ជីវិតកម្សាន្ដ

៥ ចំណុចគេចង់ដឹងខ្លាំង ពីតួឯកប្រុសក្នុងរឿង “បាតដៃអំណាចព្រះ” រហស្សនាមបុរសលួច បេះដូងទស្សនិកជនស្រីៗ

បានផុស

២ ខែ មុន

នៅ

ថ្ងៃសុក្រ ២២ មេសា ២០២២

ដោយ

បើនិយាយពីភាពល្បីល្បាញខ្លាំង Park Seo joon គឺជាតារាមួយរូប ដែលបានទាញទស្សនិកជននារីៗ អស់សឹងមួយពិភពលោក ដោយសារតែរូបរាងដ៏សង្ហា និងផ្ទៃមុខមានមន្តស្នេហ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម៉្យាងវិញទៀតនៅកម្ពុជាយើងឯនេះវិញ លោកក៏ល្បីល្បាញខ្លាំងមិនធម្មតា ជាពិសេសរឿង “បាតដៃអំណាចព្រះ”ដែលទើបចាក់បញ្ចាំងនៅរោងកុននាពេលថ្មីៗនេះ។

១ គាត់គឺជាស្តេចនៃពិភព K-romcoms

រូបរាង និងទេពកោសល្យដ៏ល្អរបស់ Park បានប្រែក្លាយជាតួអង្គក្នុងរឿងមនោសញ្ចេតនាជាច្រើន ។ នោះច្បាស់ណាស់ពីតួនាទីដំបូងរបស់គាត់ ក្នុងរឿង Witch’s Love ហើយគាត់បានដើរតួជា Yoon Dong-ha ដ៏ផ្អែមល្ហែម និងស្រលាញ់នារីម្នាក់ ដែលមានអាយុច្រើនជាងគាត់ ១៤ ឆ្នាំ។ គាត់បានបន្តលួចបេះដូងទស្សនិកជន ក្នុងនាមជាតួអង្គ Ji Sung-joon ដ៏ត្រជាក់ ប៉ុន្តែមានចិត្តកក់ក្ដៅ ក្នុងរឿង She Was Pretty និងជាតួអង្គកីឡាករតេក្វាន់ដូ ក្នុងរឿង Fight for My Way ។ ជាពិសេស ការសម្ដែងរបស់គាត់ ក្នុងរឿង What’s Wrong with Secretary Kim ដែលដើរតួជាអនុប្រធាន Lee Young-joon ដែលក្រអឺតក្រទម និងកំប្លែងពេលមានស្នេហា ហើយហ្វេនដាក់ឈ្មោះគាត់ថា “បុរសរ៉ូមែនទិកនៅពិភព K Drama “។

២ ជាតារាមានពហុជំនាញ

ក្រៅពីសម្ដែងជាតួអង្គក្នុងរឿងមនោសញ្ចេតនា លោក Park ក៏បានដើរតួជាច្រើនក្នុងរឿងភាគ សកម្មភាព និងភាពយន្តបែបភ័យរន្ធត់។ គាត់បានដើរតួជាប៉ូលីសនៅក្នុង Midnight Runners អ្នកប្រយុទ្ធ MMA ក្នុងរឿង The Divine Fury អ្នកជំនួញ F&B នៅក្នុង Itaewon Class និងជាអ្នកលេងបាល់ទាត់នៅក្នុង Dream ។ គាត់ថែមទាំងចេះច្រៀង រាំទៀតផង។ គាត់បានបង្ហាញពីសម្លេងដ៏ទន់ភ្លន់របស់គាត់ នៅលើបទភ្លេងសម្រាប់ She Was Pretty និង Hwarang: The Poet Warrior Youth ។ គាត់ក៏បានបញ្ចេញក្បាច់រាំយ៉ាងរលូន ក្រៅពី JB របស់ Got7 ក្នុង Dream High 2 ដែលជាស៊េរីអំពីសិស្សដែលសុបិនចង់ក្លាយជាតារា K-pop ។ តារាសម្ដែងរូបនេះ អាចនិយាយភាសាអេស្ប៉ាញបានខ្លះដែរ។ នៅក្នុងកម្មវិធីពិត Youn’s Kitchen ជាកន្លែងដែលតារាកូរ៉េធ្វើដំណើរទៅប្រទេស ផ្សេងៗគ្នា ដើម្បីបើកភោជនីយដ្ឋានកូរ៉េតូចមួយ Park បានទៅប្រទេសអេស្ប៉ាញ ហើយបានសន្ទនាជាមូលដ្ឋានមួយចំនួនជាមួយអតិថិជនក្នុងស្រុក។

៣ គាត់គឺជាតារាម៉ូដែលអាស៊ីដំបូងរបស់ Tommy Hilfiger

ក្នុងឆ្នាំ ២០១៧ គាត់ត្រូវបានជ្រើសរើសដោយ Tommy Hilfiger ជាតារាបង្ហាញម៉ូដម្នាក់ បង្កើតប្រវត្តិសាស្ត្រជាបុរសអាស៊ីដំបូងគេ ដែលត្រូវបានផ្ដល់ការងារនេះ យោងទៅតាម AllKpop ។ មួយឆ្នាំក្រោយមក គាត់បានក្លាយជាទូតសុឆន្ទៈទីមួយរបស់ Montblanc Korea ។ ជាពិសេសឆ្នាំនេះ តែម្នាក់ឯងគត់ ដែលគាត់បានបង្ហាញខ្លួននៅក្នុងខ្សែភាពយន្តពាណិជ្ជកម្មចំនួន ២០ នៅទូទាំងទូរទស្សន៍ ការបោះពុម្ព និងតាមអ៊ីនធឺណិត ហើយត្រូវបានចាត់ថ្នាក់ “ជាទីពេញចិត្តបំផុតដោយអ្នកប្រើប្រាស់” ក្នុងឆ្នាំ ២០១៨។ កាលពីឆ្នាំមុន គាត់ត្រូវបានជ្រើសរើសជាទូតសុឆន្ទៈឲ្យម៉ាកប្រចាំតំបន់របស់ Skechers ។

៤ គាត់គឺជាបេះដូងមួយរបស់ Wooga Squad

Park គឺជាសមាជិកក្រុម Wooga Squad ដែលជាក្រុមមិត្តភ័ក្ដិ K-biz រួមមាន The Heirs’ Park Hyung-sik, BTS’ V, Parasite’s Choi Woo-shik និងតារាចម្រៀង Peakboy ។ ជារឿយៗគេឃើញពួកគេដើរលេង ធ្វើដំណើរ និងជួយគ្នាទៅវិញទៅមក ក្នុងចំណោមពួកគេ Park មានទំនាក់ទំនងពិសេសជាមួយ V និង Choi ។ V បានសម្ដែងនៅលើបទភ្លេងសម្រាប់ Itaewon Class ខណៈពេលដែលតារាសម្ដែងរូបនេះតែងតែបង្ហោះរូបថត និងវីដេអូរបស់ BTS ដើម្បីគាំទ្រដល់ការផ្សព្វផ្សាយរបស់ក្រុម ។ ទន្ទឹមនឹងនេះ Park និង Choi បានធ្វើរឿងកំប្លែង និងភ្ញៀវសម្រាប់គម្រោងរបស់អ្នកផ្សេងទៀតជាច្រើនដង ហើយថែមទាំងអោបគ្នាយ៉ាងផ្អែមល្ហែមនៅក្នុងរឿង Shut Up Family ដែលពួកគេបានជួបគ្នាដំបូង។

៥ គាត់គឺជាមេគ្រួសារ

Park មានភាពស្និទ្ធស្នាលជាមួយគ្រួសាររបស់គាត់ ជាពិសេសបន្ទាប់ពីក្មួយស្រីរបស់គាត់ បានកើតកាលពីប៉ុន្មានឆ្នាំមុន។ ការមកដល់របស់ក្នួយ បាននាំមកនូវបំណងប្រាថ្នារបស់គាត់ សម្រាប់គ្រួសារទាំងមូល លោកបាននិយាយថា “ខ្ញុំតែងតែចង់រៀបការ ហើយការរស់នៅម្នាក់ឯង ធ្វើឲ្យខ្ញុំកាន់តែឯកា”។ ម៉្យាងវិញទៀត គាត់តែងតែបង្ហាញកូនចៀមរបស់គាត់ ឈ្មោះ Simba ដោយក្តីស្រឡាញ់នៅលើគណនីប្រព័ន្ធផ្សព្វផ្សាយសង្គមរបស់គាត់៕

ប្រែសម្រួល៖ សាង ស្រីល័ក្ខ

ចុចអាន៖មុនល្បីល្បាញក្នុងវិស័យ K-pop អតីតសមាជិក 2ne1 រូបនេះ ធ្លាប់ជាជនអន្តោប្រវេសន៍នៅ ហ្វីលីពីន

ចុចអាន៖តារាជួរមុខកូរ៉េ ២ ដួង ពាក់គ្រឿងអលង្ការក្មេងៗក្នុងកម្មវិធី រហូតធ្វើឲ្យអ្នកគាំទ្រសម្រុកទិញអស់ពីស្តុក