ជីវិតកម្សាន្ដ

សុខ ពិសី សរសើរអតីតបេក្ខជន ទុំ សុវត្ថិ ពេញៗមាត់

បានផុស

៣ years មុន

នៅ

ថ្ងៃអង្គារ ២១ មិថុនា ២០២២

ដោយ

គេនៅចាំបានថា អតីតបេក្ខជន ទុំ សុវត្ថិ ថ្មីៗនេះទើបបានធ្លាក់ចេញពីកម្មវិធីលំដាប់ថ្នាក់ពិភពលោកCambodian Idolរដូវកាលទី៤ ក្នុងវគ្គJudge Audition ។ ប៉ុន្តែអ្វីដែលគេចាប់អារម្មណ៍បន្ទាប់ពីការធ្លាក់បេក្ខជនរូបនេះបែរជាទទួលបានសំណាងផ្ទួនៗទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះមិនខុសអ្វីពីពាក្យគេនិយាយថា គ្រោះក្លាយជាលាភនោះទេដោយរហូតមកដល់ពេលនេះ លោក ទុំ សុវត្ថិ បានទទួលការជ្រោមជ្រែងពីបុគ្គលល្បីៗក្នុងវិថីសិល្បៈជាច្រើនតាមរយៈការផ្ដល់ជាថវិកា ការទទួលឲ្យចូលច្រៀង ការទទួលធ្វើជាកូនសិស្ស ការនិពន្ធបទចម្រៀងហើយថែមទាំងមានឱកាសឡើងច្រៀងក្នុងកម្មវិធីតូចធំមួយចំនួនទៀតផង។

យ៉ាងណាមិញក្រោយពីទទួលបានការជួយឧបត្ថម្ភជាបន្តបន្ទាប់ហើយនោះ ថ្មីៗនេះគេឃើញ ទុំ សុវត្ថិ ក៏ទើបក្តាប់បានឱកាសធំបន្ថែមទៀតនៅក្នុងក្រុមហ៊ុនមួយផងដែរ។ ដោយឡែករឿងដែលគេចាប់អារម្មណ៍ទៀតនោះ ស្រាប់តែតារាចម្រៀងរៀមច្បងលំដាប់ប្រទេសកញ្ញា សុខ ពិសី បានចេញមុខពោលសរសើរពេញៗមាត់ចំពោះអត្តចរិតរបស់ ទុំ សុវត្ថិ បង្ហាញអ្នកគាំទ្រជាសាធារណ:តែម្តង។

តារាចម្រៀងកញ្ញា សុខ ពិសី បានសរសេរបង្ហោះភ្ជាប់រូបភាពដោយលើកសរសើរនូវអត្តចរិតរបស់លោក ទុំ សុវត្ថិ បែបនេះថា «ទាល់តែគាត់ផ្ញើរូបមកហើយសួរថា តើបងនៅចាំប្អូនបានអត់ ទើបដឹងថា ប្អូនប្រុសដែលសុំខ្ញុំថតកាលពីយូរឆ្នាំហើយ គឺប្អូន Tom Sovath ឱ្យចាំមុខម៉េចបានបើឥឡូវសង្ហាជាងមុនទៀត សរសើរអត្តចរិតគាត់ណាស់ ចេះគួរសម និងគួរឱ្យស្រឡាញ់»។

គេកត់សម្គាល់ឃើញដែរថា បច្ចុប្បន្នអតីតបេក្ខជនលោក ទុំ សុវត្ថិ គឺត្រូវបានមហាជនស្គាល់ស្ទើរតែមួយប្រទេសទៅហើយ ដោយអាចនិយាយបានថា លោកកំពុងសាងបានប្រជាប្រិយភាព និងភាពល្បីល្បាញ ខណ:ដែលឱកាសការងាររកលុយចំពោះយុវជនមានប្រវត្តិដ៏កម្សត់រូបនេះក៏មានច្រើនផងដែរ៕

អត្ថបទ៖ ចាន់រ៉ា