សេដ្ឋកិច្ច

ហ្វីលីពីន ចង់បង្កើនឱកាសវិនិយោគនៅកម្ពុជា ជាពិសេសការកែច្នៃ និងនាំចេញអង្ករ

បានផុស

១ year មុន

នៅ

ថ្ងៃអង្គារ ១១ កុម្ភៈ ២០២៥

ដោយ

លោក Dai Jianlaing ប្រធានក្រុមហ៊ុន Excellent Associates Group Limited នៃប្រទេសហ្វីលីពីន បានបង្ហាញចំណាប់អារម្មណ៍របស់ខ្លួនក្នុងការស្វែងរកឱកាសវិនិយោគនៅកម្ពុជា ជាពិសេសលើការកែច្នៃ និងការនាំចេញអង្ករកម្ពុជាទៅកាន់ទីផ្សារអន្តរជាតិនាពេលអនាគត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសចូលជួបសម្ដែងការគួរសម និងពិភាក្សាការងារ ជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៃដំណើរទស្សនកិច្ចផ្លូវការ នៅទីក្រុងម៉ានីល ប្រទេសហ្វីលីពីន នៅថ្ងៃទី១០ ខែកុម្ភៈ ម្សិលមិញនេះ លោក Dai Jianlaing បានលើកឡើងថា ក្រុមហ៊ុនខ្លួន ចង់ស្វែងរកឱកាសវិនិយោគនៅក្នុងបន្ថែមទៀត លើការវិនិយោគសួនឧស្សាហកម្ម និងកសិ-ឧស្សាហកម្ម ព្រមទាំងការកែច្នៃ និងនាំចេញអង្ករទៅកាន់ទីផ្សារសំខាន់ៗមួយចំនួនដូចជា ហុងកុង ប្រទេសចិន និងទីផ្សារដទៃទៀតនាពេលអនាគត ព្រោះតែអង្ករកម្ពុជាមានគុណភាពខ្ពស់ និង ទទួលបានចំណាត់ថ្នាក់ល្អច្រើនឆ្នាំ ជាប់ៗគ្នា។

ពាក់ព័ន្ធនឹងវិស័យកសិ-ឧស្សាហកម្ម សម្តេចបវរធិបតី បានគូសបញ្ជាក់ពីការដាក់ចេញនូវគោលនយោបាយ និងវិធានការរបស់រាជរដ្ឋាភិបាលក្នុងការគាំទ្រដល់ការរៀបចំបង្កើតតំបន់សេដ្ឋកិច្ចពិសេស។

សម្តេច លើកទឹកចិត្តឱ្យក្រុមហ៊ុនពិចារណាការវិនិយោគលើទំនិញកសិ-ឧស្សាហកម្មមួយចំនួនបន្ថែមទៀត ដែលអាចចូលរួមបំពេញតម្រូវការក្នុងច្រវាក់ផលិតកម្មនៃវិស័យកសិកម្ម ក៏ដូចជា ការផលិតជីបែបធម្មជាតិ និងជីគីមី ជាដើម។

គួរជម្រាបថា អង្ករកម្ពុជាតែងទទួលបានជ័យលាភីជាបន្តបន្ទាប់ ជាអង្ករល្អ ទាំងគុណភាព និងរសជាតិ ដោយក្នុងនោះ អង្ករម៉ាកសមូហភាព SKO ពូជស្រូវសែនក្រអូប០១ បានឈ្នះពានរង្វាន់មាសក្នុងកម្មវិធីវាយតម្លៃ គុណភាពរសជាតិ ប្រភេទអង្ករគ្រាប់វែង ចិន-អាស៊ានលើកទី២ កាលពីថ្ងៃទី ០៨ ខែវិច្ឆិកា ឆ្នាំ ២០២៤។

ដោយឡែក អង្ករកម្ពុជាពូជ “ផ្ការំដួល” ទទួលបានជ័យលាភីលេខ១ សម្រាប់ឆ្នាំ២០២២ ជាអង្ករល្អដាច់គេលំដាប់ថ្នាក់ពិភពលោក ក្នុងការប្រកួតប្រជែងនៃវេទិកាស្រូវ-អង្ករពិភពលោក នៅខេត្តភូកេត ប្រទេសថៃ កាលពីថ្ងៃទី ១៧ ខែ វិច្ឆិកា៕