រ៉ូបកូនក្រមុំ ៣ឈុត របស់ Son Ye Jin តម្លៃជិត ១០ម៉ឺនដុល្លារ

ពិធីមង្គលការតួឯកទាំងពីរនៃខ្សែភាពយន្តភាគ Crash Landing On You កាលពីថ្ងៃទី ៣១ ខែមីនា ម្សិលមិញនេះ បានធ្វើឱ្យកក្រើកពិភពសិល្បៈកូរ៉េ និងត្រូវទស្សនិកជនអន្តរជាតិរាប់លាននាក់នាំគ្នាអបអរសាទរយ៉ាងច្រើនកុះករ។

ថ្វីត្បិតអាពាហ៍ពិពាហ៍របស់ពួកគេបានធ្វើឡើងជាលក្ខណៈឯកជនក៏ដោយ ប៉ុ​ន្តែអាពាហ៍ពិពាហ៍នេះ មានភាពអាធឹកអាធមខ្លាំងលើការចំណាយខ្ទង់ពាន់លានវ៉ុន ការចូលរួមពីសិល្បក-ការិនីល្បីៗជាច្រើនរូប ព្រមជាមួយនឹងភាពប្រណីតតាមបែបអភិជនផងដែរ។

ក្នុងនោះរ៉ូបក្រមុំដែល Son Ye Jin បានស្លៀកមុននិងកំលុងនៃមង្គលការ បានទាក់ទាញអ្នកលេងបណ្តាញសង្គមនាំគ្នាបង្ហាញចំណាប់អារម្មណ៍ជាខ្លាំង ព្រោះតែរ៉ូបអាពាហ៍ពិពាហ៍របស់នាងជាប្រេនអន្តរជាតិ និងមានតម្លៃខ្ទង់សែនដុល្លារឯណោះ។

រ៉ូបទី១ដែលកូនក្រមុំស្លៀកថត Pre-wedding ឈ្មោះ Camellia Gown ជាម៉ាកយីហោរបស់ Vera Wang’s Bridal Spring 2020 ហើយវាមានតម្លៃ ៩៨០០ ​ដុល្លារអាមេរិក។ ចំណែករ៉ូបទី២ ដែលនាងស្លៀកជាប្ររន Valentino’s pre-fall 2022 មានតម្លៃ ៦៦,០០០ដុល្លារអាមេរិក និងរ៉ូបទី៣ជាប្រេន Vera Wang’s Spring 2020 ខណៈតម្លៃរបស់វាគឺ ១១,០០០ ដុល្លារអាមេរិក៕

ប្រែសម្រួល៖ សន្យា

ចុចអាន៖ អាពាហ៍ពិពាហ៍តួឯកក្នុងរឿង “ Crash Landing on You “ មាន ៤ ចំណុចដែលគេចាប់អារម្មណ៍ខ្លាំងបំផុត