មកទស្សនាឈុតប្លែកៗរបស់តារាល្បីៗ ក្នុងកម្មវិធី MTV Video Music Awards ២០២២

កម្មវិធី MTV Video Music Awards ឆ្នាំ២០២២ បានធ្វើឡើងកាលពីល្ងាចថ្ងៃអាទិត្យកន្លងផុតទៅនេះ ដោយលេចឡើងនៅវត្តមានតារាល្បីៗជាច្រើន មានដូចជា Lizzo និង​ក្រុម Blackpink ជា​ដើម ​ជាមួយ​នឹង​ឈុត​យ៉ាង​ទាក់ទាញ​នា​យប់​នោះ។

យ៉ាងណាមិញ​ កម្មវិធីឆ្នាំ​នេះ​ប្រារព្ធ​ឡើង​នៅ​មជ្ឈមណ្ឌល Prudential ក្នុងទីក្រុង Newark រដ្ឋ New Jersey ថែមទាំង​ឃើញ​មានការ​សម្ដែង​​របស់​ក្រុម Bad Bunny និង Nicki Minaj, Jack Harlow និង LL Cool J ដែល​ជា​ម្ចាស់ផ្ទះ​ទៀត​ផង។ ក្នុង​នោះ​ទៀត​សោត​ តារាល្បីៗ​ជាច្រើនរៀបចំ​ខ្លួន​ស្លៀក​សំលៀកបំពាក់​ពណ៌​ងងឹតៗ​ដើម្បីស៊ីគ្នានឹងកម្រាលព្រំពណ៌ខ្មៅឲ្យឃើញលេចស្អាត ដូចេ្នះ​យើង​មក​ទស្សនា​ទាំងអស់គ្នាថាម៉ូដឆ្នាំនេះឡូយកម្រិតណា៖

Taylor Swift ចូលរួមកម្មវិធី MTV VMAs ឆ្នាំ២០២២ ក្នុងឈុត Oscar de la Renta មើលទៅមានម៉ូដ​ដូចជា​ខ្សែក​ពេជ្រ​ភ្លឺ​ឆ្វាច​គួរឲ្យ​ទាក់ទាញ​បំផុត។

Becky G ស្លៀក​ឈុត​ឆ្នៃ​ដោយ Zuhair Murad ដេគ័រ​ជាមួយនឹង​កញ្ចក់​ពណ៌​ស្រស់​ចេញ​រូប​ដូច​សន្លឹក​បៀរ​ជំហរ​សង​ខាង​ឃើញសាច់ដ៏​ទ្រលុកទ្រលន់។

តារា​ម៉ូដែល Ashley Graham បញ្ចេញ​កាយវិការ​យ៉ាងជឿជាក់ក្នុងរ៉ូប Houghton ដែល​មាន​សភាព​ខ្វាត់ខ្វែង​ដូច​យក​ក្រណាត់​មករុំ។

Jack Harlow ដែលជាម្ចាស់ផ្ទះគាត់ងាកមកជ្រើសរើស​ឈុតស្បែក​សូកូឡាធម្មតាពីក្រៅអាវកក្អម​ដែលមានពណ៌ស្រដៀងគ្នាមិនសូវមានអ្វីប្លែកឡើយ។

Maneskin’s Ethan Torchio, Victoria De Angelis, Damiano David និង Thomas Raggi ស្លៀកឈុតពីប្រេនល្បី Gucci បែរជាដូចខ្ចីខោអាវគ្នាពាក់ទៅវិញ

អ្នកចម្រៀង Dove Cameron ក្នុងឈុតឥតដៃរបស់ Paco Rabanne បង្ហាញសាច់ទ្រូងខ្ចីញេញ ចំណែកឯម៉ូដវិញមើលទៅស្រដៀងខ្សែក្រវ៉ាត់

Blackpink ស្រីស្អាតយើងវិញគឺលេងឈុតខ្មៅទាំងអស់គ្នាឡើងលេចតែម្ដង ជាពិសេស Jennie។

តើអ្នកទាំងអស់គ្នាយល់យ៉ាងណាដែរ ចំពោះឈុតខាងលើនេះ?

ប្រែសម្រួល៖ វារី

ចុចអាន៖Kylie Jenner សម្រក់ទឹកភ្នែក ៣ សប្ដាហ៍ ក្រោយសម្រាលកូនប្រុសទី ២