មកដឹងចំណូលរបស់ក្រុមហ៊ុន TikTok ដែលកំពុងពេញនិយមខ្លាំង

បច្ចុប្បន្ន តិកតុក (TikTok) គឺជាបណ្តាញសង្គមមួយរបស់ចិនដែលកំពុងតែមានការពេញនិយមខ្លាំងពីសំណាក់​ប្រជាពលរដ្ឋទូទាំងពិភពលោក ក៏ដូចជានៅកម្ពុជាផងដែរ។ ប្រជាប្រិយរបស់តិកតុក មានការកើនឡើងយ៉ាងឆាប់រហ័ស ទោះបីជាលេចវត្តមានក្រោយបណ្តាញសង្គមហ្វេសប៊ុកក៏ដោយ ប៉ុន្តែ TikTok មានអ្នកប្រើប្រាស់រហូតដល់ច្រើនជាង ១ពាន់លាននាក់ នៅលើពិភពលោក។

នៅក្នុងឆ្នាំ ២០១៧ ក្រុមហ៊ុន TikTok រកចំណូលបានត្រឹមតែ ៦៣លានដុល្លារអាមេរិកប៉ុណ្ណោះ ដោយឆ្នាំ ២០១៨ កើនដល់ ១៥០លានដុល្លារ ឆ្នាំ ២០១៩ កើនឡើងបន្ថែមទៀត ៣៥០លានដុល្លារ ហើយឆ្នាំ ២០២០ មានចំនួន ២,៦លានដុល្លារ។ ចំណែកឆ្នាំ២០២១ កន្លងទៅ ក្រុមហ៊ុន TikTok រកចំណូលបាន ៤,៦ ពាន់លានដុល្លារ និងនៅឆ្នាំ ២០២២នេះ តាមការប៉ាន់ស្មានចំណូលពីការផ្សាយពាណិជ្ជកម្ម របស់ Tiktok នឹងកើនដល់ ១១ពាន់លានដុល្លារអាមេរិក។ នេះបើតាមសារព័ត៌មាន Rueters។

នៅក្នុងឆ្នាំ ២០២២នេះ កម្ពុជា មានអ្នកប្រើប្រាស់ តិកតុក (TikTok) រហូតដល់ជិត ៧លាននាក់ ដែលជាមធ្យមចាប់ពីអាយុ ១៨ឆ្នាំ ឡើងទៅ ដោយនៅក្នុងនោះ ចំនួនមនុស្សស្រីដែលប្រើប្រាស់មាន ៥៤.១ភាគរយ ខណៈមនុស្សប្រុសមាន ៤៥.៩ ភាគរយ។ នេះបើយោងតាមវេបសាយ Datareportal.com៕

អត្ថបទ៖ នាង រតនៈ