អ្នកគាំទ្រកម្ពុជាផ្ទុះការមិនពេញចិត្តឈុតមួយដូចប្រាសាទព្រះវិហារ ក្នុងបទចម្រៀងថ្មីរបស់ Lisa សមាជិកក្រុម Blackpink

ប្រិយមិត្តកម្ពុជាមិនតិចនាក់ទេដែលជាហ្វេនតារាចម្រៀងកូរ៉េ Lisa ក្រុម Blackpink មានការអាក់អន់ចិត្តជាខ្លាំង ក្រោយតារារូបនេះចេញវីដេអូចម្រៀងទោលដំបូងរបស់ខ្លួន មានពាក់មកុដ និងបញ្ចូលក្លោងទ្វារប្រាសាទមួយ ដែលស្ទើរតែដូចគ្នាទាំងស្រុងទៅនឹងព្រះវិហាររបស់ខ្មែរ តែវាត្រូវបានជាតិសាសន៍ផ្សេងយល់ថាជារបស់ថៃ។

មុននេះបន្តិចតារាកូរ៉េសញ្ជាតិថៃ កញ្ញា Lisa បានទម្លាក់បទចម្រៀងថ្មីក្រោមចំណងជើងថា LALISA ជាបទចម្រៀងដែលហ្វេនៗទន្ទឹងរង់ចាំជាយូរ ប៉ុន្តែក្រោយទស្សនាចប់ ប្រិយមិត្តកម្ពុជាសម្ដែងនូវការខកចិត្តជាខ្លាំង ព្រោះបទនេះបានបង្ហាញនូវរចនាបថប្រាសាទខ្មែរ តែអាចធ្វើឱ្យពិភពលោកយល់ច្រឡំថាជាប្រាសាទប្រទេសថៃឯណោះ។

ជាមួយគ្នាដែរមានការអះអាងថា ប្រាសាទដែលលេចវត្តមានក្នុងវីដេអូចម្រៀង K-Pop រូបនេះ ​មិនមែនជាប្រាសាទខ្មែរនោះទេ វាជាប្រាសាទភ្នំរូងដែលស្ថិតនៅខេត្តបុរីរម្យ ប្រទេសថៃ ខណៈប្រាសាទនេះមានរចនាបថស្រដៀងនឹងប្រាសាទបាយ័នប៉ុណ្ណោះ។

យ៉ាងណាមិញប្រិយមិត្តខ្មែរបានរៀបរាប់ពីការមិនពេញចិត្តលើវីដេអូចម្រៀងថ្មីនេះ ដោយពួកគេនិយាយថា ខ្លួនមានការឈឺចាប់ដែលវប្បធម៌ជាតិឯងត្រូវបានជាតិសាសន៍ដទៃមិនស្គាល់ ហើយថែមទាំងបន្លំជារបស់អ្នកផ្សេងទៅវិញ។

សូមអានមតិមិនពេញចិត្តមួយចំនួនខាងក្រោម៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទស្សនាវីដេអូពេញ៖

អត្ថបទ៖ សន្យា

ចុចអាន៖ អតីតបវរកញ្ញា២រូប របូតតំណែងដូចគ្នា នៅក្នុងឆ្នាំ ២០២១នេះ

ចុចអាន៖ ការប្រកួតMiss Grandឆ្នាំនេះដំណើការធម្មតា ខណៈបេក្ខនារីតំណាងរាជធានីខេត្តសុទ្ធតែស្រស់​ស្អាត​