Aum ធ្វើឱ្យហ្វេនលាន់មាត់ព្រាត ក្រោយចូលរួមបុណ្យសព Tangmo

នាយប់ទីមួយនៃពិធីកាន់ទុក្ខរបស់តារាសម្ដែង Tangmo Nida នៅព្រះវិហារសេរីភាព ក្រុងបាងកក កាលពីល្ងាចមិញ តារាស្រីជួរមុខប្រទេសថៃ Aum Patcharapa បានធ្វើឱ្យអ្នកគាំទ្រពោលសរសើរសឹងគ្រប់គ្នា ដែលនាងមិនប្រកាន់ខ្លួនជាកំពូលតារា ហើយបែរជាមកអង្គុយជជែកជាមួយគេឯងយ៉ាងសុភាព នៅលើកម្រាលឥដ្ឋទៅវិញ។

យោងតាមការចុះផ្សាយពីសារព័ត៌មានសថៃ​ Sanook បានឱ្យដឹងថា Bird ដែលជាមិត្តប្រុសរបស់ Tangmo បានមកនិយាយលេង និងស្វាគមន៍ជាមួយក្រុមកំពូលតារាស្រី Aum Patcharapa ប៉ុន្តែពួកគេមិនបានជ្រើសរើសអង្គុយនៅលើកៅអីភ្ញៀវនោះទេ បែរជានាំគ្នាអង្គុយលើកម្រាលឥដ្ឋ ខណៈអ្នកខ្លះលុតជង្គង់ អ្នកខ្លះទៀតចោងហោង ជជែកគ្នាយ៉ាងជិតស្និទ្ធ។

បន្ទាប់ពីរូបថតប៉ុន្មានសន្លឹករបស់ Aum​ បានចែកចាយលើបណ្ដាញ Instagram ហ្វេនៗនាំគ្នាខមមិនសរសើរនាងគ្រប់គ្នាថា នាងមិនត្រឹមតែមានចិត្តបុណ្យជួយឧបត្ថម្ភពិធីបុណ្យសពនោះទេ ថែមទាំងដាក់ខ្លួន​គួរឱ្យគោរពស្រឡាញ់ទៀតផង៕

ប្រែសម្រួល៖ សន្យា

ចុចអាន៖ ការស្លាប់របស់ Tangmo ប្រតិកម្មដល់នាយករដ្ឋមន្ត្រី ពេលនេះលោក ប្រាយុទ្ធ បញ្ជាស៊ើបអង្កេតឲ្យគ្រប់ជ្រុងជ្រោយ