ជីវិតកម្សាន្ដ

Kimberly ចូលបំភ្លឺនៅប៉ុស្តិ៍ប៉ូលិស ក្រោយរឿងក្ដីចោរកម្មរបស់ Ann

បានផុស

៤ years មុន

នៅ

ថ្ងៃអង្គារ ២ សីហា ២០២២

ដោយ

Sonya

តារាសម្ដែង Kimmy Kimberly ចូលជួបប៉ូលិសសង្កាត់ Thonglor ក្រុងបាងកក ដើម្បីផ្ដល់ចម្លើយលើករណីចោរកម្មរបស់នាងកាលពីចុងឆ្នាំមុន ព្រោះប៉ូលិសសង្ស័យរឿងក្ដីរបស់នាងមានភាពស្រដៀងគ្នានឹងករណីរបស់តារារៀមច្បង Ann Thongprasom ដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្តែង Kimberly បានជួបជាមួយក្រុមស៊ើបអង្កេតសង្កាត់ Thonglor ដើម្បីឱ្យប៉ូលិសសាកសួរអំពីវឌ្ឍនភាពនៃករណីចោរកម្មកាបូបម៉ាកប្រណីតចំនួន ៤ ដែលមានតម្លៃជាង ២លានបាត កាលពីខែវិច្ឆិកា ឆ្នាំ២០២១ ខណៈបច្ចុប្បន្នពិរុទ្ធជនមិនទាន់ត្រូវបានចាប់ខ្លួននៅឡើយ។

ក្នុងនៅចម្លើយជាមួយប៉ូលិស Kimberly ទទួលស្គាល់ថាករណីរបស់ខ្លួនខុសពីករណីរបស់ Ann Thongprasom ព្រោះនាងដឹងខ្លួនយឺតពេលបាត់ទៅហើយ ហើយនៅកន្លែងកើតហេតុនាពេលនោះ មិនមានកាមេរ៉ា CCTV ច្រើននោះទេ ដែលនេះជាហេតុធ្វើឱ្យភ័ស្តុតាងមិនមានគ្រប់ជ្រុងជ្រោយ។ ទោះបីពេលនេះនាងផ្ដល់ចម្លើយបានច្រើនប៉ុនណា ក៏មិនសូវសង្ឃឹមនឹងរកឃើញទ្រព្យមកវិញដែរ ព្រោះដំណើររឿងបានកើតឡើងជាយូរមកហើយ វាពិបាកក្នុងការតាមចាប់ជនទុច្ចរិតណាស់។

Kimberly និយាយថា ពីពេលនេះទៅ រឿងក្ដីរបស់នាងចាត់ទុកជាបទពិសោធន៍ទៅចុះ ដោយសារតម្រុយតាមចាប់ជនខិលខូច កំពុងបាត់ស្រមោលឈឹង។ ទោះយ៉ាងណា សមត្ថកិច្ចនៅតែបញ្ជាក់ថា ខ្លួនកំពុងតាមចាប់ជនល្មើសនៅឡើយ៕