Connect with us

សេដ្ឋកិច្ច

ក្រសួងប្រមូលចំណូលពីការស្នើសុំលិខិតអនុញ្ញាត និងអាជ្ញាបណ្ណពាណិជ្ជកម្មអេឡិចត្រូនិច​បានជាង ១,៤០០លានរៀល

បានផុស

នៅ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមថ្ងៃ ខែសីហា ឆ្នាំ២០២២ ក្រសួងពាណិជ្ជកម្មទទួលបានចំនួនអាជីវករដែលបានមកស្នើសុំលិខិតអនុញ្ញាត និងអាជ្ញាបណ្ណពាណិជ្ជកម្មអេឡិចត្រូនិកមានសរុបចំនួន ៨,៧៣២ ដោយប្រមូលចំណូលបានប្រមាណ ១,៤០០,០០០,០០០ រៀល។ នេះបើតាមការបញ្ជាក់របស់លោក ប៉ែន សុវិជាតិ អ្នកនាំពាក្យក្រសួងពាណិជ្ជកម្ម។

លោក ប៉ែន សុវិជាតិ បានបញ្ជាក់ប្រាប់កម្ពុជាថ្មីថា ការស្នើសុំលិខិតអនុញ្ញាតសម្រាប់រូបវន្តបុគ្គលមានចំនួន ៨០២២, លិខិតអនុញ្ញាតសម្រាប់សហគ្រាសឯកបុគ្គលមានចំនួន ២២០ និងការស្នើសុំអាជ្ញាបណ្ណមានចំនួន ៤៩១។

អ្នកនាំពាក្យក្រសួងពាណិជ្ជកម្ម បានសង្កត់ធ្ងន់ថា ក្នុងករណីអាជីវកម្ម ដែលធ្វើតាមប្រព័ន្ធអេឡិចត្រូនិក ដោយមិន​មានលិខិតអនុញ្ញាត ឬអាជ្ញាបណ្ណនឹងត្រូវទទួលការផាកពិន័យជាប្រាក់ ឬបញ្ឍប់សកម្មភាពអាជីវកម្ម ឬប្រឈម​នឹងវិធានការនានា ដូចមានចែងក្នុងលិខិតបទដ្ឋានច្បាប់ជាធរមាន។

បើតាមអ្នកនាំពាក្យ ម្ចាស់រកស៊ីតាមប្រព័ន្ធអេឡិចត្រូនិកនឹងរងការពិន័យជាប្រាក់រហូតដល់១០លានរៀល ឬប្រឈមនឹងការផ្អាកដំណើរការអាជីវកម្ម បើក្រសួងរកឃើញថា ពួកគេបន្តរកស៊ីដោយគ្មានអាជ្ញាបណ្ណ ឬលិខិតអនុញ្ញាត។

ទោះយ៉ាងណា មិនមែនគ្រប់អាជីវកម្មរកស៊ីតាមប្រព័ន្ធអេឡិចត្រូនិកទាំងអស់សុទ្ធតែត្រូវមកដាក់ពាក្យស្នើ​សុំលិខិតអនុញ្ញាត និងអាជ្ញាបណ្ណនោះទេ។ លោក ប៉ែន សុវិជាតិ បានឱ្យដឹងថា មានអាជីវកម្មអនឡាញចំនួន៦​ត្រូវបានលើកលែង។ អាជីវកម្មទាំងនោះរួមមាន ទី១.អាជីវកម្មដែលគ្រាន់តែផ្សព្វផ្សាយពាណិជ្ជកម្មអំពីទំនិញ ឬសេវារបស់ខ្លួន ដូចជា ការផ្សព្វផ្សាយទំនិញកសិផលល្អ ប៉ុន្ដែមិនបានប្រកាសអំពីតម្លៃរបស់កសិផល។ ទី២. ការកក់បម្រុងទុកនូវសេវា ដែលមិនមានការកក់ប្រាក់ គឺអាចផ្ដល់ព័ត៌មានផ្សេងៗ សម្រាប់អតិថិជន ឬអ្នកប្រើប្រាស់។ មានន័យថា មានការជជែកជាមួយអ្នកទិញបាន ប៉ុន្ដែមិនមានសេវាកក់ប្រាក់ឡើយ ជារួមគឺមិនមានបង្កើត​សំណើនៃកិច្ចសន្យានោះទេ ដូច្នេះក៏មិនចាំបាច់ចុះបញ្ជី នោះដែរ។

ទី៣. ការលក់ទំនិញ ឬសេវា របស់រូបវន្តបុគ្គល ដែលមានផលរបបក្រោមកម្រិតផលរបបជាអ្នកជាប់ពន្ធតូច។ មានន័យថា ប្រសិនបើអ្នករកស៊ី ស្ថិតនៅការរកស៊ីក្រោមកម្រិតផលរបបជាអ្នកជាប់ពន្ធតូច (ក្រោម ២៥០លានរៀល​ក្នុង១ឆ្នាំ)។ ទី៤. ការលក់ទំនិញ ឬផ្ដល់សេវា ដែលមានលក្ខណៈគ្រួសារតាមរដូវកាល។ ទី៥. ការលក់ទំនិញជាស្នាដៃ​សិល្បៈ។ និងទី៦. ការបង្ហាត់បង្រៀនសិស្ស តាមប្រព័ន្ធអនឡាញជាឯកជន ឬការបង្ហាត់បង្រៀន ជាសិក្ខាសាលា ជាដើម។

សូមបញ្ជាក់ថា សេវាចុះបញ្ជីពាណិជ្ជកម្ម សម្រាប់អ្នករកស៊ីអនឡាញ នៅក្រសួងពាណិជ្ជកម្ម មានតម្លៃសេវា​សាធារណៈ​ត្រឹមតែ២០ម៉ឺនរៀលប៉ុណ្ណោះ សម្រាប់រូបវន្តបុគ្គល និង៤០ម៉ឺនរៀលសម្រាប់នីតិបុគ្គល ដែលមានសុពល​ភាពរយៈ​ពេល២ឆ្នាំ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេដ្ឋកិច្ច២ នាទី មុន

ក្រសួងប្រមូលចំណូលពីការស្នើសុំលិខិតអនុញ្ញាត និងអាជ្ញាបណ្ណពាណិជ្ជកម្មអេឡិចត្រូនិច​បានជាង ១,៤០០លានរៀល

ព័ត៌មានអន្ដរជាតិ២៧ នាទី មុន

ទីក្រុង ហូជីមិញ កំពុងលិចក្រោមទឹក ក្នុងអត្រាដ៏លឿន

សន្តិសុខសង្គម៧ ម៉ោង មុន

ជំនន់​ទឹកភ្លៀង​ជន់ឡើងខ្លាំង មន្ទីរសាធារណការ​ខេត្តសៀមរាប សម្រេច​ផ្អាក​ចរាចរណ៍​រថយន្ត​ដឹកទំនិញ​ធុន​ធ្ងន់​គ្រប់​ប្រភេទ លើ​កំណាត់​ផ្លូវ ក្នុងភូមិ​សាស្ត្រ​ខេត្តសៀមរាប

ជីវិតកម្សាន្ដ១០ ម៉ោង មុន

បង្ហោះរូបលើកនេះ Baifern ត្រូវអ្នកគាំទ្រសង្ស័យ លួចកែបបូរមាត់

ជីវិតកម្សាន្ដ១១ ម៉ោង មុន

មហាជនរិះគន់កប់មាត់ ក្រោយម្ដាយ Tangmo ព្រមទទួលសំណងជាង ៥ម៉ឺនដុល្លារពីជនសង្ស័យ

Sokha Hotels

ព័ត៌មានពេញនិយម