ជីវិតកម្សាន្ដ

នៅចាំក្មេងប្រុសលេចមុខក្នុងបទ “Gangnam Style” របស់ PSY ទេ ពេលនេះធំពេញវ័យ និងមានរូបរាងសង្ហាខ្លាំង

បានផុស

៤ years មុន

នៅ

ថ្ងៃចន្ទ ២៥ មេសា ២០២២

ដោយ

ត្រលប់ទៅឆ្នាំ ២០១២ បទចម្រៀង “Gangnam Style” របស់ PSY ធ្លាប់បានកាន់កាប់ពិភពលោក ជាមួយនឹងទំនុកច្រៀងដ៏ទាក់ទាញ និងក្បាច់រាំដ៏ល្បី ហើយក៏មិនគួរឲ្យភ្ញាក់ផ្អើលទេ ដែលគ្រប់គ្នាឈ្លក់វង្វេងនឹងវិស័យ K-Pop នេះខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាពិសេសនោះ ក្មេងប្រុសតូចដែលលេចមុខនៅក្នុងវីដេអូចម្រៀងនេះ ត្រូវបានមហាជនគ្រប់ទិសទីចាប់អារម្មណ៍ខ្លាំង ដោយសារគេបានឆក់យកបេះដូងអ្នកគាំទ្រ ទូទាំងសកលលោក។

ក្មេងប្រុសតូចនោះ មានឈ្មោះថា Hwang Min Woo បន្ទាប់ពីទទួលបានភាពល្បីល្បាញក្នុងកម្មវិធី Korea’s Got Talent ក្នុងឆ្នាំ ២០១០ តារាវ័យក្មេងរូបនេះ ត្រូវ PSY ទាក់ទងថតបទជាមួយ រហូតរូបគេទទួលបានភាពល្បីល្បាញចាប់ពីពេលនោះមក។ គេនៅចាំបានថា Hwang កាលណោះ មានអាយុត្រឹមតែ៧ឆ្នាំប៉ុណ្ណោះ នៅពេលដែលវីដេអូចេញដំបូង ហើយឥឡូវនេះ ក្មេងជំទង់រូបនេះ មានអាយុ ១៦ ឆ្នាំហើយ។

បច្ចុប្បន្ន យុវវ័យរូបនេះ កំពុងសិក្សានៅសាលាសិល្បៈសំដែងទីក្រុងសេអ៊ូល (SOPA)។ សាលានេះមានភាពល្បីល្បាញ និងជាកន្លែងហ្វឹកហាត់របស់តារាល្បីៗមួយចំនួន រួមទាំង Jungkook សមាជិក BTS, Kai សមាជិក EXO, Yunho ក្រុម ATEEZ និងតារាល្បីៗជាច្រើនទៀត។

Hwang Min Woo ត្រូវបានគេដឹងថា ជាតារាមានទេពកោសល្យតាំងពីក្មេង និងមានភាពទាក់ទាញជារបស់ខ្លួន។ គេក៏បានទស្សន៍ទាយថា Hwang អាចនឹងក្លាយជាតារាសកលដូច PSY ដែរ។ យ៉ាងណាមិញ Hwang ថែមទាំងបានបង្ហោះវីដេអូរាំត្រាប់តាមនៅលើ YouTube ដែលមានបទដូចជា “The Feels” របស់ TWICE និងបទភ្លេងដ៏វីរភាពនៃបទចម្រៀង BTS ។ ថ្វីត្បិតតែតារារូបនេះ នៅតែមានរូបរាងក្មេងជាងវ័យ ប៉ុន្តែលោកបានឈានចូលវ័យជំទង់ ដែលមានរូបរាងសង្ហាខ្លាំង។ នៅលើ Instagram លោកមានអ្នកតាមដាន ១០,០០០ និងគណនី TikTok ផ្ទាល់ខ្លួនមានអ្នកតាមដានជិត ១០០,០០០ ផងដែរ៕

ប្រែសម្រួល៖ សាង ស្រីល័ក្ខ

ចុចអាន៖តារាជួរមុខកូរ៉េ ២ ដួង ពាក់គ្រឿងអលង្ការក្មេងៗក្នុងកម្មវិធី រហូតធ្វើឲ្យអ្នកគាំទ្រសម្រុកទិញអស់ពីស្តុក

ចុចអាន៖៥ ចំណុចគេចង់ដឹងខ្លាំង ពីតួឯកប្រុសក្នុងរឿង “បាតដៃអំណាចព្រះ” រហស្សនាមបុរសលួច បេះដូងទស្សនិកជនស្រីៗ