សេដ្ឋកិច្ច
អ្នកឧកញ៉ា គិត ម៉េង៖ កិច្ចប្រជុំកំពូលធុរកិច្ច និងវិនិយោគអាស៊ានផ្តល់សារសំខាន់ខ្លាំងសម្រាប់កម្ពុជា
កម្ពុជា បានប្រកាសជាផ្លូវការរៀបចំកិច្ចប្រជុំកំពូលធុរកិច្ច និងវិនិយោគអាស៊ានឆ្នាំ២០២២និងពានរង្វាន់ធុរកិច្ចអាស៊ានឆ្នាំ ២០២២ នឹងប្រព្រឹត្តិទៅនៅខែវិច្ឆិកាឆ្នាំ២០២២ខាងមុខ។
ព្រឹត្តិការណ៍នេះរៀបចំដោយសភាពាណិជ្ជកម្មកម្ពុជា សហការជាមួយក្រុមប្រឹក្សាពិគ្រោះយោបល់ធុរកិច្ចអាស៊ាន ក្រោមអធិបតីភាព លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងជារដ្ឋមន្ត្រីសេដ្ឋកិច្ចអាស៊ាន ដោយមាន ការចូលរួមពី ឯកអគ្គរដ្ឋទូតប្រទេសសមាជិកអាស៊ាន និងប្រទេសដៃគូអាស៊ាន ក្រុមប្រឹក្សា ពិគ្រោះ យោបល់ធុរ កិច្ចអាស៊ាន សភាពាណិជ្ជកម្មរាជធានី-ខេត្ត សភាពាណិជ្ជកម្មអន្តរជាតិ សមាគមពាណិជ្ជកម្ម ដៃគូអភិវឌ្ឍន៍ និងតំណាងក្រសួង-ស្ថាប័នពាក់ព័ន្ធ សរុបចំនួនជាង ១៥០ នាក់។
ថ្លែងក្នុងឱកាសនៃពិធីប្រកាសជាផ្លូវការកាលពីល្ងាចថ្ងៃទី២៩មិថុនានៅសណ្ឋាគារហៃយ៉ាត់រីជិនស៊ីរាជធានីភ្នំពេញ អ្នកឧកញ៉ា គិត ម៉េង បានលើកឡើងពីសារៈសំខាន់នៃការៀបចំកិច្ចប្រជុំកំពូលធុរកិច្ចនិងវិនិយោគអាស៊ាន និងពានរង្វាន់ធុរកិច្ចអាស៊ាន ដែលនឹងប្រព្រឹត្តទៅនៅខែវិច្ឆិកា ឆ្នាំ២០២២ ខាងមុខ ស្របពេលកិច្ចប្រជុំកំពូល អាស៊ានដែលកម្ពុជាជាម្ចាស់ផ្ទះ។ ព្រឹត្តិការណ៍ទាំងពីរនេះ គឺជាព្រឹត្តិការណ៍តំបន់ដ៏មានឥទ្ធិពល និងតែងតែទទួល បានការគាំទ្រចូលរួមពី ថ្នាក់ដឹកនាំអាស៊ាន និងពិភពលោក។
អ្នកឧកញ៉ា បានមានប្រសាសន៍ថា ឆ្នាំ២០២២នេះ កិច្ចប្រជុំកំពូលធុរកិច្ចនិងវិនិយោគអាស៊ាន នឹងប្រព្រឹត្តទៅរយៈ ពេលពីរថ្ងៃ ដែលក្នុងនោះ នៅថ្ងៃទី១ នឹងមានការប្រគល់ពានរង្វាន់ធុរកិច្ចអាស៊ានដល់ក្រុមហ៊ុនឆ្នើមដែល ឈ្នះការប្រកួតពានរង្វាន់អាស៊ាន។ នៅថ្ងៃទីពីរ នឹងមានកិច្ចពិភាក្សាលើប្រធានបទសំខាន់ៗ រួម និងសុន្ទរកថាគន្លឹះនិងបទអន្តរាគមន៍របស់ថ្នាក់ដឹកនាំអាស៊ាន និងដៃគូអាស៊ាន ដែលនឹងសន្ទនា និងពិភាក្សាអំពីការជួយស្តារសេដ្ឋកិច្ចឡើងវិញ ការជំរុញពាណិជ្ជកម្មនិងវិនិយោគតាមរយៈកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ បច្ចេកវិទ្យាឌីជីថល និង ការអភិវឌ្ឍប្រកបដោយចីរភាព ជាដើម។
គួរបញ្ជាក់ថា ក្រុមប្រឹក្សាពិគ្រោះយោបល់ធុរកិច្ចអាស៊ាន ត្រូវបានបង្កើតឡើងក្នុងឆ្នាំ២០០១ ដោយប្រមុខរដ្ឋ/ប្រមុខរដ្ឋាភិបាលអាស៊ាន ដែលមានភារកិច្ចចម្បងក្នុងការផ្តល់នូវធាតុចូល និង របាយការណ៍អនុសាសន៍របស់វិស័យឯកជន ដើម្បីជួយជំរុញដល់កិច្ចប្រឹងប្រែងរបស់អាស៊ានឆ្ពោះទៅកាន់សមាហរណកម្មសេដ្ឋកិច្ច៕ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត