កូវីដ-១៩

អ្នកវិទ្យាសាស្ត្រថា វីរុសបំប្លែងថ្មី B1617.2 ឆ្លងលឿនជាង B.1.1.7 ដល់ទៅ៦០%

បានផុស

៣ years មុន

នៅ

ថ្ងៃពុធ ១២ ឧសភា ២០២១

ដោយ

វីរុសបំប្លែងថ្មីមកពីប្រទេសឥណ្ឌាដែលកំពុងរាលដាលខ្លាំងនៅចក្រភពអង់គ្លេសឆ្លងលឿនជាង B.1.1.7 ដល់ទៅ៦០%។ នេះបើតាមអ្នកវិទ្យាសាស្ត្តរម្នាក់បានបញ្ជាក់។

លោកសាស្ត្រាចារ្យ Tom Wenseleers អ្នកឯកទេសជីវសាស្ត្រ និងជំងឺឆ្លងនៅសាកលវិទ្យាល័យ KU Leuven ប្រទេសប៊ែលហ្ស៊ិក បាននិយាយនៅលើ Twitter ថា លោកបានធ្វើការវិភាគពពួកវីរុស២ប្រភេទដើម្បីប្រៀបធៀបគ្នា ហើយរកឃើញថា វីរុសបំប្លែងថ្មីមកពីឥណ្ឌាឆ្លងលឿនជាង។

B1617.2 ជាប្រភេទវីរុសឆ្លងទូទៅនៅប្រទេសឥណ្ឌាដែលកំពុងរាលដាលនៅចក្រភពអង់គ្លេស វាត្រូវបានប្រទាស់ឃើញហោចណាស់៥២០ដង ហើយអ្នកជំនាញបារម្ភថា វាកាន់តែអាក្រក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកវិទ្យាសាស្ត្រនៅក្រុមប្រឹក្សាភិបាល SAGE បាននិយាយក្នុងកិច្ចប្រជុំមួយកាលពីសប្តាហ៍មុនថា ៖«ការវាយតម្លៃពីដំបូង រាប់បញ្ចូលទាំងបទពិសោធអន្តរជាតិគឺដា វីរុសនេះប្រហែលជាអាចឆ្លងលឿនជាងវីរុសបំប្លែង B.1.1.7 [Kent]»។

ប្រធានវេជ្ជសាស្ត្រនៅប្រទេសអង់គ្លេស លោកសាស្ត្រាចារ្យ Chris Whitty បាននិយាយថា ៖«ទស្សនៈរបស់យើងគឺថា នេះជាវីរុសដែលអាចឆ្លងខ្លាំង ហោចណាស់អាចឆ្លងដូច B117។ វាអាចឆ្លងកាន់តែច្រើន តែយើងនៅបន្តសង្កេតមើលទៀត»។

សម្រាប់ការសរសេររបស់លោកសាស្ត្រាចារ្យ Wenseleers លើបណ្តាញសង្គមថា ៖«ទិន្នន័យប្រទេសឥណ្ឌាត្រូវបានប៉ាន់ស្មានថា វីរុស B.1.617.2 មានការកើនឡើង១០%ក្នុងមួយៗថ្ងៃដែលវាលើ B.1.1.7 (លឿនជាងដល់ទៅ៦០%)។

ទីភ្នាក់ងារសុខភាពរបស់អង្គការសហប្រជាជនបាននិយាយថា វីរុសបំប្លែងថ្មីរបស់កូវីដ-១៩គឺ B.1.617 ដែលរកឃើញដំបូងនៅប្រទេសឥណ្ឌាកាលពីតុលានោះគឺបានរកឃើញនៅក្នុងសំណាងជាង ៤៥០០ដែលត្រូវបានបញ្ជូនទៅកាន់ទិន្នន័យបើកចំហពីប្រទេសចំនួន៤៤ហើយរហូតដល់ឥឡូវនេះ។

ទីភ្នាក់ងារបាននិយាយក្នុងអត្ថបទចេញផ្សាយថ្មីប្រចាំសប្តាហ៍ថា ៖«WHO ទទួលបានរបាយការដណ៍ពីការរកឃើញថ្មីបន្ថែមពីប្រទេស៥ទៀត»។

ក្រៅពីប្រទេសឥណ្ឌា អង្គការសុខភាពពិភពលោកប្រាប់ថា ចក្រភពអង់គ្លេសបានរាយការណ៍ មានករណីឆ្លងកូវីដ-១៩ដោយវីរុសនេះច្រើនបំផុត។

នៅដើមសប្តាហ៍នេះ WHO បានហៅ វីរុស B.1.617 ដែលរាប់ជា វីរុសរង៣ប្រភេទដែលប្រែប្រួល និងខុសគ្នាតិចជា«វីរុសបំប្លែងថ្មីគួរឲ្យព្រួយបារម្ភ»។

ដូច្នេះវាត្រូវបានបន្ថែមទៅក្នុងបញ្ជីដែលមានវីរុសបំប្លែង៣នៃកូវីដ-១៩ដែលត្រូវបានរកឃើញដំបូងនៅចក្រភពអង់គ្លេស ប្រេស៊ីល និងអាហ្វ្រិកខាងត្បូង។

វីរុសបំប្លែងថ្មីត្រូវបានគេរកឃើញថា គ្រោះថ្នាក់អាក្រក់ជាងវីរុសដើម ពីព្រោះពួកវាអាចឆ្លងបានកាន់តែច្រើន លឿន អាចបណ្តាលស្លាប់ និងអាចឆ្លងផុតការការពាររបស់វ៉ាក់សាំងខ្លះក៏មាន។WHO បានពន្យល់នៅថ្ងៃពុធថា B.1.617 ត្រូវបានបន្ថែមទៅក្នុងបញ្ជី ពីព្រោះវាងាយស្រួលឆ្លងជាងវីរុសដើមខ្លាំង និងបង្ហាញថា ការកើនឡើយយ៉ាងឆាប់រហ័សក្នុងការសាយភាពនៅក្នុងប្រទេសជាច្រើន។

WHO ក៏បានបញ្ជាក់ដែរថា ៖«ភស្តុតាងបឋមគឺ វីរុសនេះធន់នឹងការព្យាបាលជាមួយនឹងថ្នាំអង់ទីគ័រ Bamlanivimab ហើយការសិក្សាពីដំបូងបង្ហាញថា ការកាត់បន្ថយមានកំណត់នៅក្នុងអព្យាក្រិតភាពរបស់អង់ទីគ័រ»។

អង្គការសុខភាពពិភពលោកបានសង្កត់ធ្ងន់ថា ទោះជាផលប៉ះពាល់ពិភពលោកជាក់ស្តែងទៅលើប្រសិទ្ធភាពនៃវ៉ាក់សាំងប្រឆាំងនឹងវីរុសបំប្លែងថ្មីអាចមានកំណត់៕

ប្រែសម្រួល៖ វីរបុត្រ
ប្រភព៖ Dailymail

Related Topics:កូវីដ-១៩