ជីវិតកម្សាន្ដ

ផលិតករ ហ៊ុយ យ៉ាឡេង រំពឹងថារោងភាពយន្តនឹងបើកឡើងវិញ ខណ:សាលារៀនកំពុងបើកវិញហើយ

បានផុស

៤ years មុន

នៅ

ថ្ងៃចន្ទ ១១ តុលា ២០២១

ដោយ

បន្ទាប់ពីរោងកុនត្រូវបានផ្អាកមួយសន្ទុះធំដោយសារបញ្ហាជំងឺកូវីដ-១៩នោះ ផលិតករភាពយន្តល្បីឈ្មោះលោក ហ៊ុយ យ៉ាឡេង បានដាក់ក្តីសង្ឃឹមថា រោងភាពយន្តនឹងអាចបើកដំណើរការឡើងវិញឆាប់ៗនេះ។

លោក ហ៊ុយ យ៉ាឡេង បានបង្ហាញពីចំណាប់អារម្មណ៍របស់ខ្លួនតាមរយ:បណ្តាញសង្គមហ្វេសប៊ុកថាយប់មិញយល់សុបិនឃើញរោងភាពយន្តបើកវិញអារម្មណ៍ខ្ញុំសែនរីករាយសប្បាយម្លេះទេ។សូមអោយដូចការយល់សុបិននេះផងចុះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផលិតករលោក ហ៊ុយ យ៉ាឡេង បានបន្តថា សាលាបើកហើយនៅឡើយរោងកុន វិស័យភាពយន្តមិនអាចស្លាប់បានទេ សូមជួយគិតគូរពួកខ្ញុំផង។ បន្ថែមពីនេះលោក ហុយ យ៉ាឡេង បានប្រាប់កម្ពុជាថ្មីថា លោកសង្ឃឹមថា រាជរដ្ឋាភិបាលក៏ដូចជាក្រសួងមេត្តាជួយគិតគូរ និងពិនិត្យចំពោះការបើកឡើងវិញនូវវិស័យរោងកុនវិញផង។

លោក ហ៊ុយ យ៉ាឡេង លើកឡើងទៀតថា ដោយសារតែបញ្ហាជំងឺកូវីដ-១៩បានធ្វើឲ្យវិស័យភាពយន្តនិងរោងកុនត្រូវជាប់គាំងរយ:ពេល២ឆ្នាំមកហើយ ដូច្នេះធ្វើឲ្យបណ្តាផលិតករត្រូវជួបផលលំបាកមួយចំនួនស្ទើរគ្មានដង្ហើមដកទេ។ ហេតុនេះជាសូមណូមពរលោកស្នើសុំឲ្យមានការពិចារណាក្នុងការបើកដំណើរការរោងកុនក្នុងពេលឆាប់ៗនេះផងព្រោះវិស័យភាពយន្តខ្មែរក៏ដើរតួនាទីសំខាន់ផងដែរ៕

អត្ថបទ៖ ចាន់រ៉ា