សេដ្ឋកិច្ច
ស្លា កំពុងមានទីផ្សារខ្ពស់ នាំចេញក្រៅផ្លូវការទៅវៀតណាម ប្រហែល ៤០តោន ក្នុងមួយថ្ងៃ
ត្បូងឃ្មុំៈ បច្ចុប្បន្ន ផ្លែស្លាខ្ចីមូលទ្រវែង កំពុងត្រូវប៉ាន់ឈ្មួញសម្រុកទិញដឹកចេញពីខេត្តត្បូងឃ្មុំ ទៅលក់នៅប្រទេសវៀតណាមក្នុងមួយថ្ងៃៗ មិនក្រោមពី៣០ទៅ៤០តោននោះទេ។ កសិករដាំដំណាំស្លា សព្វថ្ងៃស្រួលរកទីផ្សារមានឈ្មួញមកទទួលទិញដល់ផ្ទះ។
អ្នកស្រី ណុច សុខឃីម អាយុ៥២ឆ្នាំ រស់នៅភូមិវាលកណ្តៀង ឃុំជប់ ស្រុក/ខេត្តត្បូងឃ្មុំបានបញ្ជាក់ឲ្យដឹងថា ជារៀងរាល់ឆ្នាំគ្រួសារអ្នកស្រី តែងទិញស្លាពីបងប្អូនប្រជាពលរដ្ឋមកហាន់ធ្វើស្លាចំណិត ដែលក្នុង១គីឡូក្រាម ស្លាស្រស់តម្លៃ ១,២០០ រៀល ហើយពេលស្លាគ្រាមលក់ចេញបានតម្លៃ ២៧ ០០០រៀង ។ ឆ្នាំនេះស្លាថោកជាងឆ្នាំទៅ លក់បានតម្លៃ៣៥០០០រៀល ។ ក្នុងស្លាស្រស់៥០០គីឡូក្រាម ហាលគ្រាមចំណិតបានតែ៣៦គីឡូក្រាមតែប៉ុណ្ណោះ។ នេះជាការបញ្ជាក់របស់អ្នកស្រី សុខឃីម។
អ្នកស្រី បានបន្តថា មុខរបរនេះ អាចរកចំណូលបាន ៥ទៅ៦លានរៀល ក្នុង១ឆ្នាំៗ ដែលចំណូលនេះ សំខាន់សម្រាប់ដោះស្រាយជីវភាពគ្រួសារ។ អ្នកស្រី សង្កត់ធ្ងន់ថា «បើកសិករយើងមានដីទំហំធំដាំស្លាអាចទទួលបានចំណូលច្រើន និងរស់ស្រួលមែនទែន»។
ចំណែកលោក ស៊ាន សឿន អាយុ៣០ឆ្នាំ រស់នៅភូមិចុងព្រែក ឃុំក្រែកស្រុកពញាក្រែក ខេត្តត្បូងឃ្មុំបានឲ្យដឹងដែរថា រាល់ថ្ងៃលោកប្រមូលទិញស្លាខ្ចីក្នុងខេត្តត្បូងឃ្មុំ ខេត្តកំពង់ចាម និងខេត្តកំពង់ធំ យកមកលក់ឲ្យឈ្មួញកណ្តាល ក្នុង១គីឡូក្រាមបាន ២៧០០រៀល ខណៈទិញពីគល់ តម្លៃ ២០០០រៀល ។ លោកថា «ក្នុង១ថ្ងៃ ខ្ញុំអាចរកប្រាក់ចំណូលបាន៤ទៅ៥ម៉ឺនរៀលដែរ ហើយក្រុមខ្ញុំដែលនាំគ្នាដើរទិញពីគ្រប់មូលដ្ឋានទាំង៣ខេត្ត មានគ្នាចំនួន២០នាក់ ទិញរាល់ថ្ងៃ អាចរកចំណូលបានតាមលទ្ធភាពរៀងៗខ្លួន»។
ដូចគ្នានេះដែរ លោក ភិន វណ្ណៈ អាយុ២៨ឆ្នាំ រស់នៅភូមិជប់ ឃុំជប់ ស្រុកត្បូងឃ្មុំ ខេត្តត្បូងឃ្មុំបានលើកឡើងថា លោកជាអ្នកទទួលទិញស្លាខ្ចី ក្នុង១គីឡូក្រាមតម្លៃពី៣០០០ ទៅ៤០០០រៀល ពោលលោកទិញតែប្រភេទស្លាមូលទ្រវែងទេ។ ដោយឡែកស្លាមូល លោកមិនទិញទេ ព្រោះមិនមានទីផ្សារ ។ ក្នុង១ថ្ងៃៗ លោកអាចប្រមូលទិញបានពី៣ទៅ៤តោន ដឹកយកទៅលក់នៅប្រទេសវៀតណាម ។ លោកបញ្ជាក់ទៀតថា ឈ្មួញមានច្រើន រាល់ថ្ងៃស្លាដឹកទៅលក់នៅប្រទេសវៀតណាម មិនក្រោមពី៣០ ទៅ៤០តោននោះទេ។
សូមបញ្ជាក់ថា ផ្លែស្លាមានពីរប្រភេទ គឺប្រភេទផ្លែរាងមូលទ្រវែង និងប្រភេទផ្លែមូល ។ ពេលផ្លែ ចាស់ល្មមអាចហាន់ជាចំណិតហាលឲ្យគ្រាម(ស្លាចំណិត) គុណប្រយោជន៍ ប្រជាពលរដ្ឋខ្មែរយើង ចាស់ៗតែងពិសារទាំងខ្ចី ទាំងចំណិតជាមួយម្លូរគ្រាន់កំដរមាត់ ពិសេសស្លាចំណិតគេអាចរៀបធ្វើជា ស្លាធម៌ មានលាយទៀន ធូប។ នៅក្នុងពិធីប្រពៃណីខ្មែរយើង មិនអាចអត់ស្លាបានឡើយ ហើយបច្ចុប្បន្នក៏នៅបន្តនិយមដែរ៕
អត្ថបទ៖ សាន វិឡែម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង