ជីវិតកម្សាន្ដ

ពេជ្រ ចរណៃ ស្នើមហាជនចូលរួមលើកស្ទួយ និងបង្ហាញសិល្បៈវប្បធម៌ខ្មែរ ទៅកាន់ពិភពលោក

បានផុស

៥ years មុន

នៅ

ថ្ងៃអាទិត្យ ១៩ កញ្ញា ២០២១

ដោយ

មហាជនពិតជាស្គាល់ច្បាស់តារាសម្តែងកញ្ញា ពេជ្រ ចរណៃ ដែលតែងតែបង្ហាញវត្តមានក្នុងតួអង្គវ៉ៃទាត់ធាត់ តាមរយ´ខ្សែភាពយន្តខ្មែរស្ទើរគ្រប់រឿងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា ពេជ្រ ចរណៃ កន្លងមកត្រូវបានទស្សនិកជន និងអ្នកគាំទ្រកត់សម្គាល់ថា នាងតែងបង្ហាញខ្លួនជាមួយកិច្ចការងារជួយសង្គមជាច្រើនផងដែរ ដោយកាលនោះ ចរណៃ បានរំលេចខ្លួនចុះជួយប្រជាពលរដ្ឋជួបការខ្វះខាតកុមារកំព្រា ចាស់ជរា ជាដើម។ ទង្វើនេះ ទទួលបានការសរសើរនិងលើកទឹកចិត្តច្រើន។

ដោយឡែកថ្មីៗនេះតារាសម្តែងកញ្ញា ពេជ្រ ចរណៃ ក៏បានចេញមុខបំផុសដល់យុវជន ឲ្យចូលរួមលើកស្ទួយ និងបង្ហាញសិល្បៈវប្បធម៌របស់ខ្មែរទៅកាន់ពិភពលោក តាមរយៈសកម្មភាពនានាដូចជា ការបង្ហាញក្បាច់គុនល្បុក្កតោ, ល្ខោនខោលនិងបង្ហោះរូបភាពស្លៀកពាក់សំលៀកបំពាក់បុរាណខ្មែរជាដើម។

កញ្ញា ពេជ្រ ចរណៃ បានបង្ហោះដោយរំលេចរូបភាពជាច្រើនបែបនេះថា តោះចូលរួមជាមួយគ្នា ក្នុងការបង្ហាញសិល្បៈវប្បធម៌ខ្មែរទៅកាន់ពិភពលោក។ ពួកខ្ញុំជាអ្នកបង្ហាញអ្នក គឺជាអ្នកចែករំលែក រាល់ការបង្ហាញពីសិល្បករសិល្បការិនីទាំងអស់។ មិនតែប៉ុណ្ណោះ ចរណៃ ក៏បានលើកឡើងដែរថាបើនាងខ្ញុំស្នើឲ្យអ្នកទាំងអស់គ្នា បង្ហោះរូបភាពស្លៀកពាក់សំលៀកបំពាក់បុរាណខ្មែរ តើបងប្អូនអាចចូលរួមជាមួយខ្ញុំទេ?៕

អត្ថបទ៖ ចាន់រ៉ា