តារា​ស្រី ៥រូប ជាប់ឈ្មោះសិចស៊ី​បំផុត​ ប្រចាំឆ្នាំ២០២២

យោងតាមការចុះផ្សាយដោយទស្សនាវដ្ដី Forbes ក្នុងឆ្នាំ២០២២នេះ កំពូលតារាស្រី ៥រូប បានជាប់ឈ្មោះជាកំពូលតារាស្រីសិចស៊ី និង Hot បំផុត ​នៅលើបណ្ដាញសង្គម Instagram ដែលពួកគេទាំងនោះគឺ៖

Selena Gomez

ច្រើនឆ្នាំមកហើយ ​មិនទាន់មានអ្នកវ៉ាដាច់ Selena Gomez បានឡើយ ក្នុងនាមជាតារាស្រីមានភាពទាក់ទាញ និង​ Hot ខ្លាំងលើបណ្ដាញសង្គម Instagram។ ​នាងមិនត្រឹមតែជាតារាស្រីមាន Follower ច្រើនជាងគេលើបណ្ដាញនេះនោះទេ សូម្បីរូបថតរបស់នាងដែលបានបង្ហោះចេញ ក៏ទទួលបានការគាំទ្រច្រើនបំផុត រហូតអាចធ្វើឱ្យនាងក្លាយជាតារាស្រីទី១ ជាប់ឈ្មោះជានារីសិចស៊ីបំផុតថែមទៀតផង។

Ariana Grande

និយាយពីឥទ្ធិពលរបស់កំពូលតារាស្រី នៅលើវេទិកា Instagram តារាចម្រៀង Ariana Grande ក៏ជាប់ឈ្មោះជាតារាស្រីមានឥទ្ធិពលមួយរូបផងដែរ ។ ប្រឡូកក្នុងវិស័យតន្ត្រីជាច្រើនឆ្នាំ Ariana Grande បានក្លាយជានិមិត្តរូបនៃភាពស្រស់ស្អាត និងជាបុគ្គលមានទេពកោសល្យដែលសាធារណជនទទួលស្គាល់រាប់សិបលាននាក់។

ប្រភពបានឱ្យដឹងថា ​អ្នកតាមដាននាងលើ ​IG មានដល់ទៅ ៣០៤លាននាក់ ដែលចំនួននេះពិតជាមិនអន់ជាងលេខ ១ឡើយ។ គ្រាន់តែនាងបង្ហោះរូបធម្មតាៗមួយសន្លឹក ក៏ទទួលបានការ Like រាប់សិបលាននាក់ដែរ។ នេះហើយជាមូលហេតុដែលធ្វើឱ្យ Ariana Grande ភាពទាក់ទាញខ្លាំង រហូតជាប់ឈ្មោះជាតារាស្រី Hot ប្រចាំឆ្នាំ។

Beyoncé

មិន​ត្រឹម​តែ​ជា​សេដ្ឋីនីប៉ុណ្ណោះ​ទេ Beyoncé ក៏​មាន​អ្នក​តាម​ច្រើន​នៅ​លើ​បណ្ដាញ​សង្គម។ នេះសបញ្ជាក់ឱ្យឃើញពីឥទ្ធិពលខ្លាំងរបស់តារាចម្រៀងរូបនេះក្នុងវិស័យសិល្បៈ និងបេះដូងអ្នកគាំទ្រ។ បច្ចុប្បន្ន​តារា​ចម្រៀង​វ័យ ៤០​ឆ្នាំ​រូប​នេះ មាន​អ្នក Follow ដល់​ទៅ ២៤៩លាន​នាក់​ នៅ​លើ Instagram ហើយនាងក៏ឈរក្នុងតារាងតារាស្រីសិចស៊ីបំផុតផងដែរ។

Lisa

តារាស្រីសិចស៊ីលំដាប់ទី៤ នៅក្នុងបញ្ជី គឺតារាចម្រៀងថៃ Lisa ​សមាជិកក្រុមចម្រៀងកូរ៉េ BLACKPINK។ កេរ្តិ៍ឈ្មោះរបស់នាងបានសាយភាយដល់ពិភពលោកយ៉ាងរហ័សត្រឹមតែប៉ុន្មានឆ្នាំក្នុងការឈានជើងចូលសិល្បៈ។ Lisa មានប្រជាប្រិយភាព មិនអន់ជាងតារាហូលីវូដប៉ុន្មានឡើយ ខណៈឆ្នាំ២០២២ នាងក៏ជាប់ឈ្មោះជាតារាស្រីមានឥទ្ធិពលម្នាក់ផងដែរ។

Rihanna

ថ្វីត្បិតឆ្នាំនេះ Rihanna បាននិងកំពុងពពោះក៏ដោយ ក៏ប្រជាប្រិយភាពរបស់នាង នៅតែវ៉ាដាច់តារាស្រីក្មេងៗច្រើននាក់ផ្សេងទៀត ក្លាយជាតារាស្រី Hot ប្រចាំឆ្នាំ ២០២២។

ទោះបីមិនមានអ្នកតាមដានលើ IG  ច្រើនដូចតារាស្រីទាំង ៤ខាងលើ ប៉ុន្តែមនុស្សរាប់សិបលាននាក់ ចាប់អារម្មណ៍នឹងសម្រស់ និងទេពកោសល្យរបស់ Rihanna យ៉ាងខ្លាំង។ មិនថានាងមានផ្ទៃពោះយ៉ាងណា សម្រស់មិនបាក់ស្រុតសោះ ហើយនាងនៅតែរក្សាបានតំណែងជាកំពូលតារាស្រីសិចស៊ី៕

​ប្រែសម្រួល៖ សន្យា

ចុចអាន៖ តារាស្រី ១៥ រូប ជាប់ឈ្មោះជាសិល្បករមានអំណាច និងឥទ្ធិពលខ្លាំងក្នុងពិភពតន្ត្រី