ជីវិតកម្សាន្ដ

អបអរសាទរ Smallworld Smallband – ក្រុមតូច តំណាងកម្ពុជា ចូលរួម ROUND Festival នៅកូរ៉េខាងត្បូង

បានផុស

៦ years មុន

នៅ

ថ្ងៃពុធ ២ ធ្នូ ២០២០

ដោយ

ក្រុមចម្រៀងយុវវ័យរបស់កម្ពុជា Small World Small Band ដែលហៅថាក្រុមតូច នឹងតំណាងឲ្យកម្ពុជា ត្រូវបានអញ្ជើញឲ្យចូលរួម ក្នុងកម្មវិធីមហោស្រពចម្រៀងឈ្មោះថា ROUND FESTIVAL ដែលរៀបចំដោយទូរទស្សន៍ KBS របស់ប្រទេសកូរ៉េខាងត្បូង តាមរយៈអនឡាញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Smallworld Smallband – ក្រុមតូច គឺជាក្រុមមួយដែលល្បីល្បាញក្នុងស្រទាប់យុវវ័យ ជាពិសេសនោះគឺការជ្រើសរើសយកបទចម្រៀងពិសេសៗរបស់ក្រុម មកច្នៃឡើងវិញ បន្ថែមជាមួយឧបករណ៍ភ្លេងប្រពៃណីខ្មែរ ឲ្យក្លាយជាទម្រង់សិល្បៈសហសម័យ ដើម្បីរំលេចលក្ខណៈពិសេសនៃអត្តសញ្ញាណសិល្បៈបុរាណខ្មែរឲ្យអន្តរជាតិបានស្គាល់។

ក្រុម Small World Small Band – ក្រុមតូច ដែលមានសមាជិក៤រូប ដូចជា កញ្ញា រិទ្ធី លំអរកេសរ លោក ម៉ម ពេជ្ជរិទ្ធ លោក រៀម សុខភិរម្យ និងលោក រ៉ុង សុភីដេវីដ នឹងមានវត្តមានក្នុងកម្មវិធី ROUND 2020 ដែលត្រូវចាក់ផ្សាយជាផ្លូវការនៅថ្ងៃ អាទិត្យ ទី ៦ ខែធ្នូ ឆ្នាំ២០២០នេះ។

គួរបញ្ជាក់ថា ROUND Festival គឺជាមហោស្រពផ្លាស់ប្ដូរវប្បធម៌និងពង្រឹងសាមគ្គីភាពរវាងប្រទេសអាស៊ានទាំង ១០ និងកូរ៉េខាងត្បូង ដែលប្រមូលផ្ដុំដោយសិល្បករតំណាងឲ្យប្រទេសកម្ពុជា ព្រុយណេ ឥណ្ឌូណេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ វៀតណាម និងកូរ៉េខាងត្បូង។

ទស្សនិកជនមកពីប្រទេសកូរ៉េខាងត្បូងនិងបណ្ដាប្រទេសអាស៊ានចំនួន ១០ ក៏ដូចជានៅជុំវិញពិភពលោក អាចចូលរួមទស្សនាដោយសេរី។ សូមតាមដានទំព័រហ្វេសប៊ុកផ្លូវការរបស់ ក្រុមតូច សម្រាប់ព័ត៌មានបន្ថែម៕

សូមទស្សនាវីដេអូខាងក្រោម៖