ជីវិតកម្សាន្ដ

ផ្ទុះការវែកញែកបទ “អូនលែងប្តីហើយ” របស់តារាពហុជំនាញ ខាត់ សុឃីម

បានផុស

៤ years មុន

នៅ

ថ្ងៃចន្ទ ១៨ មេសា ២០២២

ដោយ

ខណៈពេលដែលបទចម្រៀង”អូនលែងប្តីហើយ”របស់តារាចម្រៀងអ្នកនាង ខាត់ សុឃីម ត្រូវបានបង្ហោះផ្សព្វផ្សាយជាផ្លូវការ ដើម្បីជាអបអរ និងរាំលេងកម្សាន្តសប្បាយនាឱកាសពិធីបុណ្យចូលឆ្នាំថ្មីប្រពៃណីជាតិខ្មែរ ដែលមានការគាំទ្រច្រើនលើសការរំពឹងទុកនោះដែរ ក៏ស្រាប់តែមានការរិះគន់លើបទនេះដូចគ្នា។

May be a closeup of 1 person and standing

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួយ៉ាងនៅលើទំព័រហ្វេសប៊ុកឈ្មោះ Chhour So pannha បានបង្ហោះសាររិះគន់ថា “អូនលែងប្តីហើយ”ជាចម្រៀងឆ្នាំខ្លា តែខ្ញុំយល់ថាជាបទមួយមិនសមរម្យនោះទេ ហើយមើលទៅហាក់បង្អាប់តម្លៃស្ត្រីខ្មែ រជាពន្លឹក ព្រោះថាស្ត្រីខ្មែរមិនមែនលែងប្តីហើយដើរប្រកាសប្រាប់គេឯងហើយប្រកាសរកសង្សារថ្មី (ប្រុសឈ្មោល)ដូចនៅក្នុងបទចម្រៀងនោះទេ។

ម្ចាស់គណនីហ្វេសប៊ុកដដែលបានបន្តថា ម្យ៉ាងទៀតហាក់ប្រមាថដល់តម្លៃសង្គមកម្ពុជា ដែលរាជរដ្ឋាភិបាលបាននិងកំពុងលើកតម្កើងនូវតម្លៃស្ត្រី និងសីលធម៌សង្គម។ អ្នកមានសិទ្ធិនិពន្ធតែការនិពន្ធត្រូវគិតពីតម្លៃនៃសង្គមសីលធម៌ វប្បធម៌ប្រពៃណី និងមរតកជាតិផង…។ កុំដើម្បីតែប្រាក់ធ្វើតាមចិត្តភ្លេចអស់រសនិយមនិងតម្លៃជាតិ។

ប្រភពខាងលើក៏បានលើកឡើងទៀតថា ចំពោះខ្ញុំ គឺសូមប្រកាសថ្កោលទោសដល់អ្នកដែលនិពន្ធបទនេះ ព្រោះវាមានចរិតប្រមាថស្ត្រីខ្មែរ និងផ្សព្វផ្សាយអំពើហិង្សាក្នុងគ្រួសារ។ អ្នកយល់យ៉ាងណា?។ តាមរិះការរិះគន់ខាងលើនេះដែរ គេឃើញមតិខ្លះបានបញ្ចេញទស្សនៈគាំទ្រ និងខ្លះទៀតមិនគាំទ្រខណៈមួយចំនួនកំពុងបង្ហាញការវែកញែកផ្សេងៗគ្នា។

ពាក់ព័ន្ធនឹងរឿងរ៉ាវខាងលើនេះដែររហូតមកទល់ពេលនេះ គេមិនឃើញមានប្រតិកម្មពីតារាចម្រៀងអ្នកនាង ខាត់ សុឃីម និងខាងផលិតកម្ម ឬអ្នកនិពន្ធនៅឡើយទេ។ ប៉ុន្តែភ្លាមៗនោះគេ ក៏កត់សម្គាល់ឃើញតារាចម្រៀងប្រុសលោក ឌឿ វិសាល បានចេញមុខការពារ និងបញ្ចេញទស្សនៈលើការរិះគន់នេះផងដែរ។

លោក ឌឿ វិសាល បានលើកឡើងថា Dear brother ខ្ញុំគិតថា បទនេះមិនខុសទេមនុស្សស្រី ឬប្រុសមានសិទ្ធជ្រើសរើសសេចក្តីសុខរបស់ខ្លួន បើជីវិតគូគាត់មិនមានក្តីសុខ តើគាត់លែងលះមិនបានមែនទេ? តើបន្ទាប់ពីលែងលះគាត់សប្បាយ ឬផ្តើមជីវិតថ្មីមិនបានមែនទេ? តើគាត់គ្មានសិទ្ធនឹងរកអ្នកថ្មីមែនទេ? ។ចុះបទចម្រៀងដែលនិយាយពីការផឹកស៊ីគ្រឿងស្រវឹងម៉េច brother មិនថាខុសផង? បទផឹកស៊ីវាធ្វើឲ្យប៉ះពាល់អ្វីខ្លះដល់សង្គមជាតិយើងមនុស្សខូចសុខភាពក្មេងៗ ខ្លះធំមិនទាន់ចេះផឹកស៊ីតើម៉េចវិញ?៕