​កសិករដាំខ្ញី​​ខាតដើម​ដោយសារ​តម្លៃចុះថោក​កសិករមួយរូបបង្ខំចិត្តលក់ ​១ គីឡូ ​១ ៥០០ រៀល​

កសិករដាំខ្ញី​នៅស្រុកស្អាង​ ខេត្តកណ្ដាល​ត្អូញត្អែ​ររឿងតម្លៃខ្ញីធ្លាក់ចុះខ្លាំងយ៉ាងគំហុកនៅឆ្នាំនេះ។ លោក តៃ សុង អ្នកដាំខ្ញីមួយរូបនៅស្រុកស្អាងប្រាប់កម្ពុជាថ្មីនៅថ្ងៃពុធទី ១៧ ខែសីហានេះថា ការ​ធ្លាក់ចុះតម្លៃ​យ៉ាងគំហុកនៅឆ្នាំនេះ លោកគិតថា មកពីមានការដាំច្រើន និងការ​ទទួលបានទិន្នផលច្រើន ខណៈប្រទេសជិតខាង​ក៏​មាន​ការនាំចូលច្រើនដែរ​ ធ្វើឱ្យបរិមាណខ្ញីចាល់នៅលើទីផ្សារ ហើយតម្លៃក៏ធ្លាក់ចុះ។

លោក តៃ សុងដាំខ្ញីទំហំដី ៧០ អា ទទួលបានទិន្នផល ៩ តោន ដែលពី​មុនមកធ្លាប់តែ​លក់បាន១ គីឡូ ក្នុងតម្លៃចាប់ពី ៨០០០ រៀលឡើង ហើយថោកបំផុតក៏ត្រឹមតែ ៣ ពាន់ រៀលដែរ ប៉ុន្តែឥឡូវលិចលង់ខាតដើមទាំងអស់គ្នាអ្នកដាំតិចខាតតិចអ្នកដាំច្រើនខាតច្រើន។

រដូវប្រមូលផលខ្ញីឆ្នាំនេះ លោក តៃ សុង​ បង្ខំចិត្តលក់​ខ្ញី​ចំនួន ៩ តោន ក្នុងតម្លៃ ១ ៥០០ រៀល ក្នុង១ គីឡូ ខណៈពេលនេះលោកលក់ដាច់ជិតអស់ហើយ ក្រោយពីការកាម៉ង់ទិញច្រើន​ពីអតិថិជនគ្រប់​មជ្ឍ​ដ្ឋាន៕ ​

អត្ថបទ៖ ឡេង ដេត