កូវីដ-១៩
ឥណ្ឌូណេស៊ី ប្រកាសមានអ្នកស្លាប់ប្រចាំថ្ងៃដោយសារកូវីដធ្ងន់ធ្ងរបំផុតមិនធ្លាប់មានជាកំណត់ត្រា
ប្រទេសឥណ្ឌូណេស៊ីបានរាយការណ៍ពីចំនួនអ្នកស្លាប់ប្រចាំថ្ងៃ ដោយសារជំងឺកូវីដ ១៩ មិនធ្លាប់មានជាកំណត់់ត្រានៅក្នុងប្រទេស ខណៈករណីឆ្លងក៏កើនឡើង ។
រដ្ឋាភិបាលនិយាយថា ឥណ្ឌូណេស៊ីបានបញ្ជាក់ពីការស្លាប់ចំនួន ២,០៦៩ នាក់ និងឆ្លងថ្មីចំនួន ៤៥,២០៣ ករណីកាលពីថ្ងៃអង្គារ ។
ការរីករាលដាលយ៉ាងឆាប់រហ័សនៃវីរុសនេះចាប់តាំងពីខែមុន គឺមួយផ្នែកបណ្ដាលមកពីវីរុសបំប្លែងខ្លួន “Delta” ដែលត្រូវបានរកឃើញដំបូងនៅក្នុងប្រទេសឥណ្ឌា ។
ទន្ទឹមនោះ ទិន្នន័យពីអង្គការសុខភាពពិភពលោក (WHO) បង្ហាញថា គិតត្រឹមថ្ងៃចន្ទ ប្រទេសឥណ្ឌូណេស៊ីមានចំនួនអ្នកស្លាប់ប្រចាំថ្ងៃ ខ្ពស់បំផុតនៅលើពិភពលោក ។
បន្ថែមពីនេះ សេវាវេជ្ជសាស្រ្តស្ថិតនៅក្នុងស្ថានភាពតានតឹងយ៉ាងខ្លាំង នៅក្នុងរដ្ឋធានីហ្សាការតា ក៏ដូចជានៅតំបន់ដែលរងគ្រោះខ្លាំងផ្សេងទៀតផងដែរ ។
ស្របពេលជាមួយគ្នានេះ ក្រុមវេជ្ជបណ្ឌិត និងអ្នកជំនាញសុខភាពសាធារណៈបាននិយាយថា ចាប់តាំងពីខែមុន អ្នកឆ្លងជំងឺចំនួន ២,៧០៥ នាក់បានស្លាប់ ខណៈពេលកំពុងសម្រាកព្យាបាលនៅផ្ទះ ឬកន្លែងផ្សេងទៀតក្រៅពីមន្ទីរពេទ្យ ។
រដ្ឋាភិបាលនិយាយថា ខ្លួននឹងធានាគ្រែមន្ទីរពេទ្យបន្ថែមទៀត ហើយនឹងបើកកន្លែងធ្វើចត្តាឡីស័កបន្ថែមទៀត សម្រាប់អ្នកផ្ទុកវីរុសដែលមានរោគសញ្ញាស្រាល ដូច្នេះស្ថានភាពរបស់ពួកគេអាចត្រូវបានត្រួតពិនិត្យ ។
គួរបញ្ជាក់ថា គិតត្រឹមពេលនេះ ប្រទេសឥណ្ឌូណេស៊ី មានករណីឆ្លងជំងឺកូវីដ ១៩ ជាង ៣ លានករណី និងមានអ្នកស្លាប់សរុប ៨៦,៨៣៥ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង