ព័ត៌មានអន្ដរជាតិ

វៀតណាមរំពឹងពីកំណើនការនាំចេញជីកសិកម្ម ចំពេលតម្លៃកើនឡើង

បានផុស

១ year មុន

នៅ

ថ្ងៃអង្គារ ២៥ កុម្ភៈ ២០២៥

ដោយ

វៀតណាមរំពឹងពីការកើនឡើងនៃការនាំចេញជីកសិកម្មរបស់ខ្លួន ចំពេលដែលតម្រូវការស្ទុះងើបឡើងវិញ អមជាមួយនឹងកំណើនតម្លៃ។ នេះបើតាមការចុះផ្សាយរបស់កាសែត Viet Nam News នាថ្ងៃអង្គារនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនស្រាវជ្រាវទីផ្សារ AgroMonitor បាននិយាយថា ក្នុងខែកុម្ភៈ ការនាំចេញជីអ៊ុយរ៉េរំពឹងថានឹងកើនដល់ប្រមាណ ៧០ ០០០ តោន ខណៈក្រុមហ៊ុនផលិតជីក្នុងស្រុក កំពុងផ្តោតលើការបំពេញកិច្ចសន្យានាំចេញដែលចុះហត្ថលេខា មុនបុណ្យចូលឆ្នាំចិន-វៀតណាម។

AgroMonitor បន្តថា ទីផ្សារជីអ៊ុយរ៉េសកលនឹងបន្តកើនឡើងជាមួយនឹងការជួញដូរយ៉ាងសកម្មនៅក្នុងទីផ្សារសំខាន់ៗ។ តម្រូវការកំពុងកើនឡើងនៅទូទាំងទ្វីបអាមេរិក អឺរ៉ុប និងអាហ្រ្វិក ខណៈការផ្គត់ផ្គង់មានកម្រិតនៃជីអ៊ុយរ៉េ កំពុងជំរុញកំណើនតម្លៃបន្ថែមទៀត។

នាពេលបច្ចុប្បន្ននេះ តម្លៃជីអ៊ុយរ៉េជាសកលកំពុងកើនឡើង ដែលជំរុញដោយការកើនឡើងតម្រូវការនៅឥណ្ឌា ក្នុងតម្លៃចន្លោះពី ៤២២-៤២៧ ដុល្លារ/តោន។

បើតាមសមាគមជីអន្តរជាតិ (IFA) តម្រូវការជីអ៊ុយរ៉េពិភពលោកប្រចាំឆ្នាំ ត្រូវបានព្យាករថានឹងកើនឡើង ៦ ភាគរយ ចន្លោះឆ្នាំ ២០២៤ និងឆ្នាំ ២០២៨ ខណៈការនាំចេញជីសកលនឹងងើបឡើងវិញ ជាពិសេសនៅក្នុងទីផ្សារប្រពៃណីដូចជាកម្ពុជា និងកូរ៉េខាងត្បូង។

បន្ថែមពីនេះ វៀតណាមក៏កំពុងពង្រីកទីផ្សាររបស់ខ្លួនទៅកាន់អឺរ៉ុប ដែលទាមទារស្តង់ដារគុណភាពផលិតផលខ្ពស់ផងដែរ។