបទឃុំដារ ប្រែប្រួលមុខមាត់ថ្មីអំពូលសូឡារាប់រយដើមបំពាក់តាមផ្លូវ សម្រួលពលរដ្ឋធ្វើដំណើរពេលរាត្រី
លួចម៉ូតូក្នុងសង្កាត់ចោមចៅទី ៣ សមត្ថកិច្ចរកឃើញនៅខេត្តកណ្ដាល
ពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
មេទ័ពជើងទឹកអាមេរិក បារម្ភខ្លាំង ក្រោយបាញ់មីស៊ីលតម្លៃ៣៦លានដុល្លារ អស់ច្រើនគ្រាប់ពេក ដើម្បីការពារអ៊ីស្រាអែល
បិទបើកព្រំដែន៖ រដ្ឋមន្ត្រីមហាផ្ទៃកម្ពុជា សួរថៃ ថា ខ្លាចអន់ ឬក៏ច្រឡំថាជាតិសាសន៍គេល្ងង់ជាងខ្លួន?
ឆ្មក់បង្រ្កាបភោជនីយដ្ឋានយីហោ «ចំការស្នេហ៍» សង្ស័យលួចបង្កប់បម្រើសេវាកម្មផ្លូវភេទ
Breaking News៖ អគ្គិភ័យកំពុងឆេះឃ្លាំងមួយកន្លែងនៅខណ្ឌពោធិ៍សែនជ័យ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ
-
ព័ត៌មានអន្ដរជាតិ១៩ ម៉ោង agoពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
-
សន្តិសុខសង្គម១ សប្តាហ៍ agoក្រោយពីភ្លើងឆេះហាង ពេជ្រ ចរណៃ ត្រូវជួសជុលសងម្ចាស់ដើមវិញខ្ទង់ ៥០ ទៅ៦០ម៉ឺនដុល្លារ
-
ព័ត៌មានអន្ដរជាតិ១ សប្តាហ៍ agoផែថងថាន រក្សាភាពស្ងប់ស្ងាត់ និង គ្មានការលាលែងពីអំណាច រហូតពេលនេះ
-
ព័ត៌មានអន្ដរជាតិ៣ ថ្ងៃ agoរុស្ស៊ី អះអាងថា ប្រទេសមួយចំនួន ត្រៀមបញ្ជូនក្បាលគ្រាប់នុយក្លេអ៊ែរ ឲ្យអ៊ីរ៉ង់ ដោយផ្ទាល់
-
ព័ត៌មានជាតិ៣ ថ្ងៃ agoជប៉ុន ប្រកាសពង្រឹងទំនាក់ទំនងកងទ័ពជាមួយកម្ពុជាឱ្យកាន់តែរឹងមាំ
-
ព័ត៌មានអន្ដរជាតិ១ សប្តាហ៍ agoក្រោយធ្លាយសារសំឡេង ផែថងថាន ប្រឈមរឿងសំខាន់៣ លំបាករើខ្លួនរួច
-
ព័ត៌មានជាតិ២ ថ្ងៃ agoកម្ពុជា ទទួលរងឥទ្ធិពលពីព្យុះមួយទៀត គឺព្យុះទី២ ឈ្មោះ សេពផេត