ជីវិតកម្សាន្ដ

មកុដ Miss Grand International ២០២២ ឆ្នាំនេះស្អាតខ្លាំង រហូតធ្វើឲ្យបវរកញ្ញារំភើបចិត្ត

បានផុស

៤ years មុន

នៅ

ថ្ងៃព្រហស្បតិ៍ ២៥ សីហា ២០២២

ដោយ

ទំព័រហ្វេសបុកផ្លូវការ Miss Grand International បានបង្ហាញមកុដជំនាន់ទី៤ រចនាដោយ George Wittels មកពីប្រទេសវេណេហ្ស៊ុយអេឡា ហើយវានឹងក្លាយជាមកុដសម្រាប់អ្នកឈ្នះ នៅក្នុងឆ្នាំ ២០២២ ដល់ ឆ្នាំ ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ក្រោយផេកផ្លូវការបានប្រកាសពីមកុដជំនាន់ទី ៤ Miss Grand Internationa ២០២២ រួចមក បានធ្វើឲ្យបវរកញ្ញាជាច្រើន ដែលជាបេក្ខនារីរំភើបចិត្តជាខ្លាំង។ ជាពិសេសនោះ គឺម្នាក់ៗបានស្វិតស្វាញ និងពង្រឹងសមត្ថភាពឲ្យកាន់តែខ្លាំងក្លា ដើម្បីធ្វើជាម្ចាស់មកុដជំនាន់ទី ៤នោះឲ្យបាន។

តាមការពិតទៅ កន្លងមកកម្មវិធីប្រកួតសម្រស់មួយនេះ គឺស្ថិតក្នុងក្រសែភ្នែកអ្នកគាំទ្ររួចទៅហើយ។ ជាពិសេសប្រទេសណានឹងធ្វើជាម្ចាស់ផ្ទះរៀងរាល់ឆ្នាំ ខណៈលោក Nawat Israkraisil ជាប្រធានកម្មវិធីប្រកួត Miss Grand Thailand និង Miss Grand International បានខិតខំស្វែងរកភាពចម្រុះនៃវប្បធម៌ ដើម្បីធ្វើឲ្យការប្រលងចេញមកកាន់តែល្អឥតខ្ចោះតាមដែលអាចធ្វើទៅបាន។

គួរបញ្ជាក់ដែរថា ប្រទេសដែលធ្វើជាម្ចាស់ផ្ទះលើឆាក Miss Grand International ឆ្នាំនេះ នឹងប្រារព្ធឡើងនៅប្រទេសឥណ្ឌូណេស៊ី។ អ្វីដែលធ្វើឲ្យបវរកញ្ញាកាន់តែមានការរំភើបចិត្តខ្លាំងនោះគឺ ឆ្នាំ២០២៣ ប្រទេសម្ចាស់ផ្ទះគឺប្រទេសវៀតណាម។ ខណៈនៅឆ្នាំ ២០២៤ គណៈកម្មការកំពុងតែពិភាក្សា ហើយឆ្នាំ ២០២៥ កំពុងតែរង់ចាំការប្រកាសជាផ្លូវការតែម្ដង៕

ប្រែសម្រួល៖ សាង ស្រីល័ក្ខ

ចុចអាន៖ច្បាស់ការហើយ! វៀតណាម នឹងធ្វើជាម្ចាស់ផ្ទះ ការប្រកួត Miss Grand International 2023 (មានវីដេអូ)

Related Topics:Miss Grand International