វៀតណាមកំណត់គោលដៅឱ្យមានផ្លូវល្បឿនលឿន ៥ ០០០ គីឡូម៉ែត្រ ត្រឹមឆ្នាំ ២០៣០

ប្រទេសវៀតណាម​រំពឹងថានឹង​សម្រេចគោលដៅមានផ្លូវល្បឿនលឿនជាង ៣ ០០០ គីឡូម៉ែត្រ ត្រឹមចុងឆ្នាំនេះ និងកំណត់គោលដៅឱ្យមាន​ប្រភេទផ្លូវដូចគ្នាប្រវែង ៥ ០០០ គីឡូម៉ែត្រ នៅឆ្នាំ ២០៣០។ នេះបើតាមការចុះផ្សាយរបស់​សារព័ត៌មាន VNA នៅថ្ងៃព្រហស្បតិ៍នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងសំណង់វៀតណាម បាន​ឱ្យដឹងថា ប្រទេសវៀតណាមដាក់ដំណើរការផ្លូវល្បឿនលឿនត្រឹមតែ ៨៩ គីឡូម៉ែត្រ ប៉ុណ្ណោះ ​ចន្លោះឆ្នាំ ២០០១ និង ២០១០ ហើយបន្ទាប់មក ១​ ១៦៣ គីឡូម៉ែត្រ ​ចន្លោះឆ្នាំ ២០១១-២០។ ​

នៅចុងឆ្នាំ ២០២៥ ផ្លូវល្បឿនលឿនប្រហែល ៣​ ៥១៣ គីឡូម៉ែត្រ​ រំពឹងថានឹងត្រូវបានបញ្ចប់ការសាងសង់ និងបើក​ឱ្យ​ធ្វើចរាចរណ៍។ សមិទ្ធផលដ៏សំខាន់នោះគឺ ផ្លូវល្បឿនលឿនខាងជើង-ខាងត្បូងភាគខាងកើត ដែលឥឡូវនេះភាគច្រើនត្រូវបានបញ្ចប់ការសាងសង់់់ ​ដែលអាច​ឱ្យ​ការធ្វើដំណើររលូនពីភាគខាងជើងទៅភាគខាងត្បូង។

​អ្នកជំនាញវៀតណាមបាន​និយាយថា ល្បឿននៃការសាងសង់គឺមិនធ្លាប់មានពីមុនមកក្នុងប្រវត្តិសាស្ត្រនៃវិស័យដឹកជញ្ជូនរបស់​វៀតណាម។

បណ្តាញផ្លូវល្បឿនលឿន​ដែលជួយសម្រួលដល់ការ​កកស្ទះ កាត់បន្ថយពេលវេលាធ្វើដំណើរ និងពង្រឹងការតភ្ជាប់ក្នុងតំបន់ ខណៈ​បើកកន្លែងអភិវឌ្ឍន៍ថ្មី និងជំរុញការប្រកួតប្រជែងផ្នែកសេដ្ឋកិច្ច។ ហេដ្ឋារចនាសម្ព័ន្ធដែលធ្លាប់តែរារាំងកំណើនសេដ្ឋកិច្ច ឥឡូវនេះកំពុងជួយជំរុញកំណើន​សេដ្ឋកិច្ចទៅវិញ៕