វប្បធម៌ ជំនឿ

នេះមូលហេតុពិត ជប៉ុន មានជំនឿខ្លាំង មិនបែរក្បាលដំណេក ទៅទិសខាងជើងដាច់ខាត

បានផុស

៣ years មុន

នៅ

ថ្ងៃព្រហស្បតិ៍ ៥ ឧសភា ២០២២

ដោយ

តើអ្នកដឹងទេថា ជប៉ុនជាប្រទេសដែលជឿនលឿនខ្លាំង ទាំងផ្នែកវិទ្យាសាស្ត្រ និងបច្ចេកវិទ្យាទំនើបៗ ហើយក៏ជាប់ចំណាត់ថ្នាក់កំពូលមួយរបស់ពិភពលោក ដោយមានអបិយជំនឿប្លែកៗជាងគេ។

ទន្ទឹមនោះ ជំនឿមួយដែលបានបន្សល់ទុកតាំងពីបុរាណមកគឺ កុំបែរក្បាលដំណេកឬដាក់អ្វីមួយទៅទិសខាងជើង អ៊ីចឹងតើអ្វីទៅជាមូលហេតុនៃជំនឿនេះ? ថ្ងៃនេះ គ្រូ ណុប នឹងបង្ហាញជូនពីមូលហេតុពិត ថាយ៉ាងម៉េចខ្លះ បានជាប្រជាជនសាសន៍នេះ មានបម្រាមខ្លាំង។

ហេតុអ្វីបានជាគេហាមមិនឲ្យបែរក្បាលដំណេកទៅទិសខាងជើង?

តាមពិតទៅ ជំនឿអំពីការមិនបែរក្បាលទៅទិសខាងជើង មានហេតុផលផ្សេងៗគ្នា។ ប៉ុន្តែហេតុផលដែលប្រជាជនជប៉ុនជឿជាក់បំផុតគឺ ព្រោះដោយសារតែក្នុងវេលាសោយទិវង្គតរបស់ព្រះសម្មាសម្ពុទ្ធ នៅព្រៃសាល ក្នុងក្រុង Kusinara ទ្រង់បានផ្អៀងព្រះកាយទៅខាងស្តាំដៃ ហើយបែរមុខទៅទិសខាងលិច និងបែរព្រះកេសទៅទិសខាងជើង។

ចំណែកមនុស្សស្លាប់ ក្បាលត្រូវតែបែរមុខទៅទិសខាងជើងដូចព្រះពុទ្ធ ប៉ុន្តែការរៀបចំបន្ទប់គេង ដោយបែរមុខគ្រែទៅខាងជើង ដូចរំលឹកប្រជាជនជប៉ុនអំពីការស្លាប់ឬដាក់កំណត់ឲ្យខ្លួនឯងស្លាប់ដូច្នោះដែរ។ ជាពិសេស វាបានក្លាយជារឿងអាក្រក់ខ្លាំងនិងអាចមានគ្រោះ សម្រាប់ប្រជាជនក្នុងប្រទេសមួយនេះ។ ម្យ៉ាងវិញទៀត ព្រះពុទ្ធទ្រង់មិនដែលមានព្រះបន្ទូលថា ការបែរក្បាលទៅទិសខាងជើង នឹងនាំឲ្យមានគ្រោះអាក្រក់អ្វីឡើយ។

ដោយឡែកនៅឥណ្ឌាឯណោះ គេមានទំនៀមទម្លាប់បែរព្រះភក្ត្រព្រះពុទ្ធទៅទិសនៃស្រុកកំណើតទ្រង់វិញ នោះគឺ ក្រុង Kapilavastu ជាទីកំណើតរបស់ព្រះសម្មាសម្ពុទ្ធ ដែលទ្រង់គង់នៅទិសខាងជើង ទើបបែរព្រះកេសទៅទិសខាងជើង ក្នុងវេលាដែលទ្រង់សោយទិវង្គតទៅទិសខាងជើង ។ គេក៏មានជំនឿផងដែរថា ការបង្វែរក្បាលអ្នកស្លាប់ទៅទិសខាងជើង នឹងអនុញ្ញាតឲ្យព្រលឹងនៃអ្នកស្លាប់ធ្វើដំណើរទៅកាន់ឋានសុគតិភព ដែលជាទីកន្លែងដែលព្រះសម្មាសម្ពុទ្ធទ្រង់គង់នៅ។

ចំណែកក្នុងន័យវិទ្យាសាស្ត្រ គេនិយាយថា បែរមុខទៅទិសខាងជើង ដែលជាប៉ូលខាងជើងនៃដែនម៉ាញេទិចរបស់ផែនដី ត្រូវបានគេនិយាយថា ធ្វើឲ្យប្រសើរឡើងនូវចរន្តឈាមរបស់រាងកាយ ជួយឲ្យរាងកាយងើបឡើងវិញ ពីភាពអស់កម្លាំង វាក៏ជួយឲ្យភ្ញាក់ពីគេងដោយភាពស្រស់ស្រាយផងដែរ។

ក្រោយអានអត្ថបទរួច តើប្រិយមិត្តយល់យ៉ាងណាដែរ ចំពោះជំនឿនែការមិនបែរក្បាលគ្រែទៅទិសខាងជើង របស់ជនជាតិជប៉ុន?

គ្រូ ណុប

ចុចអាន៖ទម្លាប់ចាយលុយអស់ៗគ្មានសល់ តាមជំនឿ អាចមកពីកម្មផលចាស់ៗពីអតីតជាតិ

ចុចអាន៖ប្រពៃណីចម្លែក កាត់ប្រដាប់បន្តពូជស្ត្រី ដើម្បីរក្សាព្រហ្មចារី ឲ្យដល់ថ្ងៃរៀបការ