តើអ្វីជាមូលហេតុធ្វើឲ្យកញ្ញា អ៊ិន លក្ខិណា រអាក់រអួលក្នុងការចេញទៅប្រកួត Miss Supranational ២០២២?  

ម្ចាស់ជ័យលាភីគ្រងមកុដ Miss Supranational Cambodia ២០២១ គឺកញ្ញា អ៊ិន លក្ខិណា ត្រូវបានអ្នកគាំទ្រដឹងហើយថា នាងបានក្លាយជាស្រ្តីដំបូងគេ ដែលតំណាងឲ្យកម្ពុជាក្នុងការចេញទៅប្រកួត Miss Supranational ២០២១ លើឆាកអន្តរជាតិនាឆ្នាំ ២០២២នេះ នៅប្រទេសប៉ូឡូញ។

ស្របពេលដែលកម្មវិធី ប្រកួតបវរកញ្ញាលំដាប់ពិភពលោក Miss Supranational ២០២២ កំពុងត្រៀមខ្លួនបើក ឆាកប្រកួតនាពេលខាងមុខដ៏ខ្លី នាទឹកដីប្រទេសប៉ូឡូយនេះដែរ គេក៏ឃើញមានបណ្ដាបេក្ខភា ពប្រកួតបណ្តាប្រទេសនីមួយៗ កំពុងតែធ្វើដំណើរទៅកាន់ប្រទេសប៉ូឡូញ ហើយក៏មានបេក្ខភាពប្រទេ សខ្លះទៀតបានទៅដល់ហើយផងដែរ។

ដោយឡែកសម្រាប់កម្ពុជាវិញនៅឆ្នាំ ២០២២នេះ ក៏ត្រៀមបញ្ជូនបេក្ខភាពតំណាងប្រទេស ឲ្យទៅចូលរួ មប្រកួតលើឆាកអន្តរជាតិដូចគ្នាផងដែរ ខណ:បវរកញ្ញា អ៊ិន លក្ខិណា គឺមានតួនាទីចេញទៅក្នុងការ ប្រកួតមួយនេះ ដើម្បីតំណាងកម្ពុជា។ ប៉ុន្តែរឿងដែលធ្វើឲ្យគេបារម្ភនោះ រហូតមកដល់ពេលនេះកញ្ញា អ៊ិន លក្ខិណា ពុំទាន់បានចេញទៅប្រកួតឡើយ ស្របពេលដែលបេក្ខភាពប្រទេសមួយចំនួន បានទៅដល់ប្រទេសប៉ូឡូញស្ទើរតែអស់ហើយនោះ។

ទាក់ទងនឹងបញ្ហាយឺតយ៉ាវនេះដែរ ត្រូវបានកញ្ញា អ៊ិន លក្ខិណា ដែលជាបវរកញ្ញាត្រូវតំណាងប្រទេសកម្ពុជាបញ្ជាក់ថា បញ្ហាដែលរអាក់រអួលកើតឡើងដោយសារតែ Visa។ កញ្ញា លក្ខិណា បានលើកឡើងថា «ជម្រាបសួរ ពុកម៉ែបងប្អូនទាំងអស់គ្នា នាងខ្ញុំមានការរអាក់រអួលជាមួយនឹង Visa បន្ដិចបន្ដួច ដូច្នេះ  ហើយនៅពេលដែលនាងខ្ញុំដឹងច្បាស់ នាងខ្ញុំនឹងប្រាប់ពុកម៉ែបងប្អូនម្ដងទៀត»។

បរវរកញ្ញា អ៊ិន លក្ខិណា បានបញ្ជាក់បន្ថែមទៀតថា បញ្ហានេះដោយសារតែនៅស្រុកខ្មែរ មិនមាន Visa ប៉ូឡូញ។ ដូច្នេះ​តម្រូវឲ្យកញ្ញា លក្ខិណា ឡើងទៅប្រទេសថៃដើម្បីធ្វើ Visa។ យ៉ាងណាមិញ ក៏មានអ្នកគាំទ្រជាច្រើន បានសម្តែងការជូនពរដល់បវរកញ្ញារូបនេះឲ្យបានជោគជ័យ ក្នុងការធ្វើដំណើរចេញទៅប្រកួតផងដែរ៕

អត្ថបទ៖ ចាន់ រ៉ា