សេដ្ឋកិច្ច

កូរ៉េខាងត្បូងរៀបចំកញ្ចប់ជំនួយជាង ៧ ប៊ីលានដុល្លារ សម្រាប់ឧស្សាហកម្មបន្ទះឈីប

បានផុស

២ years មុន

នៅ

ថ្ងៃចន្ទ ១៣ ឧសភា ២០២៤

ដោយ

រដ្ឋមន្ត្រីក្រសួងហិរញ្ញវត្ថុកូរ៉េខាងត្បូង បានឱ្យដឹងកាលពីថ្ងៃអាទិត្យថា ប្រទេសកូរ៉េខាងត្បូងកំពុងត្រៀមផែនការកញ្ចប់គាំទ្រការវិនិយោគ និងការស្រាវជ្រាវបន្ទះឈីប ដែលមានទំហំជាទឹកប្រាក់ ៧,៣ ប៊ីលានដុល្លារ ក្រោយកំណត់គោលដៅយកឈ្នះលើការប្រកួតប្រជែងក្នុងឧស្សាហកម្មឈីប។ នេះបើតាមការរាយការណ៍របស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងហិរញ្ញវត្ថុបានស្រង់សម្ដីលោករដ្ឋមន្ត្រី Choi Sang-mok ដែលបាននិយាយថា រដ្ឋាភិបាលនឹងប្រកាសពីព័ត៌មានលម្អិតនៃកញ្ចប់នោះ នាពេលឆាប់ៗនេះ ដោយវានឹងកំណត់គោលដៅទៅលើសម្ភារៈបន្ទះឈីប អ្នកផលិតឧបករណ៍ផលិតបន្ទះឈីប និងក្រុមហ៊ុនផ្សេងៗដែលប្រឡូកក្នុងចង្វាក់ផ្គត់ផ្គង់បន្ទះឈីប។

លោក Choi បានប្រាប់ទៅនាយកប្រតិបត្តិនៃក្រុមហ៊ុនផលិតឧបករណ៍ផលិតបន្ទឈីបក្នុងស្រុក ក្នុងកិច្ចប្រជុំកាលពីថ្ងៃអាទិត្យថា កញ្ចប់ជំនួយអាចរួមបញ្ចូលគោលនយោបាយផ្តល់ប្រាក់កម្ចី និងការបង្កើតមូលនិធិថ្មី ដែលផ្តល់ហិរញ្ញប្បទានដោយស្ថាប័នហិរញ្ញវត្ថុរដ្ឋ និងឯកជន។ នេះបើតាមសេចក្ដីថ្លែងការណ៍របស់ក្រសួងហិរញ្ញវត្ថុកូរ៉េខាងត្បូង។

គួរគូសបញ្ជាក់ថា ប្រទេសកូរ៉េខាងត្បូងកំពុងសាងសង់បណ្ដុំផលិតបន្ទះឈីបធំមួយនៅក្រុង Yongin ភាគខាងត្បូងនៃរដ្ឋធានីសេអ៊ូល ដោយវាត្រូវបានគេហៅថាជាអគារបច្ចេកវិទ្យាខ្ពស់ដ៏ធំបំផុតរបស់ពិភពលោក។

កន្លងមក ប្រធានាធិបតីកូរ៉េខាងត្បូង លោក យូន ស៊កយល បានប្តេជ្ញាចំណាយធនធានតាមតែអាចធ្វើទៅបានទាំងអស់ ចូលទៅក្នុងការប្រកួតប្រជែងនៃឧស្សាហកម្មឈីប ដោយសន្យាអត្ថប្រយោជន៍ពន្ធផ្សេងៗសម្រាប់ការវិនិយោគ៕