មិនគួរព្រងើយកន្តើយ ប្រសិនយល់សប្តិជួប “គ្រោះថ្នាក់ចរាចណ៍”

សុបិនជួបគ្រោះថ្នាក់ចរាចរណ៍ ជាប្រផ្នូលនៃការថប់បារម្ភ ក៏ដូចជាបញ្ហាមួយចំនួន ដែលគួរប្រយ័ត្នខ្ពស់ ពុំនោះទេអ្វីៗអាចពិបាកស្រោចស្រង់។ ក្នុងនោះមានដូចជា៖  

សុបិនឃើញរថយន្តក្រឡាប់ តែពុំមានគ្រោះថ្នាក់

បកស្រាយថា ក្នុងអំឡុងពេលនេះ អាច​នឹង​បញ្ហា​លុយកាក់ ប៉ុន្តែវានឹងប្រែជាលាភ​សំណាងវិញ ដោយសារមិត្តភក្តិជួយជ្រោមជ្រែង។

សុបិនឃើញរថយន្តក្រឡាប់ ហើយមានគ្រោះធ្ងន់ធ្ងរ

ក្នុង​រយៈពេល​នេះ​ អ្នកនឹង​ទទួលបាន​ការតំឡើងប្រាក់ខែ ឬមុខតំណែងនៅកន្លែងការងារ។ ជាមួយគ្នាដែរ អ្នកត្រូវប្រុងប្រយ័ត្នខ្ពស់ក្នុងការវិនិយោគ ព្រោះអាចខាតធំ។

សុបិនឃើញរថយន្តបុកគ្នា

នៅក្នុងជីវិតពិតអ្នកអាចជួប​គ្រោះថ្នាក់​តិចតួចពេលធ្វើដំណើរ ហើយអ្នក​ត្រូវ​ប្រយ័ត្នផងដែរចំពោះវិបត្តិ​ហិរញ្ញវត្ថុ ដោយសារគ្មាននរណាម្នាក់ជួយអ្នកនោះទេ ​ពេលជួបបញ្ហាកំលុងពេលនេះ។

សុបិនឃើញរថយន្តបុកម៉ូតូ

ចូរប្រញាប់ព្យាបាល នៅពេលឈឺថ្កាត់តិចតួច ព្រោះវាអាចបង្កទៅជាធ្ងន់ធ្ងរ បើអ្នកព្រងើយកន្តើយ។

សុបិនឃើញរថយន្តធ្លាក់ផ្លូវ ឬធ្លាក់ចូលទឹក

ទស្សន៍ទាយ​​ថា ​ក្នុង​រយៈពេល​នេះ​ការ​ប្រកប​របរ​រកស៊ី​ជួញដូរ​នឹង​មាន​ភាព​ចម្រុងចម្រើន​។ ប៉ុន្តែត្រូវប្រយ័ត្នពេលធ្វើដំណើរផ្លូវឆ្ងាយ ឬធ្វើដំណើរពេលយប់៕

អត្ថបទ៖ សន្យា

ចុចអាន៖ បកស្រាយអត្ថន័យ យល់សប្តិឃើញខ្លួនឯងដើរស្រាត

ចុចអាន៖ សុបិន ៥ ប្រភេទ​ ចាស់ៗជឿថា ម្ចាស់ខ្លួននឹងទទួលបានលាភធំ