ក្រសួងអប់រំ បើកទទួលពាក្យសម្រាប់កុមារក្នុងកម្មវិធីកិច្ចប្រជុំកុមារអាស៊ី-ប៉ាស៊ីហ្វិច

ក្រសួងអប់រំ យុវជន និងកីឡា បើកទទួលពាក្យសម្រាប់កុមារ៤រូប ដើម្បីចូលរួមក្នុងកម្មវិធី កិច្ចប្រជុំកុមារអាស៊ី-ប៉ាស៊ីហ្វិច (APCC) ឆ្នាំ២០២៣នេះ។

កម្មវិធីនេះ គឺជាការបើកឱកាសឱ្យកុមារនៅក្នុងតំបន់អាស៊ី-ប៉ាស៊ីហ្វិច បានជួបគ្នា ពិភាក្សា និងប្រាស្រ័យទាក់ទងគ្នា ក្នុងគោលបំណងផ្លាស់ប្តូរគំនិត និងបទពិសោធទៅវិញទៅមកពីកុមារដែលមកពីប្រទេសផ្សេងៗគ្នា។

+លក្ខណៈសម្បត្តិសម្រាប់ដាក់ពាក្យ

-កើតនៅក្នុងចន្លោះពីថ្ងៃទី០១ ខែសីហា ឆ្នាំ២០១១ ដល់ថ្ងៃទី៣១ ខែកក្កដា ឆ្នាំ២០១២

-ត្រូវមានឆន្ទៈផ្ទាល់ខ្លួន សកម្មក្នុងការចូលរួមកម្មវិធីនេះ និងមានចំណាប់អារម្មណ៍ចំពោះការផ្លាស់ប្តូរមតិគ្នាក្នុងឆាកអន្តរជាតិ

-ត្រូវប្រកាន់ខ្ជាប់នូវច្បាប់ និងលក្ខខណ្ឌរបស់កម្មវិធី។

+បែបបទនៃការចុះឈ្មោះ

-បំពេញពីប្រវត្តិរូបសង្ខេប និងសរសេរពីទេពកោសល្យរបស់ខ្លួន

-អាចយល់ភាសាអង់គ្លេង ជប៉ុន និងភាសាផ្សេងៗទៀតបាន

-សរសេរចំណាប់អារម្មណ៍ក្នុងនាមជាជនជាតិខ្មែរ ហើយមានបំណងចែករំលែកទៅអន្តរជាតិចំនួន ១៥០ពាក្យ ជាភាសាអង់គ្លេស

-សរសេរសំណេរ ១៥០ពាក្យជាភាសាអង់គ្លេសដូចគ្នា ពីគោលបំណងដែលអ្នកចង់ចូលរួមក្នុងកម្មវិធីនេះ រួមជាមួយនឹងអ្វីដែលអ្នកគ្រោងនឹងចែករំលែកក្នុងកម្មវិធី។

សម្រាប់កុមារដែលមានបមណងចង់ដាក់ពាក្យ អាចដាក់បានតាមរយៈ https://forms.gle/3nsaqoSRqHTu5DXW6 ។ ចំពោះព័ត៌មានបន្ថែម អាចសាកសួរតាមលេខទូរស័ព្ទ ០៩៩ ៤៦៣ ៣៣៤ ឬ អាចចូលមើលនៅក្នុងគេហទំព័រហ្វេសបុករបស់ក្រសួងអប់រំ យុវជន និងកីឡា។ ការបើកទទួលពាក្យនេះ នឹងឈប់ទទួលនៅថ្ងៃទី១៦ ខែកុម្ភៈ ឆ្នាំ២០២៣៕

ដោយ៖ អុន ស្រីមាន